بيىل 1 - توقساندا بۇكىل ەل بويىنشا سۋ يگىلىگى قۇرىلىسىنا قوسىلعان قارجى سايكەس مەزگىلدەگىدەن %76.2 ارتتى (جاڭا ساندى مالىمەت، جاڭا ءتۇيىن)
2023.04.18 16:27 كەلۋ قاينارى : حالىق تورابى
«حالىق گازەتى»، 4 - ايدىڭ 17 – كۇنى، بەيجيڭ (تىلشىلەر ۋاڭ حاۋ، سۇن يۋانيۋان). ءتىلشىنىڭ جۋىردا سۋ يگىلىگى مينيسترلىگىنەن ۇعىسۋىنا قاراعاندا، بيىل 1 - توقساندا ەلىمىزدىڭ سۋ يگىلىگى نەگىزدىك قۇرىلعىلار قۇرىلىسىندا تاماشا باستاما جاراتىلىپ، بۇكىل ەل بويىنشا سۋ يگىلىگى قۇرىلىسىنا 189 ميلليارد 800 ميلليون يۋان قارجى قوسىلىپ، سايكەس مەزگىلدەگىدەن %76.2 ارتقان. مۇنىڭ ىشىندە گۋاڭدۇڭ، يۇننان، حىبەي، فۋجيان، جىجياڭ، سىچۋان سىندى 6 ولكەنىڭ قوسقان قارجىسى 10 ميلليارد يۋاننان اسقان.
1 - توقساندا جاڭادان قۇرىلىس باستاعان 11 كەلەلى سۋ يگىلىگى ينجەنەرياسىنىڭ جالپى قارجى قوسۋ كولەمى 47 ميلليارد 600 ميلليون يۋانعا جەتىپ، بىلتىرعى سايكەس مەزگىلدەگىدەن 6 ءتۇر كوبەيىپ، قوسىلعان قارجى كولەمى 25 ميلليارد 200 ميلليون يۋان ارتتى. سۋ يگىلىگى مينيسترلىگى كەلەلى سۋ يگىلىگى ينجەنەريالارىنىڭ الدىڭعى مەرزىمدىك قىزمەتىن ىلگەرىلەتۋ جاعدايىن اپتالىق مالىمدەۋ ءتۇزىمىن اتقارىپ، نىسانداردىڭ كەلەلى تەحنيكالىق ماسەلەلەرىن دەر كەزىندە سايكەستىرىپ شەشىپ، حۋبەيدىڭ ياۋجياپيڭ سۋ يگىلىگى تورابى ينجەنەرياسى، انحۇيدىڭ فىڭحۋاڭشان سۋ قويماسى، نيڭشيانىڭ حىلان تاۋىنىڭ شىعىس باۋرايىنداعى تاسقىننان ساقتانۋ، جونگە سالۋ ينجەنەرياسى، سىچۋاننىڭ سانبا سۋ قويماسى، يۇنناننىڭ تىڭچۇڭ سۋارمالى رايونى سياقتى كەلەلى سۋ يگىلىگى ينجەنەريالارىنىڭ جۇمىس باستاۋىن ىلگەرىلەتتى.
قاتىستى تاراۋلار مەن وڭىرلەر ”ەكى جاققا بىردەي كۇش سالۋدا“ تاباندى بولىپ، ءار دارەجەلى قازىنانىڭ سۋ يگىلىگى ۇسىنىلىمىن ارتتىرۋىنا بەلسەنە قول جەتكىزۋمەن بىرگە، جەرگىلىكتى ۇكىمەتتەردىڭ ارناۋلى زايومىن، ورتا، ۇزاق مەرزىمدىك فينانس امانات - قارىزىن، قوعامدىق كاپيتالدى پايدالانۋ كولەمىن قۇلشىنا كەڭەيتتى. 1 - توقساندا بۇكىل ەل بويىنشا تياناقتانعان سۋ يگىلىگى قۇرىلىسىنا قوسىلعان قارجى 407 ميلليارد 100 ميلليون يۋان بولىپ، سايكەس مەزگىلدەگىدەن 54 ميلليارد 800 ميلليون يۋان ارتىپ، ارتۋ مولشەرى %15.6 بولدى. 1 - توقساندا بۇكىل ەل بويىنشا 7 مىڭ 239 سۋ يگىلىگى نىسانىنىڭ جۇمىسى تىڭنان باستالدى، بۇل بىلتىرعى سول مەزگىلدەگىدەن ءبىر مىڭ 948 نىسان ارتىق، جاڭادان قوسىلعان قارجىنىڭ كولەمى 320 ميلليارد 600 ميلليون يۋان بولىپ، بىلتىرعى سول تۇستاعىدان 56 ميلليارد 200 ميلليون يۋان ارتتى.
ۇعىسۋعا قاراعاندا، سۋ يگىلىگى تاراۋلارى سۋ يگىلىگى ينجەنەرياسى قۇرىلىسىن ۇزدىكسىز جەدەلدەتىپ، سۋ يگىلىگى نەگىزدىك قۇرىلعىلار جۇيەسى قۇرىلىسىنىڭ كولەمى مەن قارقىنىن كۇش سالا ساقتاپ، بيىلعى نىسانالىق مىندەتتەردى جوعارى ساپامەن ويداعىداي ورىندايدى ەكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
