ەكونوميكا ارتىپ، كاسىپورىنداردىڭ ءوندىرىسى قالىپقا كەلدى، ىشكى سۇرانىم بىرتىندەپ كەڭەيدى
1 - توقساندا ىشكى ءوندىرىستىڭ جالپى ءونىم قۇنى سايكەس مەزگىلدەگىدەن %4.5 ارتتى (جاڭا ساندى مالىمەت، جاڭا ءتۇيىن)
2023.04.19 16:22 كەلۋ قاينارى : حالىق تورابى
«حالىق گازەتى»، 4 - ايدىڭ 18 – كۇنى، بەيجيڭ (ءتىلشى ليۋ جىچياڭ). 4 - ايدىڭ 18 - كۇنى مەملەكەتتىك ساناق مەكەمەسى 1 - توقسانداعى ەكونوميكالىق اينالىم احۋالىن جاريالادى. العاشقى ەسەپكە قاراعاندا، 1 - توقساندا ىشكى ءوندىرىستىڭ جالپى ءونىم قۇنى 28 تريلليون 499 ميلليارد 700 ميلليون يۋان بولىپ، تۇراقتى باعا بويىنشا ەسەپتەگەندە، سايكەس مەزگىلدەگىدەن %4.5 ارتىپ، وتكەن جىلدىڭ 4 - توقسانىمەن سالىستىرعاندا %2.2 ارتقان.
”1 - توقساندا ىندەتتەن ساقتانۋ - تىزگىندەۋدىڭ ءبىرشاما تەز، ورنىقتى بۇرىلىس كەزەڭىنە وتۋىنە ىلەسە، ارتۋدى ورنىقتىرۋ، جۇمىستانۋدى ورنىقتىرۋ، زات باعاسىن ورنىقتىرۋ ساياسات - شارالارى الدىعا قاراي كۇش سالىپ، بەلسەندى فاكتورلار توپتالىپ، كوبەيىپ، حالىق شارۋاشىلىعىنىڭ جاعدايى ورنىقتى قايتا كوتەرىلىپ، باستاماسى جاقسى بولدى“ دەدى مەملەكەتتىك ساناق مەكەمەسىنىڭ اقپارات مالىمدەمەشىسى فۋ ليڭحۇي.
ەكونوميكانىڭ ارتۋى ورنىقتى جوعارىلادى. اۋىل شارۋاشىلىق ءوندىرىسى ورنىقتى بولدى، 1 - توقساندا ەگىن، ورمان، مال، بالىق شارۋاشىلىعىنىڭ ارتقان قۇنى سايكەس مەزگىلدەگىدەن %3.8 ارتتى. ونەركاسىپ ءوندىرىسى ورنىقتى قالپىنا كەلدى، 1 - توقساندا كولەم قالىپتاستىرعان ونەركاسىپتىڭ ارتقان قۇنى سايكەس مەزگىلدەگىدەن %3 ارتىپ، وتكەن جىلدىڭ 4 – توقسانىنداعىدان 0.3 پايىز تەزدەدى. قىزمەت وتەۋ كاسىبىنىڭ ارتۋ قارقىنى كورنەكتى جوعارىلادى، 1 - توقساندا قىزمەت وتەۋ كاسىبىنىڭ ارتقان قۇنى سايكەس مەزگىلدەگىدەن %5.4 ارتىپ، وتكەن جىلدىڭ 4 – توقسانىنداعىدان 3.1 پايىز جوعارى بولدى.
ىشكى سۇرانىم بىرتىندەپ كەڭەيدى. 1 - توقساندا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سايكەس مەزگىلدەگىدەن %5.8 ارتىپ، قىزمەت وتەۋ كاسىبىندەگى بولشەك ساتىلۋ سوماسى ەكى ورىندى سان بويىنشا ارتتى. 1 - توقساندا تۇراقتى مۇلىككە قوسىلعان قارجى سايكەس مەزگىلدەگىدەن %5.1 ارتىپ، وتكەن جىلعى تۇتاس جىلداعىمەن قارايلاس بولدى.
جۇمىستانۋ، زات باعاسى جالپى جاقتان ورنىقتى بولدى. 1 - توقساندا بۇكىل ەلدەگى قالا - قالاشىقتاردا تەكسەرىلگەن جۇمىسسىزدىق مولشەرىنىڭ ورتاشا قۇنى %5.5 بولىپ، وتكەن جىلدىڭ 4 - توقسانىنداعىدان 0.1 پايىز تومەندەپ، جۇمىستانۋ جاعدايى نەداۋىر جاقساردى. 1 - توقساندا تۇرعىنداردىڭ تۇتىنۋ باعا كورسەتكىشى (CPI) سايكەس مەزگىلدەگىدەن %1.3 ارتتى. ازىق - تۇلىك پەن ەنەرگيانى شىعارىپ تاستاعاندا، وزەكتى CPI سايكەس مەزگىلدەگىدەن %0.8 ارتىپ، 1 - ايدان 2 - ايعا دەيىن تەپە - تەڭ بولىپ، نەگىزگى ورنىقتىلىقتى ساقتادى.
جوعارى دەڭگەيدە ەسىك اشۋ تىڭعىلىقتى ىلگەرىلەتىلدى. 1 - توقساندا ەلىمىزدىڭ زات يمپورت – ەكسپورت جالپى سوماسى سايكەس مەزگىلدەگىدەن %4.8 ارتتى.
شارۋاشىلىقتىڭ تيبىن وزگەرتىپ، دارەجەسىن جوعارىلاتۋ اۋقىمى جالعاستى. 1 - توقساندا جوعارى تەحنيكالى شارۋاشىلىققا قوسىلعان قارجى سايكەس مەزگىلدەگىدەن %16 ارتىپ، بارلىق قارجى قوسۋدىڭ ارتۋ قارقىنىنان كورنەكتى تەز بولدى، جاڭا قوزعاۋشى كۇش ۇزدىكسىز زورايدى. 1 - توقساندا ەڭ سوڭعى تۇتىنۋ شىعىسىنىڭ ەكونوميكانىڭ ارتۋىنا قوسقان ۇلەسى %66.6 كە جەتىپ، كاپيتالدىڭ جالپى ۇلەسىنەن جوعارى بولىپ، تۇتىنۋدىڭ جەتەكشىلىك رولى كورنەكتىلەندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
