2022 – جىلعى جاي جوعارى مەكتەپتەردەگى تولىق كۋرستەردە جاڭادان 1641 كاسىپ ەستەلىككە الىنعان
2023.04.20 13:52 كەلۋ قاينارى : حالىق تورابى
ءتىلشىنىڭ 4 - ايدىڭ 19 – كۇنى وقۋ – اعارتۋ مينيسترلىگىنەن ۇعىسۋىنشا، جۋىردا وقۋ – اعارتۋ مينيسترلىگى 2022 – جىلعى جاي جوعارى مەكتەپتەردەگى تولىق كۋرس كاسىپتەرىن ەستەلىككە الۋ جانە تەكسەرىپ بەكىتۋ ناتيجەسىن جاريالادى، جاڭادان ەستەلىككە الىنعان كاسىپتەر 1641 كاسىپ، تەكسەرىپ بەكىتىلگەن كاسىپتەر سانى 176 كاسىپ، عىلىمي دارەجە بەرەتىن ءتۇر جانە ۇيرەنۋ جىل شەگى رەتتەلگەن كاسىپتەر سانى 62 كاسىپ بولعان.
تانىستىرۋعا قاراعاندا، بۇل رەت ەستەلىككە الىنعان، تەكسەرىپ بەكىتىلگەن جانە رەتتەلگەن كاسىپتەر قاتىستى جوعارى مەكتەپتەردىڭ 2023 – جىلعى تولىق كۋرسكە وقۋشى قابىلداۋ جوسپارىنا ەنگىزىلەدى. مۇنان سىرت، ءىشىنارا جوعارى مەكتەپتەر كۇشىنەن قالدىرۋدى ءوتىنىش ەتكەن 925 ءتۇرلى كاسىپتىك ءتۇيىن ەستەلىككە الىندى.
ۇعىسۋعا قاراعاندا، وقۋ – اعارتۋ مينيسترلىگى جوعارى مەكتەپتەردى مەملەكەت ستراتەگياسى مەن وڭىرلىك دامۋ شۇعىل قاجەت ەتىپ وتىرعان قاتىستى كاسىپتەردى اشۋعا بەلسەندى جەتەلەيدى، وسى جولى جەر شارى جۇيەسى عىلىمى، بيولوگيالىق ساناق عىلىمى، بولاشاقتاعى روبوت، ءوندىرىس حاۋىپسىزدىگىن باقىلاۋ – باسقارۋ، مەملەكەتتىك باقشا قۇرىلىسى جانە باسقارۋ، مەديتسينالىق ينجەنەريا عىلىمى، اۋىل – قىستاقتى جونگە سالۋ، وتباسىلىق ءتالىم – تاربيە، بوگەتسىز باسقارۋ قاتارلى 21 كاسىپ جاڭادان قوسىلعان ءارى «جاي جوعارى مەكتەپتەردەگى تولىق كۋرس كاسىپتەرىنىڭ تىزىمدىگىنە» رەسمي ەنگىزىلگەن. قازىرگە دەيىن، تولىق كۋرس كاسىپتەرىنىڭ تىزىمدىگى 93 كاسىپ ءتۇرى بويىنشا 792 كاسىپتى قامتىعان.
ساناققا قاراعاندا، وسى رەتكى كاسىپتەردى جاڭادان قوسۋ، كۇشىنەن قالدىرۋ، رەتتەۋ ىستەرى 2300 دەن استام كاسىپ ورنالاستىرۋ تۇيىنىنە سايادى، قازىرگى كاسىپ ورنالاستىرۋ تۇيىندەرى جالپى سانىنىڭ %4.5 ىن ۇستايدى. ءپان ءتۇرى بويىنشا قاراعاندا، ينجەنەريا عىلىمىنا ساياتىن كاسىپتەردىڭ سانى ەڭ كوپ، جيىنى 1074 كاسىپ؛ وڭىرلىك تارالىمى بويىنشا الىپ قاراعاندا، ورتا – باتىس وڭىردەگى جوعارى مەكتەپتەردىڭ كاسىپتەرى 1503 كاسىپ بولىپ، ۇستايتىن سالىستىرماسى %50 تەن اسقان. تولىق كۋرستەردىڭ كاسىپ ءتۇرى، قۇرىلىمى جانە وڭىرلىك تارالىم قۇرىلىمى ونان ارى جاقسارتىلعان، جوعارى مەكتەپتەردىڭ ەكونوميكا مەن قوعام دامۋىنا ىرىقتىلىقپەن قىزمەت وتەۋ تانىمى مەن قۋاتى دا اناعۇرلىم كۇشەيتىلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
