جۇڭحۋا ۇلتى ورتاق تۇلعا تانىمىن بەرىك ورناتىپ،”ۇلگىلى اۆتونوميالى رايوندى“جان - جاقتى قۇرۋدى نەگىزگى تاقىرىپ ەتتى
ىشكى موڭعۇل ۇلت ساياساتىن ۇگىتتەۋ قيمىلىن كەڭ كولەمدە ورىستەتتى
2023.05.15 16:47 كەلۋ قاينارى : حالىق تورابى
«حالىق گازەتى»، 5 - ايدىڭ 14 – كۇنى، كوكحوت (تىلشىلەر چىن فەييۇي، ۋ يۇڭ، جاي چينچي). ”قول ۇستاسىپ بىرگە جۇرەيىك!“ حورشىن وڭ قانات ورتا حوشۇنى مۋتيڭ گاۋليسۇم بايانوبا گاشا مادەنيەت الاڭىندا سول جەردىڭ ناقتى حيكاياسىنان قۇراستىرىلعان ادەبيەت - كوركەمونەر نومىرىندە مال شارۋاشىلىعىمەن شۇعىلداناتىن موڭعۇل وتباسىلارى مەن استىق ەگەتىن حانزۋ وتباسىلارىنىڭ اتا مەكەندى كوركەيتۋگە بىرگە ۇلەس قوسقان اڭگىمەسى باياندالادى. 5 - اي − ىشكى موڭعۇل اۆتونوميالى رايونىنىڭ ۇلت ساياساتىن ۇگىتتەۋ ايى، جۇڭحۋا ۇلتى ورتاق تۇلعا تانىمىن بەرىك ورناتىپ، ”ۇلگىلى اۆتونوميالى رايونددى“ جان - جاقتى قۇرۋدى نەگىزگى تاقىرىپ ەتكەن ۇلت ساياساتىن ۇگىتتەۋ قيمىلى كەڭىنەن ورىستەتىلدى.
2022 - جىلى 3 - ايدىڭ 5 - كۇنى باس شۋجي شي جينپيڭ 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ دارىپتەگەن بولاتىن: جۇڭحۋا ۇلتى ورتاق تۇلعا تانىمىن بەرىك ورناتۋدا ءارى كوزبەن كورىپ، قولمەن ۇستاۋعا بولاتىن قىزمەت ىستەۋ، ءارى قىرۋار ”ىجداعاتتىلىقپەن نارلەندىرەتىن“ ءىس تىندىرۋ كەرەك.
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىردى، ىشكى موڭعۇل ۇلت قىزمەتىن كۇشەيتىپ جانە جاقسارتىپ، ءار ۇلت حالقىن جۇڭحۋا ۇلتى ورتاق تۇلعا تانىمىن جان - جاقتى بەكەمدەۋگە تاربيەلەپ، جەتەكتەپ، اناعۇرلىم ويداعىداي ارالاسىپ، ىشتەسىپ، توعىسىپ، ”ۇلگىلى اۆتونوميالى رايوننىڭ“ ءمانى مەن كولەمىن ۇزدىكسىز بايىتتى.
جاڭا داۋىردەگى ۇلت قىزمەتىن قايتكەندە جوعارى ساپامەن ويداعىداي ىستەۋگە بولادى، بۇل جاعىندا ىشكى موڭعۇل كۇش ۇيىمداستىرىپ، ىشكەرىلەي تەكسەرۋ - زەرتتەۋ جۇرگىزىپ، نازاريالىق جۇيە قۇرىلىسى، جۇڭحۋا مادەنيەتىن شىنايى مويىنداۋدى كۇشەيتۋ سياقتىلاردى قامتىعان 25 جاقتى، 79 ءتۇيىندى مىندەت - شارانى بەلگىلەدى.
جۇڭحۋا ۇلتى ورتاق تۇلعا تانىمىن جاپپاي بەكەمدەيتىن نازاريالىق جۇيە قۇرىلىسى ىشكەرىلەي ىلگەرىلەتىلۋدە. ىشكى موڭعۇل اۆتونوميالى رايون دارەجەلى 8 جۇڭحۋا ۇلتى ورتاق تۇلعا تانىمىن بەرىك ورناتۋ زەرتتەۋ (جەتىلدىرۋ) بازاسىن تۇراقتاندىرىپ، ”جۇڭحۋا ۇلتى ورتاق تۇلعا تانىمىن بەرىك ورناتۋ زەرتتەۋ ينجەنەرياسىن اتقارۋدى“ ءتۇيىندى مازمۇن ەتىپ، «ىشكى موڭعۇل اۆتونوميالى رايونىنىڭ ”14 - بەسجىلدىق“ مەزگىلىندەگى فيلوسوفيا جانە قوعامدىق عىلىمداردى دامىتۋ جوباسىنا» ەنگىزدى ءارى «جۇڭحۋا ۇلتى ورتاق تۇلعا تانىمىن بەرىك ورناتۋ مەن بۇقارالىق وقۋلىعى» سياقتىلاردى قۇراستىرىپ باسۋعا ۇيىمداستىردى.
ىشكى موڭعۇلدىڭ جەر - جەرى ءىس جۇزىندىك جاعدايعا نەگىزدەلىپ، جۇڭحۋا ۇلتى ورتاق تۇلعا تانىمىن بەرىك ورناتۋ ۇگىت - تاربيەسىن ۇدايىلاندىرۋ مەحانيزمىن كۇش سالا ورناتتى، بىلتىر اۆتونوميالى رايون 35 مىڭ رەت ارناۋلى تاقىرىپتا ۇگىت - لەكسيا جاسادى.
كوكحوت قالاسى داچيڭشان جاپون شاپقىنشىلارىنا قارسى تۇرۋ پارتيزاندار بازاسى كورمە سارايىندا جۇڭگو كوممۋنيستىك پارتياسىنىڭ باسشىلىعىندا ءار ۇلتتىڭ ورتاق مەكەندى قورعاۋى جونىندەگى حيكايالار جۇرت جۇرەگىن تەبىرەنتتى، ەكسكۋرسيالاۋشىلاردىڭ اياعى ۇزىلمەدى؛ شيلينعول ايماعى قالىپتاستىرعان جۇڭحۋا ۇلتى ورتاق تۇلعا تانىمىن بەرىك ورناتۋ 4 تاربيە - اماليات بازاسى ۇلانمۇچۇر اترەتىنىڭ قۇنارلى جەرگە تامىر تارتىپ، بۇقاراعا قىزمەت وتەۋى جونىندەگى ناقتى حيكايالار سياقتىلاردى كورەرمەندەردىڭ الدىندا جاندى بەينەلەدى...
ىشكى مۇڭعۇل اۆتونوميالى رايونىنداعى ءار ۇلت حالىقى ءتىپتى دە ىنتىماقتاسىپ ىلگەرىلەپ، وتاننىڭ سولتۇستىك بولىگىندەگى شەكارا ءوڭىردىڭ كورىنىسىن ءتىپتى دە كورىكتەندىردى. بىلتىر ىشكى موڭعۇل اۆتونوميالى رايونىنىڭ ءوندىرىس جالپى ءونىم قۇنى 2 تريلليون 300 ميلليارد يۋانعا جەتىپ، الدىنداعى جىلداعىدان %4.2 ارتتى؛ جالپى تۇرعىنداردىڭ جان باسىندىق يگەرىلمەلى كىرىسى 36 مىڭ يۋانعا جەتىپ، 5 جىلدىڭ الدىنداعىدان 10 مىڭ يۋان ارتتى.
ىشكى موڭعۇل اۆتونوميالى رايوندىق پارتكومداعى نەگىزگى جاۋاپتى جولداس مىنالاردى ءبىلدىردى: جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتكەن جاڭا داۋىردەگى ۇلت قىزمەتىن اناعۇرلىم تىڭعىلىقتى، ويداعىداي ىستەپ، ەلىمىزدىڭ سولتۇستىگىندە مىزعىماس ماڭىزدى ەكولوگيالىق حاۋىپسىزدىك قالتقىسىن، مىزعىماس حاۋىپسىزدىك قالتقىسىن قۇرىپ شىعۋعا قۇلشىنىپ، مەملەكەتتىڭ ماڭىزدى ەنەرگيا جانە ستراتەگيالىق بايلىق بازاسى قۇرىلىسىن قۋاتتى دا مىعىم ەتىپ قۇرىپ شىعىپ، مەملەكەتتىڭ ماڭىزدى ەگىن، مال شارۋاشىلىق ونىمدەرىن ءوندىرۋ بازاسىن كوڭىل تولارلىقتاي قۇرىپ شىعىپ، جاڭا داۋىردە ”ۇلگىلى اۆتونوميالى رايوندى“ جاڭا داڭققا بولەيمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
