ەلىمىزدىڭ حالىق سانى دامۋىنىڭ جاڭا جاعدايىن جان - جاقتى تانىپ، وعان دۇرىس قارايىق
− حالىق سانىنىڭ ساپالى دامۋى ارقىلى جۇڭگو ۇلگىسىندەگى وسىزامانداندىرۋعا تىرەك بولايىق (1)
جۇڭ يىن
2023.05.15 16:49 كەلۋ قاينارى : حالىق تورابى
حالىق سانى ماسەلەسى باستان - اياق ەلىمىز ءدوپ كەلىپ وتىرعان جالپى جاعدايلىق، ۇزاق ۋاقىتتىق، ستراتەگيالىق ماسەلە بولىپ كەلەدى. تاياۋدا باس شۋجي شي جينپيڭ 20 - كەزەكتى ورتالىق قازىنا - ەكونوميكا كوميتەتىنىڭ 1 - رەتكى ءماجىلىسىن باسقارىپ اشىپ، حالىق سانىنىڭ ساپالى دامۋى ارقىلى جۇڭگو ۇلگىسىندەگى وسىزامانداندىرۋعا تىرەك بولۋ ماسەلەسىن اقىلداستى. ءماجىلىس مىنالاردى اتاپ كورسەتتى: قازىر ەلىمىزدىڭ حالىق سانى دامۋىندا بالالى بولۋ ازايۋ، قارتتانۋ، وڭىرلىك حالىق سانىنىڭ ارتۋ - ازايۋ جىكتەلىسى سىندى اۋقىمدىق سيپاتتى ەرەكشەلىك جارىققا شىقتى، ءسوز جوق، ەلىمىز حالىق سانى دامۋىنىڭ جاڭا جاعدايىن جان - جاقتى تانۋ، وعان دۇرىس قاراۋ كەرەك.
پارتيانىڭ 20 - قۇرىلتايىندا جاپپاي سوتسياليستىك وسىزاماندانعان مەملەكەت قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ۇلى جوباسى جاسالدى. جۇڭگو ۇلگىسىندەگى وسىزامانداندىرۋ − حالىق سانى كولەمى وراسان زور وسىزامانداندىرۋ. ەلىمىزدە ءبىر ميلليارد 400 ميلليوننان استام حالىق سانى وسىزاماندانعان قوعامعا قادام تاستادى، كولەمى قازىرگى دامىعان ەلدەردىڭ حالىق سانىنىڭ جيىنتىعىنان اسىپ ءتۇستى، جاپالىلىعى مەن كۇردەلىلىگى بۇرىن بولىپ كورمەگەن دارەجەدە بولدى. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى حالىق سانى ماسەلەسىنە وسكەلەڭ ءمان بەرىپ، ەلىمىزدىڭ حالىق سانىنىڭ دامۋ، وزگەرۋ جاعدايىنا نەگىزدەلىپ، تۋىت ساياساتىن دەر كەزىندە رەتتەپ كەمەلدەندىرۋ، حالىق سانىنىڭ ۇزاق ۋاقىت بىركەلكى دامۋىن جەبەۋ سىندى كەلەلى شەشىم جاساپ، ءتۇرلى قىزمەتتەردە كورنەكتى ونىمدىلىككە قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋعا بەرىك نەگىز قالادى. حالىق سانى − وسىزامانداندىرۋ قۇرىلىسىنىڭ ەڭ نەگىزگى تىرەگى ەكەنىن جەتە تانۋ كەرەك. سوتسياليستىك وسىزامانداندىرۋدى جۇزەگە اسىرۋ ءۇشىن، ءسوز جوق، حالىق سانى ساپاسىن جاپپاي جوعارىلاتۋ، سايىپ كەلگەندە، ءبىر ميلليارد 400 ميلليوننان استام حالىقتىڭ كۇش - قۋاتىن تاسقىنداتۋ كەرەك. بەينە، باس شۋجي شي جينپيڭ اتاپ كورسەتكەندەي: ”حالىق سانىنىڭ دامۋى − جۇڭحۋا ۇلتىنىڭ ۇلى گۇلدەنۋىنە ساياتىن ءىرى ءىس، ءسوز جوق، حالىق سانىنىڭ جالپى تۇلعالىق ساپاسىن كۇش سالا جوعارىلاتىپ، حالىق سانىنىڭ ساپالى دامۋى ارقىلى جۇڭگو ۇلگىسىندەگى وسىزامانداندىرۋعا تىرەك بولۋ كەرەك“.
حالىق سانى ەكونوميكانىڭ، قوعامنىڭ دامۋىنا بايلانىستى وزگەرىپ وتىرادى، بۇل حالىق سانىنىڭ وزىندىك دامۋ بەتالىسى مەن حالىق سانىنىڭ ەكونوميكامەن، قوعاممەن ءوزارا اسەرىنىڭ وبيەكتيۆ زاڭدىلىعىنا ۇيلەسەدى. باس شۋجي شي جينپيڭ بىلاي دەپ اتاپ كورسەتتى: ”تاياۋ جىلداردان بەرى ەلىمىزدىڭ حالىق سانىنىڭ دامۋىندا كەيبىر كورنەكتى وزگەرىستەر جارىققا شىقتى، ءارى حالىق سانىنىڭ كوپ بولۋىنىڭ قىسىمىنا، ءارى حالىق سانى قۇرىلىمىنا بۇرىلىس جاساۋدىڭ سايىسىنا ءدوپ كەلدىك“. حالىق سانى وزگەرىسىنىڭ اۋقىمدىق ەرەكشەلىگىن دۇرىس يگەرىپ، وسى وزگەرىستەردىڭ حالىق سانىنىڭ حاۋىپسىزدىگى مەن ەكونوميكالىق، قوعامدىق دامۋدا الا كەلگەن سىن - سايىسىن تەرەڭ تانۋ حالىق سانىنىڭ ۇزاق ۋاقىت دامۋىن ويداعىداي جوسپارلاۋدا، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە كەلەلى ماڭىز الادى. مىنانى كورە ءبىلۋىمىز كەرەك: ەلىمىز جالپى حالىق سانىنىڭ ارتۋى كورنەكتى باياۋلادى، تۋىت دەڭگەيى ءۇرتىس تومەندەدى، قارتتانۋ دەڭگەيى تەرەڭدەدى، ”بالالى بولۋ ازايۋ، قارتتانۋ“ قالىپتى جاعدايعا اينالادى، بۇل − ەلىمىز ەكونوميكاسىنىڭ دامۋىنىڭ، اسىرەسە، ونەركاسىپتەنۋدىڭ، قالا - قالاشىقتانۋدىڭ بەلگىلى كەزەڭگە جەتۋىنىڭ وبيەكتيۆ ناتيجەسى، سونداي - اق دۇنيە ءجۇزى، اسىرەسە، دامىعان ەلدەر جاپپاي ءدوپ كەلىپ وتىرعان ماسەلە. جاڭا جاعداي الدىندا، ءسوز جوق، جاڭا داۋىردەگى حالىق سانىن دامىتۋ ستراتەگياسىن كەمەلدەندىرىپ، حالىق سانى دامۋىنىڭ ءتيىمدى فاكتورلارىن يگەرىپ، حاۋىپ - قاتەر مەن سىن - سايىسقا بەلسەنە، ءونىمدى توتەپ بەرىپ، حالىق سانىنىڭ ساپالى دامۋىن قۇلشىنا جۇزەگە اسىرىپ، ەكونوميكالىق، قوعامدىق دامۋدىڭ ستراتەگيالىق ىرىقتىلىعىن مىقتاپ يگەرۋ كەرەك.
ەلىمىز حالىق سانى دامۋىنىڭ جاڭا جاعدايىن جان - جاقتى تانىپ، وعان دۇرىس قاراۋدا باستى قايشىلىق پەن قايشىلىقتىڭ باستى جاعىن يگەرۋمەن بىرگە، جالپى جاعدايعا، اۋقىمعا، ۇزاق بولاشاققا دا قاراۋ كەرەك. بۇل حالىق سانى وزگەرىسىن جان - جاقتى تۇرعىدان يگەرىپ، حالىق سانى وزگەرىسىنىڭ ەكونوميكالىق، قوعامدىق دامۋعا جاسايتىن ىقپالىنا ديالەكتيكالىق وي جۇگىرتۋ ارقىلى مامىلە جاساپ، حالىق سانى جاعدايىنا تۇجىرىم جاساۋدى، تالداۋ جاساۋدى جانە ساياساتتىق توتەپ بەرۋدى كۇشەيتۋدى قاجەت ەتەدى. ەلىمىزدىڭ حالىق سانى كوپ، حالىق سانى كوپ بولۋ سىندى نەگىزگى مەملەكەت جاعدايى وزگەرگەن جوق، اسا كولەمدى ىشكى بازار ابزالدىعى ۇزاق ۋاقىت ءومىر سۇرەدى، حالىق سانى مەن بايلىق ورتاسى ءالى دە تىعىز تەپە - تەڭ كۇيدە تۇرادى. سونىمەن بىرگە، ەلىمىزدە 900 ميلليونعا جۋىق ەڭبەككۇش بار، ءار جىلى جاڭادان قوسىلعان ەڭبەككۇش 15 ميلليوننان اسادى، ادام كۇشى بايلىعى − ءالى دە ەلىمىزدىڭ كورنەكتى ابزالدىعى. ونان دا ماڭىزدىسى، ەلىمىزدىڭ جوعارى دارەجەلى ءبىلىم العان حالىق سانى 240 ميلليوننان استى، جاڭادان قوسىلعان ەڭبەككۇشتەردىڭ ورتاشا ءبىلىم العان جىل شەگى 14 جىلعا جەتتى. بىلايشا ايتقاندا، بىزدە ”حالىق سانى تيىمدىلىگى“ جويىلمادى، ”دارىندىلار تيىمدىلىگى“ قالىپتاسىپ كەلەدى، دامۋدىڭ قوزعاۋشى كۇشى ءالى دە مىعىم. بولاشاققا بەت العاندا، حالىق سانى ساپاسىنىڭ جوعارىلاۋىنا بايلانىستى، حالىق سانى بايلىعىنىڭ ابزالدىعى ءونىمدى ساۋلەلەندىرىلىپ، ەكونوميكانىڭ دامۋ تاسىلىندە بۇرىلىس جاساۋدى، كاسىپ قۇرىلىمىنىڭ دارەجەسىن جوعارىلاتۋدى، جالپى فاكتورلىق ءوندىرىس ونىمدىلىگىن جوعارىلاتۋدى ونان ارى جەبەپ، ساپالى دامۋعا ءونىمدى ادام كۇشى كاپيتالى تىرەگىن ازىرلەيدى.
ەكىنشى 100 جىلدىق كۇرەس نىساناسىنا جورىق جاساعان، جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىس جاعدايىندا حالىق سانى ماسەلەسى ءالى دە باستان - اياق ايرىقشا نازار اۋدارىپ، ورنىقتى ءبىر جاقتى ەتۋدى قاجەت ەتىپ وتىرعان كەلەلى ستراتەگيالىق ماسەلە بولىپ تابىلادى. جاڭا جورىقتا حالىق سانىنىڭ ساپالى دامۋىندا تاباندى بولىپ، ستراتەگيالىق ءبىر تۇتاس جوسپارلاۋدى تياناق ەتىپ، حالىق سانى دامۋىنىڭ ستراتەگيالىق ورنى مەن نەگىزدىك رولىن كۇشەيتىپ، دامۋعا ءتيىمدى حالىق سانىنىڭ جالپى مولشەرى، قۇرىلىمدىق پايدا جانە ساپالى كاپيتال قاباتتاسقان ابزالدىقتى جاراتساق، ءبىز، ءسوز جوق، حالىق سانىنىڭ ەكونوميكامەن، قوعاممەن، بايلىق ورتاسىمەن سايكەستى، باياندى دامۋىن جەبەپ، جاپپاي سوتسياليستىك وسىزاماندانعان مەملەكەت قۇرۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى بەرىك نەگىزبەن جانە باياندى قوزعاۋشى كۇشپەن قامداي الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
