بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

2023 – جىلعى ەڭ جاڭا نۇسقاداعى قوعامدىق قامتاماسىزداندىرۋ قوسىمشا قاراجاتىن باسقارۋ ءادىسى جونىندەگى قۇجاتتى اشپاڭىز، جالعان

2023.05.24 16:02     كەلۋ قاينارى : حالىق تورابى

  ينتەرنەت داۋىرىندە الدامكوستىكتىڭ ءتۇرى بارعان سايىن مولايۋدا، كەيبىر زاڭسىز ەلەمەنتتەر ءتۇرلى الدامكوستىك تاسىلدەرى ارقىلى جەكەلىك ينفورماتسياعا يە بولۋ ءۇشىن بار امالىن سالۋدا.

  جۋىردا، ”2023 – جىلعى ەڭ جاڭا نۇسقاداعى قوعامدىق قامتاماسىزداندىرۋ قوسىمشا قاراجاتىن باسقارۋ ءادىسى“ دەگەن قۇجات ينتەرنەتتە تارالا باستادى، بۇل قۇجاتقا زاڭسىز ەلەمەنتتەر ”شىرعالىق توراپ“ جالعانىمىن دەن قويا ورنالاستىرعان، الدا – جالدا قۇجاتتى اشاتىن بولساڭىز، جەكەلىك ينفورماتسياڭىز اشكەرە بولادى. ”شىرعالىق توراپتىڭ“ تۇزاعىنان قالاي ساقتانۋعا بولادى.

  شىرعالىق توراپ دەگەنىمىز تۇتىنۋشىلاردى الدايتىن جالعان توراپتى كورسەتەدى، ادەتتە ولار بانكە جانە ەلەكتروندى ساۋدا ىستەرى توراپتارى بولىپ الىپ، تۇتىنۋشىلار جازعان بانكە ەسەپ ءنومىرى، قۇپيا سيفر قاتارلى قۇپيا ينفورماتسيالاردى ۇرلايدى.

  مۇنداي توراپ بەتتەرى شىن توراپ بەتتەرىمەن نەگىزىنەن ۇقساس بولادى، پارقى وتە ەلەۋسىز بولادى، بۇل ينتەرنەتتە ۇنەمى كەزدەسەتىن الدامكوستىك تاسىلدەرىنىڭ ءبىرى.

  1. ”سەنىمدى توراپپەن“ سالىستىرىپ تەكسەرۋ

  قازىر كوپتەگەن توراپتار باستى بەتىندە ءۇشىنشى جاق توراپتىڭ سالاۋات سەنىمدىلىگىن تەكسەرۋ يقۋاتىن — ”سەنىمدى توراپ“ يقۋاتىن ىسكە قوستى، وسى ارقىلى توراپتاستاردىڭ توراپتىڭ شىنايىلىعىنا تۇجىرىم جاساۋىنا كومەكتەسەدى.

  ”سەنىمدى توراپتى“ كۋالاندىرۋ — كاسىپورىن تورابىنىڭ تىزىمدەتكەن دومەين ەسىمى، توراپ ينفورماتسياسى جانە كاسىپورىننىڭ ونەركاسىپ – ساۋدا تاراۋلارىنا تىزىمدەتكەن ينفورماتسياسى بويىنشا سالىستىرىپ تەكسەرۋ ارقىلى توراپتىڭ شىنايى سالاۋاتىن كۋالاندىراتىن ءتاسىل.

  كۋالاندىرۋدان وتكەن سوڭ، كاسىپورىننىڭ توراپ بەكەتى جۇڭگو ينتەرنەتتىك ينفورماتسيا ورتالىعى (CNNIC) ىسكە قوسقان مەملەكەتتىك ەڭ جوعارى تىزىمدىك ساندى مالىمەتتەر قويماسىنداعى ”سەنىمدى توراپتار“ بولىمشە ساندى مالىمەتتەر قويماسىنا ەنگىزىلەدى، توراپتاستار توراپ بەتىنىڭ تومەنگى جاعىنداعى ”سەنىمدى توراپ“ دەگەن بەلگىگە قاراپ، توراپتىڭ سالاۋاتىن تۇراقتاندىرۋىنا بولادى.

  2. توراپتىڭ دومەين ەسىمىن سالىستىرۋ

  ادەتتە جالعان توراپتاردىڭ شىن توراپتارمەن پارىقتارى وتە ەلەۋسىز بولادى، كۇمان تۋىلعان ساتتە، ەلەۋسىز پارىقتارىنا نازار اۋدارعان ءجون.

  مىسالى، دومەين ەسىمى جاعىنان ايتقاندا، جالعان توراپتار اعىلشىنشا جازۋداعى I ءارىبىن 1 سانىمەن الماستىرادى، CCTV دەگەندى CCYV نەمەسە CCTV-VIP دەگەن سياقتى جالعان دومەين ەسىمدەرىنە وزگەرتۋى مۇمكىن.

  3. توراپتىڭ مازمۇنىن سالىستىرۋ

  جالعان توراپتارداعى ارىپتەردىڭ فورماسى ۇقسامايدى، ادەتتە انىق ەمەس، كۇڭگىرت بولادى. جالعان توراپتارداعى ماقالالاردىڭ جالعانىمى ادەتتە ”جالعان“ بولادى، ايدارشالار مەن سۋرەتتەردى باسىپ، جالعانىمى اشىلاتىن – اشىلمايتىنىن كورۋگە بولادى.

  4. توراپتىڭ ەستەلىككە الدىرعان ينفورماتسيالارىن تەكسەرۋ

  ادەتتە ICP دى ەستەلىككە الدىرۋ ينفورماتسيالارى ارقىلى توراپتىڭ نەگىزگى جاعدايىن، توراپتى جۇرگىزۋشىنىڭ جاغدايىن تەكسەرۋگە بولادى، زاڭدى تۇردە ەستەلىككە الدىرماعان، تيجارات سيپاتىنا جاتپايتىن توراپقا نەمەسە ICP رۇقساتناماسى جوق تيجارات سيپاتىندىق توراپقا شىعۋدان اباي بولعانىڭىز ءجون.

  5. حاۋىپسىزدىك كۋالىگىن تەكسەرۋ

  ءىرى تيپتى ەلەكتروندى ساۋدا توراپتارى سەنىمدىلىك كۋالىگى تەكتەس ونىمدەردى قولدانادى، مۇنداي توراپتاردىڭ جالعانىمى ” https “ پەن باستالادى، ەگەر ” https “ پەن باستالماسا، قىراعىلىقتى ارتتىرعان ءجون.

  بەيمالىم توراپ جالعانىمدارى مەن بەتتەرى جونىندە قىراعىلىقتى ارتىرىپ، سەنبەۋ، اشپاۋ، جەكەلىك ينفورماتسيانى جازباۋ سىندى ”ۇشتەن ساقتانۋ“ پرينسيپىنە تاباندى بولۋ، وتە – موتە، جەكەلىك بانكە ەسەپ ءنومىرىن، قۇپيا سيفردى، كۋالاندىرۋ ءنومىرىن جازۋدى تالاپ ەتسە، توراپ بەتىن دەرەۋ جابۋ، استە، جالعاستى اشپاۋ كەرەك.

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى