شىڭعا ءساتتى شىقتى! دارەجەسىن جوعارىلاتۋى ءساتتى ورىندالدى!
2023.05.24 18:08 كەلۋ قاينارى : حالىق تورابى
5 – ايدىڭ 23 – كۇنى تۇستە، 2023 – جىلعى ”شىڭداعى بورىش“ اتتى عىلىمي تەكسەرۋ جۇرگىزۋ بايلانىسىمەن چومالاڭما شىڭىنا شىعۋ اترەتىنىڭ مۇشەلەرى چومالاڭما شىڭىنا ءساتتى شىقتى.
دۇنيە ءجۇزى بويىنشا تەڭىز دەڭگەيىنەن بيىكتىگى ەڭ جوعارى اۆتوماتتى اۋا رايى پۋنكتىنىڭ تەحنيكالىق دارەجەسىن جوعارىلاتۋ ءساتتى ورىندالدى
5 – ايدىڭ 23 – كۇنى ساعات 11 دەن 54 مينۋت وتكەندە، تەڭىز دەڭگەيىنەن 8830 مەتر بيىكتىكتەگى جەردەگى، دۇنيە ءجۇزى بويىنشا تەڭىز دەڭگەيىنەن بيىكتىگى ەڭ جوعارى اۆتوماتتى اۋا رايى پۋنكتىنىڭ تەحنيكالىق دارەجەسىن جوعارىلاتۋ ءساتتى بولدى، ساعات 12 دەن 20 مينۋت وتكەندە، ساندى مالىمەتتەر اتالعان اۋا رايى پۋنكتى ارقىلى تەڭىز دەڭگەيىنەن 5200 مەتر بيىكتىكتەگى چومالاڭما ۇلكەن لاگەرىنە ءساتتى جەتكىزىلدى.
بيىلعى ”شىڭداعى بورىش“ اتتى عىلىمي تەكسەرۋ جۇرگىزۋ بارىسىندا كوپتەگەن ”قۇپيا تەحنيكالار“ قولدانىلدى. تەڭىز دەڭگەيىنەن بيىكتىگى ەرەكشە جوعارى جەرگە ورنالاستىرىلعان اسپاپتار مەن جابدىقتاردىڭ ەلەكتر كوزى ماسەلەسىنە باعىتتاي وتىرىپ، عىلىمي زەرتتەۋ جۇرگىزۋ اترەتى مەن ايعا بارلاۋ جۇرگىزۋ ينجەنەرياسىنداعى ەلەكترمەن قامداۋ جۇيەسىنىڭ زەرتتەرمەندەرى بىرلەسە وتىرىپ، اي شارىن بارلاۋدا قولدانىلاتىن ەلەكترمەن قامداۋ جۇيەسى تەحنيكاسىن تەڭىز دەڭگەيىنەن بيىكتىگى اسا جوعارى وڭىردە ءساتتى قولدانىپ، تەڭىز دەڭگەيىنەن بيىكتىگى اسا جوعارى وڭىردە اسپاپتار مەن جابدىقتاردى ەلەكترمەن قامداۋدا ءدوپ كەلەتىن ەرەكشە تومەن تەمپەراتۋرا، ەرەكشە تومەن قىسىم، ەلەكتر قاينارىن قورعاۋ جانە اۆتوماتتى ىسكە قوسۋ قاتارلى ءتۇيىندى ماسەلەلەردى شەشىم ەتتى. قازىر، چومالاڭما شىڭىنىڭ 7790 مەتر كەلەتىن، 8300 مەتر كەلەتىن جەرلەرى قاتارلى وڭىرلەردە اۆتوماتتى اۋا رايى پۋنكتتەرىنىڭ تەحنيكالىق دارەجەسىن جوعارىلاتۋ ورىندالىپ بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
