مەملەكەتتىك ايەلدەر بىرلەستىگى قاتارلى 10 تاراۋ ”1 – ماۋسىم“ مەرەكەسىن قۇتتىقتاۋ قيمىلىن ورىستەتۋ جونىندە ورنالاستىرۋ جاسادى
2023.05.24 20:53 كەلۋ قاينارى : حالىق تورابى
جۇمىسشىلار گازەتىنىڭ ءتىلشىسى چىن جۇنيۇي 5 – ايدىڭ 23 - كۇنى بەيجيڭنەن حابارلايدى. ”1 – ماۋسىم“ حالىقارالىق بالالار مەرەكەسى كەلۋ قارساڭىندا، مەملەكەتتىك ايەلدەر بىرلەستىگى، ورتالىق كوميتەت رۋحاني وركەنيەت قۇرىلىسى كەڭسەسى، جۇڭگو كەلەسى ۇرپاققا قامقورلىق جاساۋ كوميتەتى قاتارلى 10 تاراۋ جۋىردا بىرگە ۇقتىرۋ جاريالاپ، جەر – جەردەگى ءارقايسى قاتىستى تاراۋلاردان ءمورال تىكتەپ، ادام تاربيەلەۋ ءتۇبىرلى مىندەتىن تياقتاندىرۋدى، ”ءتورت سەنىمگە“ يە جاقسى بالالاردى تاربيەلەۋدى باستى ءتۇيىن ەتە وتىرىپ، باي مازمۇندى قۇتتىقتاۋ قيمىلدارىن وتكىزۋ جونىندە ورنالاستىرۋ جاساپ، بارشا بالالاردىڭ مەرەكەنى اقاۋسىز، كوڭىلدى، ءماندى وتكىزۋىنە شارت – جاعداي ازىرلەدى.
ۇقتىرۋدا مىنالار اتاپ كورسەتىلگەن: پارتيانىڭ 20 – قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى توڭىرەكتەي وتىرىپ، بالالارعا ەتەنە مازمۇنداعى، سەزىنۋگە، قاتىناسۋعا بولاتىن تاقىرىپتىق امالياتتىق قيمىلداردى شوعىرلى ورىستەتىپ، بالالاردىڭ ەسەيىپ – ەرجەتۋىنە ويداعىداي جول نۇسقاۋشى بولىپ، پارتيانى، وتاندى، سوتسياليزمدى ءسۇيۋ ۇشقىنىن بالالاردىڭ جۇرەك تۇكپىرىنە ۇيالاتۋ كەرەك. بالالاردى باستى ورىنعا قويۋ تانىمىن كۇش سالا ۇگىتتەپ، قوعامدىق كۇشتەردى كەڭىنەن ۇيىستىرىپ، ەرەكشە قيىنشىلىعى بار توپتارعا نازاردى شوعىرلاندىرۋ، وتە – موتە، بىتىراڭقى ورنالاسقان جەتىم بالالار، ءىس جۇزىندە قامقورشىسى جوق بالالار، اۋىل – قىستاقتاعى اتا – اناسىنان بولەك جەردە قالعان بالالار قاتارلى قيىنشىلىق قىسپاعىندا قالعان بالالارعا ەرەكشە نازار اۋدارىپ، بالالار قىزمەتىنە جاۋاپتى باقىلاۋشىلاردى، بالالار قىزمەتىنە جاۋاپتى بولىمدەردىڭ مەڭگەرۋشىلەرىن، ايەلدەر بىرلەستىگىنىڭ اتقارۋشى كوميتەتىن، الەۋمەتتىك اۋماقتاعى قىزمەتكەرلەر مەن ءتۇرلى ەرىكتىلەردى ۇيىمداستىرىپ اتتانىسقا كەلتىرۋ ارقىلى وتباسىلىق ءتالىم – تاربيە، پسيحيكالىق اقاۋسىزدىق، حاۋىپسىزدىگىن قورعاۋ، ۇقىق – مۇددەسىن قورعاۋ جانە ايالاۋ، كومەكتەسۋ جانە حال سۇراۋ قاتارلى ءتۇرلى قامقورلىق سيپاتتى قىزمەتتەردى باعىتتامالى تۇردە ورىستەتىپ، بالالاردىڭ ۇقىق – مۇددەسىن قورعاۋشى بولۋدى ويداعىداي ورىنداپ، بارشا بالالاردىڭ مەرەكەنىڭ شاتتىعىنا بىرگە شومۋىنا وراي جاراتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
