وقۋ – اعارتۋ مينيسترلىگى: 2023 – جىلى ورتا، باتىس بولەكتەگى اۋىل – قىستاقتارعا تاپسىرىسپەن باعىتتالعان تەگىن تولىق كۋرس شيپاگەرلىك ماماندىعىنا 6150 وقۋشى قابىلدايدى
2023.05.25 13:55 كەلۋ قاينارى : حالىق تورابى
وقۋ – اعارتۋ مينيسترلىگى 5 -ايدىڭ 24 - كۇنى ۇقتىرۋ شىعارىپ، بيىل اۋىل – قىستاقتارعا تاپسىرىسپەن باعىتتالعان شيپاگەرلىك ماماندىعىنا تەگىن وقۋشى تاربيەلەۋدى جالعاستى اتقاراتىندىعىن، جەر – جەردەن 2023 – جىلعى ورتالىق قازىنا قولدايتىن ورتا، باتىس بولەكتەگى اۋىل – قىستاقتارعا تاپسىرىسپەن باعىتتالعان تەگىن تولىق كۋرس شيپاگەرلىك ماماندىعىنا وقۋشى قابىلداۋ قىزمەتىن جاقسى ىستەۋدى تالاپ ەتتى.
تانىستىرۋعا قاراعاندا، 2023 ـ جىلى ورتالىق قازىنا جوعارى دارەجەلى مەديتسينا مەكتەپتەرىنىڭ ورتا، باتىس بولەكتەگى اۋىل ـ قالاشىق شيپاحانالارىنا تاپسىرىس بويىنشا 5 جىلدىق تولىق كۋرس مەديتسينا وقۋشىلارىنان جيىنى 6150 ادامدى باعىتتامالى تەگىن تاربيەلەپ بەرۋىن قولدايدى، كاسىپ ءتۇرى جاعىنان كلينيكالىق مەديتسينا، جۇڭگوشا شيپاگەرلىك، موڭعۇل شيپاگەرلىگى جانە ۇيعۇر شيپاگەرلىگىن قامتيدى. قاتىستى ولكە دارەجەلى وقۋ - اعارتۋ اكىمشىلىك تاراۋلارى تولىق كۋرستى تەگىن وقيتىن وقۋشىلارعا تاپسىرىس بويىنشا باعىتتامالى وقۋشى قابىلداۋ جوسپارىن 2023 - جىلعى ادەتتەگى جوعارى مەكتەپتەردىڭ جىلدىق وقۋشى قابىلداۋ كولەمىنە ەنگىزىپ، تەگىن مەديتسينا وقۋشىلارىن تاربيەلەۋ مىندەتىن ۇستىنە العان جوعارى مەكتەپتەردىڭ سايكەستى كاسىپتىك وقۋشى قابىلداۋ كولەمىن ارتتىرماۋ نەگىزىندە وقۋشى قابىلداۋ قۇرىلىمىن رەتتەۋ كەرەك.
ورتالىق قازىنا قولدايتىن تولىق كۋرس مەديتسينا وقۋشىلارىن باعىتتامالى قابىلداۋ جوسپارى قاتىستى مەكتەپتەردىڭ تولىق كۋرس ساتىسىنداعى وقۋشى قابىلداۋ قاينارى جوسپارىندا ايىرىم جاسالادى، جوسپاردىڭ سيپاتى ”مەملەكەتتىك تەگىن وقىتىلاتىن مەديتسينا وقۋشىسى“ دەپ بەلگىلەنەدى. تەگىن شيپاگەرلىك ماماندىعىنا باعىتتامالى وقۋشى قابىلداۋ جوسپارىنداعى ەمتيحان بەرۋشىلەر سول جىلعى مەملەكەتتىك ءبىرتوتاس جوعارى مەكتەپ ەمتيحانىنا قاتىناسقان بولۋى، ايىرىم تالاپ كەستەسى، ايىرىم قارار، ايىرىم ٴنومىر شەك بويىنشا، تەك اۋىل - قىستاق وقۋشى قاينارىن عانا قابىلدايدى، مۇندا تولىق كۋرس بويىنشا الدىن الا قابىلدايدى. وقۋشى قاينارى جەتكىلىكسىز بولعاندا ورىندالماعان تالاپ كەستەسى بويىنشا تولىقتاپ قابىلداۋ ءتاسىلى بويىنشا جوعارى نومىردەن تومەن نومىرگە قاراي رەتىمەن قابىلدانادى. شارت - جاعدايى بار ولكەلەردىڭ ءوز جەرىنىڭ شارت - جاعدايىمەن ۇشتاستىرىپ، ەمتيحان بەرۋشىلەردىڭ نوپوسى بويىنشا اۋداندى بىرلىك ەتىپ باعىتتامالى وقۋشى قابىلداۋ ٴادىسىن بەلسەنە قاراستىرۋىنا دەم بەرەدى، ءارقايسى ولكە دارەجەلى وقۋ - اعارتۋ اكىمشىلىك تاراۋلارى ادام ىستەتۋ قاجەتىنە قاراي، اۋداندى بىرلىك ەتىپ وقۋشى قابىلداۋ جوسپارىن ورنالاستىرادى، تەك جۇمىس ورنى بەلگىلەنگەن اۋداننىڭ قاراستىلىعىنداعى اۋىل - قىستاق وقۋشىسىن قابىلدايدى. وقۋشى قاينارى جەتىسپەگەندە، جوسپار ورىندالماعان جاعدايدا، بۇكىل ولكەدەگى اۋىل - قىستاق وقۋشىلارىنان تالاپ كەستەسىن تولتىرۋ جاعدايىنا قاراي تولىقتاپ قابىلدايدى، سونداي - اق تولىقتاپ قابىلداۋدا وقۋشىنىڭ تالاپ كەستەسى مەن قابىلداۋ تالابى بويىنشا، جوعارى نومىردەن تومەن نومىرگە قاراي رەتى بويىنشا قابىلدايدى.
تولىق كۋرس شيپاگەرلىك ماماندىعىنا باعىتتامالى تەگىن وقۋعا قابىلدانعان سوڭ، وقۋعا ءتۇسۋ ۇقتىرۋىن الۋدان بۇرىن، تاربيەلەيتىن جوعارى مەكتەپ پەن باعىتتامالى كاسىپتەنەتىن اۋدان دارەجەلى دەنساۋلىق ساقتاۋ ورىندارىمەن، ادام كۇشى بايلىعى جانە قوعامدىق قامتاماسىزداندىرۋ اكىمشىلىك تاراۋلارىمەن باعىتتامالى تاربيەلەۋ جانە كاسىپتەندىرۋ كەلىسىمىنە قول قويۋ كەرەك. تەگىن وقيتىن باعىتتامالى تولىق كۋرس مەديتسينا وقۋشىلارى مەكتەپتەگى كەزىندە نوپوسى بۇرىنعى نوپوسى تۇرعان جەردە ساقتالادى، وقۋ تاۋىسقاننان كەيىن قاتىستى بەلگىلەمەلەر بويىنشا باعىتتامالى جۇمىستانعان جەرگە كوشىرىپ اكەلۋىنە بولادى.
تەگىن وقيتىن باعىتتامالى تولىق كۋرس مەديتسينا وقۋىنا تەك اۋىل - قىستاق وقۋشىلارىن عانا قابىلدايدى، ەمتيحانعا تىزىمدەلگەن وقۋشىلار ءبىر ۋاقىتتا تومەندەگى شارتتاردى ازىرلەۋى كەرەك: (1) 2023 - جىلعى ءبىرتۇتاس جوعارى مەكتەپ ەمتيحانىنا تىزىمدەلۋ شارتىنا ۇيلەسۋى؛ (2) ءوزىنىڭ جانە اكەسىنىڭ نەمەسە شەشەسىنىڭ نەمەسە زاڭدىق قامقورشىسىنىڭ نوپوسى تۇرعان جەر اۋىل - قىستاقتا بولۋى، ءوزىنىڭ ناپوسى سول جەردە ءۇرتىس 3 جىلدان ارتىق تۇرعان بولۋى كەرەك؛ (3) ءوزى تۇرعان ولكە بەلگىلەگەن باسقا دا شارتتار. اۋداندى بىرلىك ەتىپ باعىتتامالى وقۋشى قابىلدايتىن جەرلەردە ەمتيحان بەرگەن وقۋشىلار جوعارىداعى شارتتاردى ءبىر ۋاقىتتا ازىرلەۋدەن سىرت، ءوزى نەمەسە اكەسى نەمەسە شەشەسى نەمەسە زاڭدىق قامقورشىسى نوپوسى تىركەلگەن جەر، ءسوز جوق، قىزمەت ورنى دەپ بەلگىلەنگەن ورىن تۇرعان اۋدانداعى اۋىل - قىستاقتا بولۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
