حان جىڭ نيدەرلاندتىڭ باس ءۋازىرىنىڭ ورىنباسارى، قوسىمشا سىرتقى ىستەر ءۋازىرى حوكسترامەن كەزدەستى
2023.05.25 16:35 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 24 - كۇنى، بەيجيڭ. 5 - ايدىڭ 24 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە نيدەرلاندتىڭ باس ءۋازىرىنىڭ ورىنباسارى، قوسىمشا سىرتقى ىستەر ءۋازىرى حوكسترامەن كەزدەستى.
حان جىڭ مىنالاردى ءبىلدىردى: جۇڭگو مەن نيدەرلاند − اشىق، ناقتى جان - جاقتى سەلبەستىك سەرىكتەرى، ەكى ەل باسشىلارىنىڭ ستراتەگيالىق جەتەكشىلىگىندە ەكى جاقتى قاتىناس ۇزدىكسىز العا دامىدى. جۇڭگو مەن نيدەرلاندتىڭ ەكونوميكادا ءوزارا تولىقتاۋ سيپاتى كۇشتى، سەلبەستىك كومەسكى كۇشى زور، ەكى جاقتى ساۋدادا تاماشا دامۋ اۋقىمى جارىققا شىقتى. جۇڭگو جاق نيدەرلاند جاقپەن بىرگە ءار سالاداعى ناقتى ىستەر سەلبەستىگىن ىلگەرىلەتىپ، ەكى ەل حالىقتارىن اناعۇرلىم جاقسى يگىلىككە كەنەلتۋدى قالايدى. جۇڭگو مەن نيدەرلاند ەكونوميكانىڭ جاھاندانۋى مەن ەركىن ساۋداعا اناعۇرلىم جاقسى شارت - جاعداي ازىرلەپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتى، ىركىلىسسىز بولۋىن جەبەۋى كەرەك.
حوكسترا مىنالاردى ءبىلدىردى: نيدەرلاند پەن جۇڭگونىڭ بايلانىسى جاقسى، سەلبەستىك ءونىمى كورىنەرلىك، دامۋ بولاشاعى جارقىن. جۇڭگونىڭ ەكونوميكالىق، قوعامدىق دامۋدا قول جەتكىزگەن وراسان زور تابىستارى ادامدى سۇيىندىرەدى جانە جەلپىندىرەدى. نيدەرلاند جاق جۇڭگو جاقپەن تىعىز بارىس - كەلىستى جالعاستىرىپ، ەكى ەل قارىم - قاتىناسىنىڭ ۇزدىكسىز العا دامۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
