بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

وقۋ – اعارتۋ مينيسترلىگى وقۋشىلاردىڭ سۋعا كەتۋىنەن ساقتانۋ سەگنالىن جاريالادى

2023.05.26 14:19     كەلۋ قاينارى : حالىق تورابى

  جۋىردان بەرى، ەلىمىزدىڭ كوپ جەرىندە اۋا تەمپەراتۋراسى كۇرت جوعارىلاپ، تاسقىندى مەزگىل تايادى، وسى مەزگىلدە سۋعا كەتۋ وقيعاسى ءجيى تۋىلادى. وقۋشىلاردىڭ ءومىرىنىڭ حاۋىپسىزدىگىنە شىنايى كەپىلدىك ەتۋ ءۇشىن، وقۋ – اعارتۋ مينيسترلىگىنىڭ نەگىزدىك وقۋ – اعارتۋ مەڭگەرمەسى 5 – ايدىڭ 25 – كۇنى وقۋشىلاردىڭ سۋعا كەتۋىنەن ساقتانۋ سەگنالىن جاريالاپ، جەر – جەرگە اۋىل – قىستاقتاعى مەكتەپتەردى، اۋىل – قىستاقتىڭ توڭىرەگىندەگى جانە وقۋشىلار مەكتەپكە كەلىپ – كەتەتىن جولداردىڭ بويىنداعى سۋ الاپتارىن باستى ءتۇيىن ەتە وتىرىپ، كومەسكى حاۋىپ – قاتەرلەردى جالپى بەتتىك اداقتاپ، حاۋىپسىزدىككە ساياتىن ەسكەرتۋ بەلگىلەرىن كەمەلدەندىرىپ، حاۋىپسىزدىكتى قورعاۋ قۇرىلعىلارىن ورنالاستىرۋدى ەسكەرتتى.

  ساقتىق ەسكەرتۋىندە مىنالار تالاپ ەتىلگەن: مەكتەپتەر وقۋشىلاردىڭ ساباقتان تاراۋىنىڭ، كانيكۋلعا تاراۋىنىڭ الدىنداعى مەزگىل سياقتى ءتۇيىندى مەزگىلدەردە سۋعا كەتۋدەن ساقتانۋعا قاتىستى ”التى تيىمدى“ ۇگىتتەۋدى ويداعىداي ىستەپ، سۋعا كەتۋدەن ساقتانۋعا قاتىستى حاۋىپسىزدىك ساۋاتتارىن تانسىتىرۋى، سۋعا كەتۋدەن ساقتانۋ جونىندەگى ءتالىم – تاربيەنى ءاربىر وقۋشىعا جەتكىزۋگە كەپىلدىك ەتۋى كەرەك.

  جەر – جەردەگى ورتا، باستاۋىش مەكتەپتەر اتا – انالارعا حات جولداۋ، قولفوندا كەلتە حات جولداۋ، ۋيچات ارقىلى حابارلاسۋ قاتارلى جولدارمەن اتا – انالاردى پەرزەنتتەرىنە سۋعا كەتۋدەن ساقتانۋ جونىندە تاربيە بەرۋدى، باسقارۋدى كۇشەيتىپ، وقۋشىلار وقۋدان تاراعاننان كەيىن، اپتا سوڭىندا، دەمالىس كۇندەرى حاۋىپسىزدىككە ساياتىن باسقارۋ – قورعاۋ شارالارىن شىنايى، ويداعىداي ىستەۋى جونىندە ەسكەرتۋى كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى