ج ك پ ورتالىق كوميتەتى، مەملەكەتتىك كەڭەس «مەملەكەتتىك سۋ تورابى قۇرىلىسى جوبا باعدارلاماسىن» باسىپ تاراتتى
2023.05.26 16:44 كەلۋ قاينارى : حالىق تورابى
«حالىق گازەتى»، 5 - ايدىڭ 25 - كۇنى، بەيجيڭ. ج ك پ ورتالىق كوميتەتى مەن مەملەكەتتىك كەڭەس «مەملەكەتتىك سۋ تورابى قۇرىلىسىنىڭ جوبا باعدارلاماسىن» (تومەندە قىسقاشا «جوبا باعدارلاماسى» دەلىنەدى) باسىپ تاراتتى ءارى ۇقتىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرا وتىرىپ مۇقيات دايەكتى تياناقتاندىرۋدى تالاپ ەتتى.
«جوبا باعدارلاماسىندا» مىنالار اتاپ كورسەتىلدى: مەملەكەتتىك سۋ تورابى ــ تابيعي وزەن – كولدەردى نەگىز، سۋ باستاۋ، سۋ ىعىستىرۋ ينجەنەرياسىن وتكەل، سۋ ساقتاۋ ينجەنەرياسىن ءتۇيىن، اقىل – پاراساتتىق مەڭگەرۋدى ءتاسىل ەتىپ، سۋ بايلىعىن ساپالى ورنالاستىرۋ، اعارلاردا تاسقىننان ساقتانۋ، اپات زيانىن ازايتۋ، سۋ ەكولوگيالىق جۇيەسىن قورعاۋ سياقتى فۋنكتسيالاردى ءبىر تۇلعالاندىرعان جالپىلىق جۇيە. جاڭا جۇڭگو قۇرىلعاننان بەرى پارتيا حالىققا باسشىلىق ەتىپ، قۇلاشىن كەڭ جايعان سۋ يگىلىگى قۇرىلىسىن ورىستەتىپ، دۇنيە جۇزىندەگى كولەمى ەڭ ۇلكەن، اۋماعى ەڭ كەڭ، يگىلىگىن كورەتىن حالىق سانى ەڭ كوپ سۋ يگىلىگى نەگىزدىك قۇرىلعىلار جۇيەسىن قۇرىپ، جاڭا داۋىردە مەملەكەتتىڭ سۋ تورابىن قۇرۋعا ماڭىزدى نەگىز قالادى. قازىر ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا جورىق جاساۋدىڭ جاڭا جورىعىنا قادام تاستادى، بۇل سۋ حاۋىپسىزدىگىنە بەرىك تىرەك جانە قامتاماسىزدىق ازىرلەۋدى قاجەت ەتەدى.
«جوبا باعدارلاماسىندا» مىنالار دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”سۋ ۇنەمدەۋدى الدىمەن ويلاستىرۋ، كەڭىستىك تەپە - تەڭدىگىن ساقتاۋ، جۇيەلى جونگە سالۋ، ەكى جاقتان كۇش سالۋ“ سىندى سۋدى جونگە سالۋ وي جەلىسىن جاپپاي دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىندا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، سۋ حاۋىپسىزدىگىن قامتاماسىز ەتۋ قابىلەتىن جاپپاي جوعارىلاتۋدى نىسانا ەتىپ، جالپى جاعدايدى تياناق ەتۋدە، حالىق تۇرمىسىن قامتاماسىزداندىرۋدا تاباندى بولىپ، سۋ ۇنەمدەۋدى الدىڭعى ورىنعا قوياتىن، كەڭىستىگى بارابار، ادام مەن سۋ جاراسىمدى، ەكولوگياسى جاسىل، جوبالاۋى جۇيەلى، حاۋىپ – قاتەرى مەڭگەرىلمەلى بولۋ، رەفورما جاساپ، جاڭالىق اشۋ، ەكى جاقتان بىردەي كۇش سالۋ سىندى قىزمەت پرينسيبى بويىنشا، ”جۇيەسى كەمەلدى، حاۋىپسىز، سەنىمدى، شوعىرلى، جوعارى ءونىمدى، جاسىل، زەردەلى، اينالىمى ىركىلىسسىز، مەڭگەرۋى ءتارتىپتى“ مەملەكەت سۋ تورىن جەدەل قۇرىپ، ەكونوميكالىق ونىمدىلىكتىڭ، قوعامدىق ونىمدىلىكتىڭ، ەكولوگيالىق ونىمدىلىكتىڭ، حاۋىپسىزدىك ونىمدىلىگىنىڭ بىرلىگىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدى سۋ حاۋىپسىزدىگى جاعىنان پارمەندى قامتاماسىزداندىرۋ كەرەك. 2035 - جىلعا بارعاندا مەملەكەت سۋ تورابىنىڭ جالپى تۇلعالىق جۇيەسىن نەگىزىنەن قالىپتاستىرىپ، سوتسياليستىك وسىزامانداندىرۋدى نەگىزىنەن جۇزەگە اسىرۋعا ۇيلەسەتىن مەملەكەتتىڭ سۋ حاۋىپسىزدىگىن قامتاماسىزداندىرۋ جۇيەسىن ورناتۋ كەرەك.
«جوبا باعدارلاماسىندا» مىنالار ورتاعا قويىلدى: اعاردىڭ جالپى تۇلعاسى مەن سۋ بايلىعى كەڭىستىگىنىڭ بىركەلكى بولۋىن تياناق ەتىپ، وزەن، داريا، كول سۋ جۇيەسىنىڭ ەرەكشەلىگىمەن جانە سۋ قۇرىلعىسى نەگىزدىك جابدىقتارىنىڭ ورنالاستىرىلۋىمەن ۇشتاستىرىپ، مەملەكەت سۋ تورىنىڭ ۇلكەن كۇرە تامىرىن جەدەل قالىپتاستىرۋ، تىرەكتى سۋ جەتكىزۋ، سۋ شىعارۋ جولدارىن اشۋ، مەملەكەتتىڭ نەگىزگى لەنيا تورىن، ولكە، قالا، اۋدانداردىڭ سۋ تورىن تۇتاستىرۋدى كۇشەيتۋ، ۇلاستىرۋ – تۇتاستىرۋدى، بىرلەسىپ رەتتەپ، سايكەسىپ ساقتانۋ – مەڭگەرۋدى ىلگەرىلەتىپ، مەملەكەتتىك سۋ تورابىن بىرتىندەپ قالىپتاستىرىپ، سۋ بايلىعى مەن حالىق سانىنىڭ ەكونوميكالىق ورنالاسۋىنىڭ تەپە - تەڭدىگىن جەبەپ، ەكونوميكانىڭ، قوعامنىڭ ساپالى دامۋىنا تىرەك بولۋ كەرەك.
«جوبا باعدارلاماسىندا» مىنالار العا قويىلدى: سۋ بايلىعىن ورنالاستىرۋ جانە سۋمەن قامداۋدى قامتاماسىز ەتۋ جۇيەسىن كەمەلدەندىرىپ، نازاردى مەملەكەتتىڭ دامۋ ستراتەگياسى مەن وسىزامانداندىرۋ قۇرىلىسى نىساناسىنا شوعىرلاندىرىپ، سۋ ۇنەمدەۋدى الدىمەن ويلاستىرۋدا، سۋ مولشەرىنە قاراي جۇمىس ىستەۋدە، سۋ قاينارىن اشىپ، سۋدى ۇنەمدەۋگە تەڭ ءمان بەرۋدە تاباندى بولىپ، سۋ بايلىعىن ورنالاستىرۋ جاعدايىن كەمەلدەندىرىپ، سۋ بايلىعى جاعىنداعى ءوزارا سۇيەمەلدەۋدى، بىرلەسىپ رەتتەۋدى جۇزەگە اسىرىپ، سۋ بايلىعىن جالپى تۇلعالىق ورنالاستىرۋ قابىلەتىن جاپپاي كۇشەيتۋ كەرەك. ءىرى سۋ باستاۋ ينجەنەرياسىن اتقارىپ، وڭتۇستىكتىڭ سۋىن سولتۇستىككە جەتكىزۋ ۇلاسپالى ينجەنەريالارىنىڭ ساپالى دامۋىن ىلگەرىلەتۋ كەرەك. وڭىرلىك سۋ بايلىعىن ورنالاستىرۋ جۇيەسىن كەمەلدەندىرىپ، سۋ قاينارى ينجەنەرياسى اراسىنداعى، تۇرلىشە سۋ بايلىعىن ورنالاستىرۋ ينجەنەرياسى اراسىنداعى سۋ جۇيەسىن تۇتاستىرىپ، سۋ ۇنەمدەيتىن، ەكولوگيالىق سۋارمالى وڭىرلەردەن ءبىر توبىن جاڭادان سالۋ، ءىرى، ورتاشا سۋارمالى وڭىرلەردىڭ جالعاستى سايكەستى قۇرىلىستارىن سالۋ جانە وسىزامانداندىرىپ وزگەرىس ەنگىزۋ كەرەك. سۋ قاينارىن رەتتەۋ، سۋ ساقتاۋ ينجەنەريا قۇرىلىسىن ىلگەرىلەتىپ، قازىرگى سۋ قاينارىن رەتتەۋ، سۋ ساقتاۋ ينجەنەرياسىنىڭ سۋمەن قامداۋ كومەسكى كۇشىن تولىق اشىپ، جوباعا ەنگىزىلگەن تىرەكتى سۋ قاينارى ينجەنەريا قۇرىلىسىن جەدەل ىلگەرىلەتىپ، سۋ بايلىعىن رەتتەۋ، ساقتاۋ قۋاتىن جوعارىلاتۋ كەرەك.
«جوبا باعدارلاماسىندا» مىنالار دارىپتەلدى: اعارلاردىڭ تاسقىننان ساقتانۋ، اپات زيانىن ازايتۋ جۇيەسىن كەمەلدەندىرىپ، حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، ”ەكىدە تاباندى بولۋ، ۇشكە بۇرىلىس جاساۋ“ سىندى اپاتتان ساقتانۋ، اپات زيانىن ازايتۋ، اپاتتان قۇتقارۋ ۇستانىمىنا بويسۇنىپ، اعارلاردى بىرلىك ەتىپ سۋ قويماسى، وزەن ارناسى جانە توسپا، تاسقىن ىركۋ وڭىرلەرىنەن قۇرالعان وسىزاماندانعان تاسقىننان ساقتانۋ ينجەنەريا جۇيەسىن قۇرىپ، تاسقىن اپاتىنان ساقتانۋ قۋاتىن اناعۇرلىم كۇشەيتۋ كەرەك. وزەن ارناسىنىڭ تاسقىن سۋىن اعىزۋ قۋاتىن جوعارىلاتىپ، وزەن ارناسى توسپاسىن ولشەمگە جەتكىزۋ قۇرىلىسىن جانە وزەن ارناسىن وڭاۋدى ماڭىزدى ءتۇيىن ەتىپ، چاڭجياڭ، حۋاڭحى، حۋايحى، حايحى، جۋجياڭ، سۇڭحۋا، لياۋحى وزەندەرى جانە دۇڭتيڭ، پوياڭ، تايحۋ كولدەرى سياقتى ۇلكەن وزەن، ۇلكەن كولدەردى وڭاۋدى جەدەلدەتىپ، وزەن ارناسىنىڭ ىركىلىسسىزدىگى مەن وزەن جاعدايىنىڭ ورنىقتىلىعىن ساقتاۋ كەرەك. تاسقىن سۋىن رەتتەۋ - ساقتاۋ قۋاتىن كۇشەيتىپ، اعارلاردى تىزگىندەيتىن ءبىر توپ سۋ قويماسى ينجەنەريالىق قۇرىلىسىن اتقارۋدى تەزدەتىپ، اعارلاردا تاسقىننان ساقتانۋ - تىزگىندەۋدىڭ ىرىقتىلىق ۇقىعىنا قول جەتكىزۋگە كۇش سالۋ كەرەك. تاسقىن سۋىن ءبولىپ ىركۋ يقۋاتىنا شىنايى كەپىلدىك ەتىپ، تاسقىن سۋىن ىركۋ ءوڭىرىنىڭ ورنالاسۋىن ساپالىلاندىرىپ رەتتەپ، چاڭجياڭ، حۋاڭحى، حۋايحى، حايحى وزەندەرى سياقتى اعارلارداعى ماڭىزدى تاسقىن سۋىن ىركۋ ءوڭىرى قۇرىلىسىن جەدەل ىلگەرىلەتۋ كەرەك. تاسقىن سۋ حاۋىپ - قاتەرىنەن ساقتانۋ جانە ونى تىزگىندەۋ قابىلەتىن جوعارىلاتىپ، تاسقىننان ساقتانۋ ينجەنەرياسىنىڭ ولشەمىن عىلمي جوعارىلاتىپ، تۇتاس قوعامنىڭ حاۋىپسىزدىك تانىمىن كۇشەيتىپ، اعارلاردىڭ تاسقىننان ساقتانۋ دەڭگەيىن جوعارىلاتىپ، الدىن الا مالىمەت بەرۋ، ساقتاندىرۋ، الدىن الا جاتتىعۋ، دايىندىق جوبا سىندى 4 ءتۇرلى شارانى كۇشەيتۋ كەرەك.
«جوبا باعدارلاماسىندا» مىنالار اتاپ كورسەتىلدى: وزەن، كول ەكولوگيالىق جۇيەسىن قورعاۋ، جونگە سالۋ جۇيەسىن كەمەلدەندىرىپ، ەكولوگيالىق وركەنيەت ۇستانىمىن بەرىك ورناتىپ، جۇيەلى جونگە سالۋدا، جان - جاقتى جونگە سالۋدا، تۋ باستان جونگە سالۋدا تاباندى بولىپ، وزەن، كولدەردىڭ ەكولوگيالىق ورتاسىن جەدەل قالپىنا كەلتىرىپ، وزەندەردىڭ تىرشىلىگىن قالپىنا كەلتىرىپ، اعارلاردىڭ ومىرشەڭدىك كۇشىن قايتا ايگىلەۋىنە مۇمكىندىك جاساۋ كەرەك. وزەن - كول ەكولوگياسىن قورعاۋدى، جونگە سالۋدى كۇشەيتىپ، ءتۇيىندى وزەن - كولدەردىڭ، سازدى جەرلەردىڭ ەكولوگياسىنا سۋ تولىقتاۋدى ورىستەتىپ، وزەن - كولدەردىڭ ەكولوگيالىق اعىن مولشەرىن قامتاماسىزداندىرىپ، جاعالاۋ جەلىسىندەگى فۋنكتسيالىق وڭىرلەردى ءبولىپ باسقارۋ - مەڭگەرۋدى كۇشەيتۋ كەرەك. جەر استى سۋىن قالىپتان تىس الۋدى جان - جاقتى جونگە سالۋدى تەزدەتىپ، اشىپ پايدالانۋدىڭ تەپە - تەڭدىگىن بىرتىندەپ جۇزەگە اسىرۋ كەرەك. سۋ قاينارىن ساقتاۋدى جانە سۋ مەن توپىراقتى ساقتاۋدى ىلگەرىلەتىپ، چيڭحاي - شيزاڭ ءۇستىرتى ”جۇڭحۋا سۋ مۇناراسىن“ قورعاۋدى كۇشەيتىپ، چاڭجياڭ وزەنىنىڭ جوعارعى، ورتا اعارى، حۋاڭحى وزەنىنىڭ جوعارعى، ورتا اعارى، شىعىس سولتۇستىكتەگى قارا توپىراقتى ءوڭىر، باتىس وڭتۇستىكتەگى كەرىشتى ءوڭىر، ءۇش قىساڭ جانە دانجياڭكوۋ سۋ قويماسى ءوڭىرى سياقتىلاردى ءتۇيىن ەتىپ، توپىراقتىڭ شايىلۋىنان جان - جاقتى ساقتانۋ كەرەك.
«جوبا باعدارلاماسىندا» مىنالار اتاپ كورسەتىلدى: مەملەكەت سۋ تورابىنىڭ ساپالى دامۋىن ىلگەرىلەتىپ، مەملەكەتتىڭ تىرەكتى تورابى مەن ولكە، قالا، اۋدانداردىڭ سۋ تورابى قۇرىلىسىن ءبىر تۇتاس جوسپارلاپ، جوعارى ولشەمدە، جوعارى دەڭگەيدە تاباندى بولىپ، سۋدىڭ حاۋىپسىزدىگىن قامتاماسىزداندىرۋ قۋاتى مەن دەڭگەيىن جاپپاي جوعارىلاتۋ كەرەك. حاۋىپسىز دامۋدى ىلگەرىلەتىپ، سۋ حاۋىپسىزدىگىن قامتاماسىزداندىرۋ ولشەمىن جوعارىلاتىپ، سۋ حاۋىپسىزدىگى حاۋىپ - قاتەرىنەن ساقتانۋدى كۇشەيتۋ كەرەك. جاسىل دامۋدى ىلگەرىلەتىپ، سۋ بايلىعىنىڭ كوتەرىمدىلىك قۋاتىنىڭ بۇلجىماس تەجەمىن كۇشەيتىپ، ەكولوگيالىق سۋ تورابى ينجەنەرياسىن قۇرۋ كەرەك. اقىل - پاراساتتىق دامىتۋدى جەدەلدەتىپ، سۋ تورابىن سيفرلاندىرۋ قۇرىلىسىن كۇشەيتىپ، سۋ تورابىن ورنالاستىرۋ، باسقارۋدىڭ زەردەلىلەنۋ دەڭگەيىن جوعارىلاتىپ، سۋ تورابىن باقىلاۋ - ولشەۋ جۇيەسىن كەمەلدەندىرۋ كەرەك. توعىسپالى دامۋدى ءبىر تۇتاس جوسپارلاپ، مەملەكەتتىڭ تىرەكتى تورابى مەن ولكە دارەجەلى سۋ تورابىن ۇلاستىرۋدى، تۇتاستىرۋدى كۇشەيتىپ، ولكە، قالا، اۋدانداردىڭ سۋ تورابىنىڭ سايكەسۋىن، توعىسۋىن تارتىپپەن ىلگەرىلەتىپ، سۋ تورابى مەن قاتىستى كاسىپتەردىڭ سايكەستى دامۋىن كۇشەيتۋ كەرەك. ءتۇزىلىس، مەحانيزمدى كەمەلدەندىرىپ، سۋ تورابى قۇرىلىسىن باسقارۋ تۇزىلىسىندە جاڭالىق جاراتىپ، سۋ تورابىنىڭ ۇتىمدى اينالىم مەحانيزمىن اقاۋسىزداندىرۋ كەرەك.
«جوبا باعدارلاماسىندا» مىنالار دارىپتەلدى: پارتيانىڭ باسشىلىعىن كۇشەيتىپ، پارتيانىڭ جالپى جاعدايدى تەگىس مەڭگەرۋ، ءار جاقتى سايكەستىرۋ سىندى باسشىلىق ۇيىتقىلىق رولىن تولىق ساۋلەلەندىرىپ، ورتالىق ءبىر تۇتاس جوسپارلاۋ، ولكە جالپى جاقتان جاۋاپتى بولۋ، قالا، اۋداندار تياناقتاندىرۋدى يگەرۋ قىزمەت مەحانيزمىن اتقارىپ، نىسانا - مىندەتتىڭ ۋاعىندا ورىندالۋىنا كەپىلدىك ەتۋ كەرەك. اتقارۋعا ۇيىمداستىرۋدى كۇشەيتىپ، جوبا باعدارلاماسىن اتقارۋدى سايكەستى ىلگەرىلەتۋ مەحانيزمىن ورناتىپ جانە كەمەلدەندىرىپ، تاراۋلاردىڭ سايكەسۋىن جانە جوعارى مەن تومەننىڭ بىرلەسىپ قيمىلداۋىن كۇشەيتىپ، ءار دارەجەلى سۋ تورابى ينجەنەريالارىن ءبىر تۇتاس جوسپارلاۋدى، سايكەستى قۇرۋدى عىلمي، ءتارتىپتى ىلگەرىلەتۋ كەرەك. ساياساتتىق قامتاماسىزداندىرۋدى كۇشەيتىپ، سايكەستى ساياساتتاردى جىنتىكتەي كەمەلدەندىرىپ، مەملەكەتتىڭ سۋ تورابى ينجەنەرياسىنىڭ جوبا قۇرىلىسىن بەلسەنە قولداۋ كەرەك. عىلىم - تەحنيكالىق تىرەكتى كۇشەيتىپ، مەملەكەتتىڭ سۋ تورابى قۇرىلىسىنداعى كەلەلى ماسەلەلەردى زەرتتەۋدى جانە شەشۋشى تەحنيكالاردان قامال الۋدى بەلسەنە ورىستەتىپ، سۋ تورابىنىڭ نەگىزدىك زەرتتەۋ جانە تەحنيكالىق زەرتتەۋ - اشۋ ورەسىن جوعارىلاتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
