ورتالىقتىڭ 2 - رەتكى ەكولوگيالىق ورتانى قورعاۋدى باقىلاۋ ـ تەكسەرۋى جيىنى 3371 ادامنىڭ جاۋاپكەرشىلىگىن قۋزاستىردى، جاۋاپقا تارتتى
2023.06.20 15:35 كەلۋ قاينارى : حالىق تورابى
كەشە، ورتالىقتىڭ 2 - رەتكى ەكولوگيالىق ورتانى قورعاۋدى باقىلاۋ ـ تەكسەرۋى 6 - توپتاعى وتكىزىپ بەرگەن ماسەلەلەردىڭ جاۋاپكەرشىلىگىن قۋزاستىرۋ، جاۋاپقا تارتۋ جاعدايى قوعامعا جاريالاندى. سونىمەن ورتالىقتىڭ 2 ـ كەزەكتى ەكولوگيالىق ورتانى قورعاۋدى باقىلاۋ ـ تەكسەرۋى وتكىزىپ بەرگەن ماسەلەلەردى قۋزاستىرۋ، جاۋاپقا تارتۋ قىزمەتىن تولىق ورىنداپ، سىرتقا اشىق جاريالادى.
بۇگىن جاريالانعان جاۋاپكەرشىلىكتى قۋزاستىرۋ، جاۋاپقا تارتۋدىڭ ەڭ سوڭعى توپتاعى جاعدايى حىبەي، جياڭسۋ، ىشكى موڭعۇل، شيزاڭ، شينجياڭ سىندى 5 ولكە، اۆتونوميالى رايون جانە شينجياڭ ءوندىرىس ـ قۇرىلىس بيڭتۋانىنا سايادى. مۇنىڭ ىشىندە حىبەي ولكەسىنىڭ چىڭدى شيڭلۇڭ اۋدانىندا زاڭسىز كەن اشۋ ماسەلەسى كورنەكتى بولۋ، حاندان بولات - تەمىر كاسىبىنىڭ كاسىپ قۇرىلىمىن رەتتەۋ، تياناقتاندىرۋى پارمەندى بولماۋ سياقتى ماسەلەلەر؛ جياڭسۋ ولكەسى جىنجياڭ، چاڭجياڭ جاعالاۋى تازالاۋ – جونگە سالۋدى ىلگەرىلەتۋى ءالسىز بولۋ، دايۇنحى وزەنىنىڭ سۋچيان بولەگىنىڭ ورتاسىنىڭ لاستانۋ ماسەلەسى كورنەكتى بولۋ سياقتى ماسەلەر؛ ىشكى موڭعۇل اۆتونوميالى رايونى باياننۇر قالاسى ۇرۋات الدىڭعى حوشۇنى تەمىر كەنى قاتارلى كەن قازۋدا زاڭ، بەلگىلەمەگە قايشى ماسەلەلەردىڭ كورنەكتى بولۋى، وردوس چيپانجيڭ رايونىنىڭ زاڭعا قايشى سۋ الۋ، سۋ ىستەتۋى قاتارلى ماسەلەلەرى؛ شيزاڭ اۆتونوميالى رايونىنىڭ چاڭدۋ سەمەنت نىسانىنىڭ از بەكىتتىرىپ، كوپ سالۋى، ناشۇيسىني رايونىنىڭ قۇم – تاس اشۋداعى ءۇستىرت – سۋىق جايىلىم ورتاسىن ءبۇلدىرۋ سياقتى ماسەلەرى؛ شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانى ماناس وزەنى الابىنداعى ءبىر ءبولىم ەكولوگيالىق فۋنكسيالىق رايوننىڭ ازعىنداۋى اۋىر بولۋ، ءۇرىمجى - سانجى – شىحىزى وڭىرىندە اۋىر دارەجەدە لاستانعان اۋا رايى كوپ تۋىلۋ سياقتى ماسەلەلەرگە سايادى. سونىمەن ورتالىقتىڭ 2 ـ كەزەكتى ەكولوگيالىق ورتانى قورعاۋدى باقىلاۋ ـ تەكسەرۋ، جاۋاپكەرشىلىگىن قۋزاستىرۋ، جاۋاپقا تارتۋ قىزمەتى تۇگەلدەي ورىندالىپ، وتكىزىپ بەرىلگەن 158 جاۋاپكەرشىلىكتى قۋزاستىرۋ ماسەلەسى بويىنشا 3371 ادامنىڭ جاۋاپكەرشىلىگىن قۋزاستىردى، جاۋاپقا تارتتى.
ورتالىقتىڭ 2 ـ كەزەكتى ەكولوگيالىق ورتانى قورعاۋدى باقىلاۋ ـ تەكسەرۋى 2019 - جىلى 7 - ايدا باستالىپ، 2022 - جىلى 6 - ايدا اياقتادى، بۇكىل ەلدەگى 31 ولكەگە (اۆتونوميالى رايون، توتە قاراستى قالا) جانە شينجياڭ ءوندىرىس - قۇرىلىس بيڭتۋانىنا، ورتالىققا قاراستى 6 كاسىپورىنعا باقىلاۋ - تەكسەرۋ جۇرگىزدى. جالپى 2164 رەتتەۋ ـ تۇزەتۋ مىندەتى ايقىندالدى، 2023 ـ جىلى 5 ـ ايعا دەيىن رەتتەۋ ـ تۇزەتۋ مىندەتىنىڭ ورىندالۋى %61 كە جەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
