شۇعىل جاعدايعا توتەپ بەرۋدى باسقارۋ مينيسترلىگى: كورىنىس رايوندارى سياقتى ادامدار شوعىرلانعان ورىندارداعى ءورت اپاتىنىڭ كومەسكى قاتەرىن جاپپاي تەكسەرىپ، تاسقىن مەزگىلىندەگى تاسقىننان امان ءوتۋ دايىندىعىن ويداعىداي ىستەۋ كەرەك
2023.06.20 15:41 كەلۋ قاينارى : حالىق تورابى
6 ـ ايدىڭ 19 ـ كۇنى، شۇعىل جاعدايعا توتەپ بەرۋدى باسقارۋ مينيسترلىگى ءماجىلىس اشىپ، تاياۋ مەزگىلدەگى جانە قياق كۇرىش مەرەكەسى كەزىندەگى حاۋىپسىزدىكتەن ساقتانۋ قىزمەتىن ورنالاستىردى.
ءماجىلىس مىنالاردى باسا دارىپتەدى: جازعى دەمالىس، تاسقىن مەزگىلى ءبىر جىلداعى شىرعالاڭ كوپ تۋىلاتىن مەزگىل، كومەسكى حاۋىپ ـ قاتەرلەردى ءبىر ـ بىرلەپ تەكسەرىپ، جونگە سالۋدىڭ ناقتى ونىمدىلىگىن شىنايى جوعارىلاتۋ كەرەك. جەر ـ جەرگە بارىپ ارناۋلى ءبىر ـ بىرلەپ تەكسەرۋ، جونگە سالۋ قىزمەتىنىڭ جاعدايىن تەكسەرىپ، زاڭعا، بەلگىلەمەگە قايشى تيپتىك كاسىپورىنداردى اشىق جاريالادى. كومىرمەن قامداۋ ءتۇيىندى وڭىرلەرىنىڭ، ءتۇيىندى كەن تاۋلارىنىڭ حاۋىپسىزدىگىن باقىلاۋ ـ باسقارۋدى كۇشەيتىپ، زاڭسىز، زاڭعا قايشى ءوندىرىس جۇرگىزۋ، اپاتتى جونگە سالۋ تىڭعىلىقتى بولماۋ، شىرعالاڭ بەلگىلەرىن ەلەمەۋ سياقتى اۋىر زاڭعا قايشى ارەكەتتەرگە قاتاڭ سوققى بەرىپ، اۋىر كومەسكى شىرعالاڭ زاردابىن تۇجىرىمداۋ ولشەمى بويىنشا، تاسقىن مەزگىلىندەگى قالدىق كەن قويمالارىن ءبىر ـ بىرلەپ ”ەلەكتەن وتكىزۋ“ كەرەك. قاتەرلى حيميالىق بۇيىم كاسىپورىندارىنىڭ جوعارى تەمپەراتۋرادان ساقتانۋ، ناجاعايدان ساقتانۋ، تاسقىننان ساقتانۋ شارالارىن تياناقتاندىرىپ، ءوندىرىس، قامبادا ساقتاۋ، تاسىمال سياقتى بۋىنداردىڭ حاۋىپسىزدىگىن باسقارۋدى كۇشەيتۋىنە قۋزاۋشىلىق ەتۋ كەرەك. جاۋاپكەرشىلىك شارالارىن ناقتىلاندىرىپ، قياق كۇرىش مەرەكەسى دەمالىسىنىڭ حاۋىپسىزدىگىن ويداعىداي يگەرۋ كەرەك. قوعام حاۋىپسىزدىگى، قاتىناس ـ تاسىمال، اۋىل شارۋاشىلىعى، اۋىل ـ قىستاق سياقتى تاراۋلاردىڭ مەرەكە كەزىندە جولداعى زاڭ اتقارۋ جانە باسقارۋ ـ مەڭگەرۋدى كۇشەيتىپ، ساياحات اۆتوموبيلدەرىنىڭ ارتىق جۇك تيەۋ، زاڭسىز جۇك تيەۋ، جولاۋشىلار مەن زاتتاردى ارالاس تيەۋ، اۋىل شارۋاشىلىق اۆتوموبيلدەرىنىڭ زاڭسىز ادام الىپ ءجۇرۋى، اراق ءىشىپ ماس بولۋ سياقتى زاڭعا قايشى ارەكەتتەردى قاتاڭ تەكسەرۋ كەرەك.
تومەنگە تۇسكەن كۇشتەر كورىنىس ءوڭىرى، جالپىلىق تۇلعا، ساۋدا بازارى، ساۋدا بازارى، قارتتار كۇتىمحاناسى، شيپاحانا سياقتى ادامدار شوعىرلانعان ورىندارداعى ءورت اپاتىنىڭ كومەسكى قاتەرىن جاپپاي تەكسەرىپ، وتتان، ەلەكتردەن پايدالانۋ، تەكسەرۋ ـ جوندەۋ، قۇرىلىس سالۋ، دانەكەرلەۋ جانە ەكسپورت جولى سياقتى ءتۇيىندى بۋىندار مەن ورىندارعا قاداعالاي نازار اۋدارىپ، توپتىق ٴولىم - ٴجىتىم، توپتىق جارالانۋ جاعدايىنىڭ تۋىلۋىنان قاتاڭ ساقتانۋ كەرەك. قاتىستى تاراۋلار مەن جەرگىلىكتى ورىنداردى ۇلتتىق سالت ـ سانا قيمىلدارىنىڭ حاۋىپسىزدىك جاۋاپكەرشىلىك شارالارىن ناقتى، ەگجەي ـ تەگجەيلى تياناقتاندىرۋعا قۋزاپ، تۇتاس بارىستاعى حاۋىپسىزدىكتى باسقارۋ ـ مەڭگەرۋدى قاتايتىپ، بۇقارانىڭ حاۋىپسىزدىك ەسكەرتۋى تاربيەسىن كۇشەيتۋ كەرەك. تولىق دايىندىق جاساپ، نەگىزگى تاسقىن مەزگىلىندەگى تاسقىن مەزگىلىنەن حاۋىپسىز وتۋگە شىنايى كەپىلدىك ەتۋ كەرەك. ۇلكەن وزەن، داريالاردىڭ تاسقىننان ساقتانۋ، تاسقىن اپاتىنان ساقتانۋ دايىندىعىن اناعۇرلىم ويداعىداي يگەرىپ، مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابىنىڭ تاسقىننان ساقتانۋ، تاسقىن اپاتىنا توتەپ بەرۋ بويىنشا تەكسەرۋىندە بايقالعان اۋىر كومەسكى قاتەرلەردى قاداعالاپ، جابىق باسقارۋ جۇرگىزىپ، رەتتەۋ - تۇزەتۋدىڭ دەر كەزىندە تياناقتانۋىنا كەپىلدىك ەتۋ كەرەك. جەرگىلىكتى ورىنداردى تاسقىننان ساقتانۋ قىزمەتى جاۋاپكەرشىلىك ءتۇزىمىن قاتاڭ تياناقتاندىرۋعا قۋزاپ، كەپىلدىك ەتۋ جاۋاپكەرشىلىگىن ءاربىر توسپاعا، ءاربىر قاتەرلى وڭىرگە، ءاربىر كومەسكى حاۋىپ تۇيىنىنە دەيىن تياناقتاندىرۋ كەرەك. جەرگىلىكتى ورىنداردىڭ ورتا، شاعىن وزەن اعارلارىن باقىلاۋ، ساقتاندىرۋ جانە ارالاپ تەكسەرۋ، قورعانۋ قىزمەتىن كۇشەيتۋىنە جەتەكشىلىك ەتىپ، سۋ توساتىن زاتتاردى تازالاپ، وزەن ارناسىنىڭ ىركىلىسسىزدىگىن ساقتاپ، كىناراتتى، حاۋىپتى سۋ قويمالارىن حاۋىپتەن ارىلتۋ، بەكەمدەۋ جانە باسقارۋ، قورعاۋ شارالارىن تياناقتاندىرىپ، بوگەتتىڭ، توسپانىڭ بۇزىلىپ، ءولىم - ءجىتىم تۋىلۋىنان ساقتانۋ كەرەك. ءىشىنارا جەرلەردەگى قالىڭ جاڭبىردان بەتكەيلەردىڭ وپىرىلۋىنان تۋىلاتىن جەر كوشكىنى، لاي كوشكىنى، قالا ىشىندەگى سۋ باسۋ سياقتى اپاتتاردان بارىنشا قىراعى بولىپ، جەر ـ جەردى نوسەر جاۋعاندا قىسقا ارالىقتا الدىن الا ساقتاندىرۋدى مىقتى يگەرىپ، نەگىزگى ساتىعا توتە باراتىن جاۋاپتى ادامداردىڭ اپات الدىنداعى ساقتىق دابىلىن ”شاقىرۋ“ مەحانيزمىن تياناقتاندىرىپ، نەگىزگى ساتىداعى تور كوزدەندىرىپ باسقارۋشىلاردىڭ، اپات ينفورماتسياسى اترەتىنىڭ رولىن تولىق ساۋلەلەندىرۋگە قۋزاپ، توسىن تۋىلعان حاۋىپ - قاتەرگە جولىققاندا، جابۋ، توقتاتۋ شارالارىن باتىل قولدانىپ، بۇقارانى كوشىرۋ، بىتىراتۋ قىزمەتىن دەر كەزىندە ويداعىداي ىستەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
