ورتالاۋ مەكتەپتىڭ 3 - جىلدىعىندا وقيتىن وقۋشىدان مۇعالىم ەمتيحاننان باس تارتۋدى تالاپ ەتتى؟ جەرگىلىكتى وقۋ - اعارتۋ مەكەمەسىنىڭ حابارلاندىرۋى
2023.06.20 15:49 كەلۋ قاينارى : حالىق تورابى
تاياۋدا ءبىر توراپتاس ”جياڭشي بەلگىلى ورتا مەكتەبىنىڭ وقۋشىسىنا كلاس جەتەكشىسى ورتا مەكتەپ ەمتيحانىنان باس تارتۋدى تالاپ ەتتى“ دەگەن حابار تارالدى. 6 – ايدىڭ 18 – كۇنى كەشتە، نانچاڭ قالالىق وقۋ – اعارتۋ مەكەمەسى بۇل ءىس جونىندە حابارلاندىرۋ شىعارىپ، نەگىزىنەن شىن ەكەندىگىن، قاتىستى ادامداردىڭ جاۋاپكەرشىلىگىن قۋزاستىراتىندىعىن ايتتى.
حابارلاندىرۋدا بىلاي دەلىندى: 6 – ايدىڭ 18 – كۇنى اقپارات قۇرالدارى حابارلاعان ”جياڭشي بەلگىلى ورتا مەكتەپ وقۋشىسىنا مۇعالىمى ەمتيحان بەرۋدەن باس تارتۋدى ايتتى“ دەگەنگە قاتىستى جاعدايلار جونىندە نانچاڭ قالالىق وقۋ – اعارتۋ مەكەمەسى دەرەۋ قاتىستى ينفورماتسيالارعا نازار اۋدارىپ، دەرەۋ تەكسەرۋ گرۋپپاسىن قۇرىپ، تەكسەرۋ جۇرگىزدى. العاشقى تەكسەرۋگە قاراعاندا، كەسكىن تاسپاسىندا اڭىس ەتىلگەن وقۋشى نانچاڭ قالاسى ۋانلي تاجىريبە مەكتەبىنىڭ ورتالاۋ 3 - جىلدىعىنىڭ وقۋشىسى ەكەن، كلاس جەتەكشىسىنىڭ وعان ەمتيحان بەرۋدەن باس تارتۋدى ەمەۋرىندەگەنى نەگىزىنەن شىندىققا جاناسادى.
نانچاڭ قالالىق وقۋ - اعارتۋ مەكەمەسى قاراستى جەردەگى وقۋ - اعارتۋ اكىمشىلىك تاراۋلارى مەن ۋانلي تاجىريبە مەكتەبىن اتا – انامەن بەلسەنە بايلانىس جاساپ، وسى ءبىر ءىستى ۇيلەسىمدى ءبىر جايلى ەتۋگە ءارى قاتىستى ادامداردىڭ جاۋاپكەرشىلىگىن قۋزاستىرۋعا قۋزادى. كەلەسى قادامدا نانچاڭ قالالىق وقۋ - اعارتۋ مەكەمەسى بىرەۋى ارقىلى وزگەسىن تۇسپالداپ، بۇكىل قالاداعى ورتا، باستاۋىش مەكتەپتەردى دۇرىس وقۋ - اعارتۋ كوزقاراسىن ورناتۋعا جەتەكتەپ، وقۋشىلارعا وسكەلەڭ جاۋاپتى بولۋ پوزيتسياسىمەن ءتۇرلى قىزمەتتەردى اناعۇرلىم ەگجەي - تەگجەيلى جاقسى ىستەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved