جيناۋ، جايۋ، قۇرعاتۋ جۇمىستارىن جەدەل ىستەپ، استىقتىڭ ىسىراپسىز قامبالانۋىنا كەپىلدىك ەتتى
بۇكىل ەل بويىنشا كۇزدىك ءبيدايدىڭ %90 تەن استامى جينالدى
2023.06.20 16:56 كەلۋ قاينارى : حالىق تورابى
«حالىق گازەتى»، 6 - ايدىڭ 19 - كۇنى، بەيجيڭ (ءتىلشى گاۋ يۇنساي). كەڭ - بايتاق ەگىنجايدا جيىن - تەرىن جۇمىسى قاربالاس جۇرگىزىلۋدە. اۋىل شارۋاشىلىعى، اۋىل – قىستاق مينيسترلىگىنىڭ ءبيدايدى كومباينمەن ورۋدى ورنالاستىرۋىندا كورسەتىلۋىنشە، 6 - ايدىڭ 19 – كۇنىنە دەيىن بۇكىل ەل بويىنشا 300 ميلليون مۋ جەردەگى دۇمبە ءبيداي ورىلعان، اياق الىسى %90 تەن اسقان، حۋاڭحى، حۋايحاي وڭىرلەرىندە زور كولەمدە كومباينمەن ورۋ جۇمىسى اياقتالۋ ساتىسىنا وتكەن. حىبي، شاندۇڭدا ءبيداي ورۋ اياقتالۋ ساتىسىنا وتكەن، شانشىيدىڭ اياق الىسى %90 كە، سانشيدىڭ اياق الىسى مولشەرمەن %80 كە جەتكەن.
جازعى استىق ءوندىرىسى − تۇتاس جىلداعى استىق ءوندىرىسىنىڭ ءبىرىنشى ماۋسىمى، جازعى استىق ءونىمى تۇتاس جىلداعى ءونىم مولشەرىنىڭ تورتتەن ءبىرىن ۇستايدى. بيىل − پارتيا 20 - قۇرىلتايىنىڭ رۋحىن جاپپاي دايەكتى تياناقتاندىرۋدىڭ باستاما جىلى، استىق حاۋىپسىزدىگىنىڭ نەگىزى جان - جاقتى بەكەمدەلىپ، تىڭ تابىستارعا قول جەتكىزىلىپ، استىق حاۋىپسىزدىگىندە پارتيا مەن ۇكىمەت بىردەي جاۋاپكەرلىك ارقالاۋدا تىڭ ىلگەرىلەۋشىلىككە قول جەتكىزىلىپ، جازعى استىقتان مول ءونىم الۋ جاپپاي تياناقتاندىرىلىپ، تۇتاس جىلدا استىقتان مول ءونىم الۋعا ءتيىمدى شارت - جاعداي جاراتىلىپ، حالىق شارۋاشىلىعىنىڭ ورنىقتى اينالىمىن قامتاماسىز ەتۋگە بەرىك نەگىز قالاندى.
جازعى استىقتى جيناۋ، جايۋ، قۇرعاتۋ جۇمىستارىن جەدەل ىستەۋ جازعى استىقتى ىسىراپسىز قامبالاۋعا كەپىلدىك ەتۋدىڭ نەگىزىنە اينالدى. بيىل 5 - ايدىڭ سوڭىندا بۇكىل ەل بويىنشا ءبيداي ارت - ارتىنان شوعىرلى جينالۋ مەزگىلىنە وتكەن كەزدە سولتۇستىكتەگى دۇمبە ءبيداي رايونىندا كەڭ كولەمدە ءۇرتىس جاڭبىر جاۋدى، نەگىزگى ءوندىرىس رايوندارى جۇدىرىقتاي جۇمىلىپ، اتىز سۋىن دەر كەزىندە ىعىستىرىپ، ماشينالاردى عىلمي ورنالاستىرۋ ارقىلى ءبيدايدى كەپتىرۋدى مىقتى يگەردى. قازىر بۇكىل ەل بويىنشا اۋىل شارۋاشىلىعىنا قوعامدانعان قىزمەت وتەۋ ۇيىمدارىنىڭ سانى 950 مىڭنان اسىپ، ۇساق شارۋا وتباسىلارىن تۇتاس تىزبەكتى، كوپ بۋىندى اۋىل شارۋاشىلىق وندىرىسىنە قىزمەت وتەۋمەن قامداپ، قىزمەت وتەۋ كولەمى ءبىر ميلليارد 700 ميلليون مۋ - رەتكە تايادى. مەجەگە قاراعاندا، بيىل ءبيداي ورۋ ناۋقانىنا قاتىناستىرىلعان كومباين 600 مىڭنان اسادى ەكەن.
ۇعىسۋعا قاراعاندا، بيىل جازدا جينالاتىن ءبيداي ەگىلگەن جەر اۋدانى 330 ميلليون مۋدان اسادى ەكەن، كوكتەمگى ەگىس كەزىندە ءبيداي مايساسىنىڭ ءوسۋى، توپىراقتىڭ دىمقىلدىعى تاياۋ جىلداردان بەرگى ءبىرشاما جاقسى بولعان ءبىر جىل بولىپتى. اۋىل شارۋاشىلىعى، اۋىل - قىستاق مينيسترلىگىنىڭ قاتىستى جاۋاپتىسى مىنانى ءبىلدىردى: جازعى استىقتى ىسىراپسىز قامبالاندىرۋعا كەپىلدىك ەتۋ نەگىزىندە، كەلەسى قادامدا سورتقا ءبولىپ، ەگىس كولەمىن ناقتىلاندىرىپ، بۋىندارعا ءبولىپ، ءونىمدى ارتتىرۋدىڭ كومەسكى كۇشىن اشىپ، اپاتتان ساقتانۋ، اپات زيانىن ازايتۋ مەحانيزمىن كەمەلدەندىرىپ، تۇتاس جىلدا استىقتان مول ءونىم الۋعا كۇش سالامىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
