شينجياڭ ۇيعۇر اۆتونوميالى رايوندىق 14 - كەزەكتى سپورت جارىسى 8 - ايدا كورلا قالاسىندا وتكىزىلەدى
2023.07.13 16:22 كەلۋ قاينارى : حالىق تورابى
شينجياڭ گازەتىنىڭ 7 – ايدىڭ 11 – كۇنى ۇرىمجىدەن بەرگەن حابارى. ءتىلشىنىڭ 7 - ايدىڭ 11 - كۇنى وتكىزىلگەن شينجياڭ ۇيعۇر اۆتونوميالى رايوندىق 14 - كەزەكتى سپورت جارىسى اقپار جاريالاۋ ماجىلىسىنەن ۇعىسۋىنشا: شينجياڭ ۇيعۇر اۆتونوميالى رايوندىق 14 - كەزەكتى سپورت جارىسى 8 - ايدىڭ 8 - كۇنىنەن 15 - كۇنىنە دەيىن كورلا قالاسىندا وتكىزىلەدى. كەزەكتى سپورت جارىسىنىڭ نەگىزگى تاقىرىبى: ”تيانشان سۇيىسپەنشىلىگى، بايىنعولين وبلىسىنداعى جاراسىمدى جارىس“، وندا جالپى جەڭىل اتلەتيكا، مالتاۋ، فۋتبول، باسكەتبول، دزيۋ - دو كۇرەسى، بوكس، تاەكۆوندو، سايىسكەرلىك سياقتى 20 ۇلكەن ءتۇر، 687 كىشى تۇردەگى باسەكەلىك دەنە تاربيە جارىسى ورنالاستىرىلدى. قازىرگە دەيىن الدىن الا تىزىمدەلگەن ادام سانى 8000عا جەتتى.
شينجياڭ ۇيعۇر اۆتونوميالى رايوندىق سپورت جارىسى شينجياڭداعى ەڭ جوعارى دەڭگەيدەگى، ەڭ ۇلكەن كولەمدەگى، ءبىرشاما زور ىقپال كۇشكە يە ۋنيۆەرسالدى سپورت جارىسى، ءار 4 جىلدا ءبىر كەزەك وتكىزىلەدى، قازىرگە دەيىن 13 كەزەك ءساتتى وتكىزىلدى. بۇل كەزەكتى سپورت جارىسىن شينجياڭ ۇيعۇر اۆتونوميالى رايوندىق حالىق ۇكىمەتى باس بولىپ وتكىزەدى، شينجياڭ ۇيعۇر اۆتونوميالى رايوندىق دەنە تاربيە مەكەمەسى، بايىنعولين موڭعۇل اۆتونوميالى وبلىسى مىندەتىنە الىپ وتكىزەدى، گرۋپپا ءتۇرى ورنالاستىرۋى ەڭ كەمەلدى، ءتۇر ورنالاستىرۋ اياسى ەڭ كەڭ، قاتىناسقان ادام سانى ەڭ كوپ بولعان ءبىر كەزەكتى اۆتونوميالى رايوندىق دەنە تاربيە جارىسى بولماق.
باسەكەلىك دەنە تاربيە جارىسىن ورىستەتۋمەن بىرگە، بۇل كەزەكتى سپورت جارىسىندا تاعى تۇڭعىش رەت بۇقارالىق دەنە تاربيە جارىس قيمىلدارى دا ورنالاستىرىلدى. قيمىل ”14 - كەزەكتى دەنە تاربيە جارىسىن قۋانىشپەن قارسى الىپ، كوپشىلىك جاپپاي ات سالىسۋدى“ نەگىزگى تاقىرىپ ەتىپ، جالپى بۇقارانىڭ قاتىناسۋ سالىستىرماسى جوعارى، كولەمدىلىك سيپاتى كۇشتى، نەگىزدىك سيپاتى جاقسى بولعان 38 ۇلكەن ءتۇر، 195 شاعىن ءتۇر بويىنشا ءداستۇرلى جارىس قيمىلدارى جانە بۇقارالىق جارىس تۇرلەرى ورنالاستىرىلدى، جارىس ورنى تۇتاس شينجياڭداعى 14 ايماق، وبلىس، قالانى قامتيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
