«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
پارتيا مەن مەملەكەت قۇرىلىمدارى رەفورماسىن تەرەڭدەتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتەيىك
2023.07.17 15:32 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 15 - كۇنى، بەيجيڭ. 7 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 14 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيا مەن مەملەكەت قۇرىلىمدارى رەفورماسىن تەرەڭدەتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتەيىك» اتتى ماڭىزدى ماقالاسى جاريالانادى.
ماقالادا مىنالار دارىپتەلدى: پارتيا مەن مەملەكەت قۇرىلىمدارى رەفورماسىن تەرەڭدەتۋ − پارتيا 20 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى شوعىرلى ورنالاستىرۋ. پارتيا مەن مەملەكەت قۇرىلىمدارى رەفورماسىن ۇزدىكسىز ىلگەرىلەتۋدەگى ماقسات − پارتيانىڭ سوتسياليستىك وسىزامانداندىرۋ قۇرىلىسىنا باسشىلىعىنىڭ قۇرىلىمدىق ورنالاستىرۋ جاعىندا اناعۇرلىم عىلميلانۋىن، فۋنكتسيالىق جايعاستىرۋ جاعىندا اناعۇرلىم ساپالىلانۋىن، ءتۇزىلىس، مەحانيزم جاعىندا اناعۇرلىم كەمەلدەنۋىن، اينالىم - باسقارۋ جاعىندا اناعۇرلىم جوعارى ءونىمدى بولۋىن ىلگەرىلەتۋ. پارتيا مەن مەملەكەت قۇرىلىمدارى رەفورماسى − كۇردەلى، جۇيەلى ينجەنەريا، وپ - وڭاي ورىنداي سالۋعا، ءبىر - اق جولدا بىتىرۋگە بولمايدى، جاڭا بورىش، مىندەت، جاڭا ستراتەگيالىق ورنالاستىرۋ، جاڭا قىزمەت قاجەتىنە ساي، پارتيا مەن مەملەكەت قۇرىلىمدارىنىڭ فۋنكتسيالىق جۇيەسىن ۇزدىكسىز رەتتەپ، ساپالىلاندىرىپ، ونىڭ پارتيا مەن مەملەكەت ىستەرىنىڭ دامۋ قاجەتىنە اناعۇرلىم ويداعىداي ۇيلەسۋىنە مۇمكىندىك جاساۋ قاجەت.
ماقالادا مىنالار اتاپ كورسەتىلدى: پارتيا 18 - قۇرىلتايىنان بەرى پارتيا مەن مەملەكەت قۇرىلىمدارى رەفورماسىن تەرەڭدەتۋدەگى ماڭىزدى ماقساتىمىزدىڭ ءبىرى − پارتيانىڭ جالپى بەتتىك باسشىلىعىندا تاباندى بولىپ جانە ونى كۇشەيتىپ، قۇرىلىمنىڭ قىزمەت جاۋاپكەرلىگى جاعىنان پارتيانىڭ جالپى بەتتىك باسشىلىعىن كۇشەيتۋدى ءار سالادا ، ءار جاقتا، ءار بۋىندا تياناقتاندىرۋ. وسى رەتكى قۇرىلىم رەفورماسىندا پارتيا ورتالىق كوميتەتىنىڭ شەشىم جاسايتىن، كەڭەسەتىن، سايكەستىرەتىن جاڭا قۇرىلىمدارىن قۇرۋ، پارتيا ورتالىق كوميتەتىنىڭ جاڭا فۋنكتسيالىق تاراۋلارى مەن ءىس ءبىتىرۋ قۇرىلىمدارىن ۇيىمداستىرىپ قۇرۋ، ماڭىزدى سالالاردا پارتيا ورتالىق كوميتەتىنىڭ وكىلەتتى جاڭا ورگاندارىن قۇرۋ ابزالدىقتى ساۋلەلەندىرىپ، ولقىلىقتاردى تولىقتاپ، ءالسىز تۇستاردى كۇشەيتىپ، پارتيا ورتالىق كوميتەتىنىڭ كەلەلى قىزمەتتەرگە ورتالىقتانعان ءبىر تۇتاس باسشىلىعىن كۇشەيتۋ ءۇشىن بولىپ تابىلادى. سونىمەن بىرگە، فينانس باسقارۋ ءتۇزىلىسى، عىلىم - تەحنيكا باسقارۋ ءتۇزىلىسى، قوعامدىق باسقارۋ ءتۇزىلىسى سياقتى جاقتاردا قۇرىلىمداردىڭ ورنالاسۋى مەن قىزمەت جاۋاپكەرلىگىن سەپتەۋ ءبىرشاما ۇيلەسىمدى جوبالاندى جانە ورنالاستىرىلدى. بۇل رەتتەۋلەر − ءبىز ءدوپ كەلىپ وتىرعان تەرەڭ قاتپارلى قايشىلىقتار مەن ماسەلەلەرگە تالداۋ جاساۋ نەگىزىندە العا قويىلعان شەشۋ جوباسى. جەر - جەر، تاراۋلار سانالى تۇردە كەلەلى جاعداي نەگىزىندە وي جۇگىرتىپ، كەلەلى جاعداي نەگىزىندە ارەكەت جاساپ، قۇرىلىم رەفورماسى جوباسىنىڭ قاز - قالپىندا، وزگەرتىلمەي، تۇرلەندىرىلمەي دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋى، اسىرەسە، قۇرىلىم رەفورماسى جوباسىنا قاتاڭ نەگىزدەلىپ، تاراۋلاردىڭ ”ءۇشتى تۇراقتاندىرۋ“ بەلگىلەمەسىن جاساۋى جانە اتقارۋى كەرەك.
ماقالادا مىنالار اتاپ كورسەتىلدى: قۇرىلىم رەفورماسىن ۇيىمداستىرىپ اتقارۋ قىزمەتىن جاقسى ىستەۋ توتەنشە ماڭىزدى. پارتيانىڭ قۇرىلىم رەفورماسىنا جاپپاي باسشىلىعىندا تاباندى بولۋ، ورناتپاي تۇرىپ كۇشىنەن قالدىرماۋ، الدىمەن ورناتىپ، ونان سوڭ كۇشىنەن قالدىرۋدا تاباندى بولۋ، قۇرىلىم فۋنكتسيالارىنىڭ ساپالىلانۋىن، سايكەسۋىن، جوعارى ءونىمدى بولۋىن ىلگەرىلەتۋدە تاباندى بولۋ، ورتالىق پەن جەرگىلىكتى ورىن ءبىر تۇتاس جۇيە بولۋدا تاباندى بولۋ، رەفورما مەن زاڭ بويىنشا باسقارۋدىڭ بىرلىگىندە تاباندى بولۋ، يدەيالىق - ساياسي قىزمەتتى رەفورمانىڭ جالپى بارىسىمەن ساباقتاستىرۋدا تاباندى بولۋ سياقتى باعالى تاجىريبەلەردەن ۇزدىكسىز ويداعىداي پايدالانىپ، قۇرىلىم رەفورماسىن ۇيىمداستىرىپ اتقارۋ قىزمەتىن ۇيىمدى، ساتىلى، ءتارتىپتى ىلگەرىلەتۋ كەرەك. ءبىرىنشى، بىرلىككە كەلتىرۋ تەبىنىن ارتتىرۋ كەرەك. ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا، ورتالىقتىڭ رەفورمانى جاپپاي تەرەڭدەتۋ كوميتەتى باستاماشىلدىقپەن جالپى جاقتان يگەرىپ، ءبىر تۇتاس جوسپارلاپ سايكەستىرۋدى كۇشەيتىپ، سايكەستىرۋ مەحانيزمىن ورناتادى. ەكىنشى، ورنىقتى بولۋ نەگىزگى اۋەنىندە تاباندى بولۋ كەرەك. بۇل رەتكى قۇرىلىم رەفورماسىنا ساياتىن تاراۋلار ءبىرشاما كوپ، شارپيتىن ماسەلەلەر ءبىرشاما تەرەڭ، جوبا - جوسپار جاساپ، سوڭىنان قيمىلداۋ كەرەك. ورتالىق پەن جەرگىلىكتى ورىنداردىڭ قۇرىلىم رەفورماسىندا قىزمەت ورنالاستىرۋ مەن ۇيىمداستىرىپ اتقارۋ جاعىندا ورگانيكالى ۇشتاستىرىپ، ءتارتىپتى ىلگەرىلەتۋ كەرەك. ءۇشىنشى، ادامعا قاتىستى قىزمەتتى ويداعىداي ىستەۋ كەرەك. قالىڭ پارتيا مۇشەلەرىن، كادرلاردى ساياسيدى دارىپتەپ، كەلەلى جاعدايمەن ساناسىپ، قاعيداعا بويسۇنىپ، مۇددە جاعدايىن رەتتەۋگە جانە جەكە باسىنىڭ كىرۋىنە، شەگىنۋىنە، ورنىندا قالۋىنا، اۋىسۋىنا دۇرىس مامىلە جاساپ، رەفورمانى بەلسەنە قولداۋعا، ۇيىمنىڭ ورنالاستىرۋىنا سانالى بويسۇنۋعا جەتەكتەۋ كەرەك. ءتورتىنشى، ءتارتىپتى قاتاڭ اتقارۋ كەرەك. قۇرىلىم وزگەرىسىنە، قىزمەت جاۋاپكەرلىگىن رەتتەۋگە ساياتىن تاراۋلار كەلەلى جاعدايعا سانالى بويسۇنىپ، قۇرىلىم، قىزمەت جاۋاپكەرلىگى، قىزمەتكەر سياقتىلاردىڭ تالاپ بويىنشا دەر كەزىندە رەتتەلىپ ورىندالۋىنا شىنايى كەپىلدىك ەتۋ كەرەك. بەسىنشى، زاڭدى نەگىز ەتۋ كەرەك. زاڭمەن باسقارۋ ارناسىندا قۇرىلىم رەفورماسىن ىلگەرىلەتۋدە تاباندى بولىپ، زاڭ شىعارۋ قۇرىلىمدارى قاتىستى زاڭ شىعارۋ، وزگەرىس ەنگىزۋ، كۇشىنەن قالدىرۋ، ءتۇسىندىرۋ قىزمەتتەرىن ءبىر تۇتاس ويداعىداي ىستەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
