الدىڭعى جارتى جىلدا باتەريانىڭ ءونىم مولشەرى سايكەس مەزگىلدەگىدەن %36.8 ارتتى (جاڭا ساندى مالىمەت، جاڭا ءتۇيىن)
2023.07.17 15:32 كەلۋ قاينارى : حالىق تورابى
«حالىق گازەتى»، 7 - ايدىڭ 16 – كۇنى، بەيجيڭ (ءتىلشى ۋاڭ جىڭ). ءتىلشىنىڭ جۇڭگو اۆتوموبيل قوزعاۋشى كۇش باتەرياسى كاسىبىندە جاڭالىق جاراتۋ بىرلەستىگىنەن ۇعىسۋىنا قاراعاندا، بيىل الدىڭعى جارتى جىلدا ەلىمىزدىڭ قوزعاۋشى كۇش باتەرياسىنىڭ جالپى ءونىم مولشەرى 293.6 گەگاۆات - ساعاتقا جەتىپ، سايكەس مەزگىلدەگىدەن %36.8 ارتقان؛ اۆتوموبيلگە ورناتىلۋ مولشەرى جيىنى 152.1 گەگاۆات – ساعات بولىپ، سايكەس مەزگىلدەگىدەن %38.1 ارتقان؛ جالپى ەكسپورت مولشەرى 56.7 گەگاۆات - ساعاتقا جەتكەن.
كاسىپ سالاسىنىڭ باسەكەلىك قۋاتى ۇزدىكسىز جوعارىلادى. بيىل الدىڭعى 5 ايدا جۇك تيەۋ مولشەرى الدىڭعى 10 ورىنداعى كاسىپورىنداردىڭ ىشىندە جۇڭگو باتەريا كاسىپورىندارى 6 ورىندى يەلەدى.
قوزعاۋشى كۇش باتەرياسى تەحنيكاسى ۇزدىكسىز جاڭالاندى. ەلىمىز كاسىپورىندارى جەتەكشىلىك ەتكەن فوسفور قىشقىل تەمىر - ليتي باتەرياسىنىڭ وزىندىك قۇن جانە حاۋىپسىزدىك قۋاتى جاعىنداعى ابزالدىعى كۇن سايىن كورنەكتىلەندى. بيىل الدىڭعى جارتى جىلدا فوسفور قىشقىل تەمىر - ليتي باتەرياسىنىڭ جالپى ءونىم مولشەرى 193.5 گەگاۆات – ساعاتقا جەتىپ، جالپى ءونىم مولشەرىنىڭ %65.9 ىن ۇستادى.
كاسىپ سالاسىنىڭ ەكولوگياسى بىرتىندەپ كەمەلدەندى. ەلىمىز دۇنيە ءجۇزى بويىنشا كاسىپ تىزبەگى ەڭ كەمەلدى، كولەمى ەڭ ۇلكەن باتەريا كاسىبى جۇيەسىن قۇرىپ، قوزعاۋشى كۇش باتەرياسىن جيناپ الىپ پايدالانۋ، ساتىلى پايدالانۋ، ماتەريالدى قايتا تۋىنداتۋ سياقتى كاسىپ تىزبەگىن ۇزدىكسىز ۇزارتىپ، قازىرگە دەيىن 10 مىڭ 165 قوزعاۋشى كۇش باتەرياسىن جيناپ الۋعا قىزمەت وتەۋ توراپ ءتۇيىنىن قۇرىپ، جاقىن ماڭدا جيناپ الۋدى نەگىزىنەن جۇزەگە اسىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
