10 جىل جاڭالانباعان دۇنيە جۇزىلىك رەكوردى مىنا جاس تۇلەك جاڭالادى
2023.07.17 15:35 كەلۋ قاينارى : حالىق تورابى
جۋىردا جىجياڭ ولكەسى يۇيياۋ قالاسىنداعى جاس تۇلەك جوۋ چي گەننيس دۇنيە جۇزىلىك رەكوردى كۋالىگىن تاپسىرىپ الىپ، ”ءبىر مينۋتتا جىپتەن سەكىرۋ سانى ەڭ كوپ“ ادام دەگەن اتقا يە بولدى. ول 60 سەكۋند ىشىندە جىپتەن تاق سەكىرۋدى 374 رەت ورىنداي الادى، ارەكەتىنىڭ تەزدىگىنەن ءجىپتىڭ ءوزى كورىنبەي قالادى.
ول جىپتەن سەكىرۋگە 7 جىل بويى جاتتىقتى. ءار مينۋتتا جىپتەن سەكىرۋ سانى بۇرىنعى رەكوردتان 26 رەت اسىپ ءتۇستى، جوۋ چي ىلگەرىندى - كەيىندى ەكى رەت گەننيس دۇنيە جۇزىلىك رەكوردىنا سايىس جاريالادى، ءبىرىنشى رەتتە ول پايدالانعان ءجىپ تولىمسىز بولعاندىقتان، ناتيجەسى كۇشكە يە بولمادى.
وسىدان سوڭ، كەڭەسۋ ارقىلى جوۋ چي تەز ارادا ەكىنشى رەت سىناپ كوردى، باسەكە بارىسىندا ونىڭ قوس اياعىنا موتور ورناتىپ قويعانداي - اق، قولىنداعى ءجىپ كوز ىلەستىرمەي، ءبىر مينۋتتا جىپتەن تاق سەكىرۋدى 374 رەت ورىنداۋ سىندى ناتيجەگە قول جەتكىزىپ، وسىنىڭ الدىندا جاپونيالىق سپورتشى 10 جىل بويى ساقتاپ كەلگەن دۇنيە جۇزىلىك رەكوردتى جاڭالاپ، بۇرىنعى رەكوردتان 26 رەت اسىپ ءتۇستى، گەننيس دۇنيە جۇزىلىك رەكوردى كۋالىگىن العان ساتتە، جوۋ چي قاتتى قۋانىپ: ”جىپتەن سەكىرۋ سپورتى مەنىڭ ۇزدىكسىز ناتيجە جاراتۋىما جەبەۋ بولدى، كەرەمەت سەزىمگە بولەندىم“، — دەدى.
جوۋ چيدىڭ جىپتەن سەكىرۋگە جۇيەلى تۇردە جاتتىققانىنا 7 جىل بولعان، بالالار باقشاسىنداعى كەزىندە ول اپەكەسىنىڭ جىپتەن مانەرلەپ سەكىرۋگە جاتتىعىپ جاتقانىن كورىپ، بۇل سپورت تۇرىنە قۇمارتادى. وقۋعا تۇسكەن سوڭ، ول دا اپەكەسى سياقتى مەكتەپتىڭ جىپتەن سەكىرۋ كومانداسىنا قاتىناسادى ءارى 3 - جىلدىقتان باستاپ جۇيەلى جاتتىعۋ جاساپ، جىپتەن مانەرلەپ سەكىرۋ، جىپتەن تاق سەكىرۋدى 30 سەكۋند جالعاستىرۋ، جىپتەن تاق سەكىرۋدى ءبىر مينۋت جالعاستىرۋ قاتارلى تۇرلەر ارقىلى ءوز ناتيجەسىن ۇزدىكسىز جاڭالاپ وتىردى.
جاتتىعۋ ۋاقىتى كۇن ساناپ ۇزارعان سايىن، جوۋ چيدىڭ ونەرى دە بارعان سايىن جەتىلە تۇسەدى، ول ۇنەمى مەكتەپتىڭ اتىنان جارىستارعا قاتىناسادى، 2022 - جىلى جىجياڭ ولكەلىك ورتا، باستاۋىش مەكتەپ وقۋشىلارىنىڭ 3 - رەتكى جىپتەن سەكىرۋ جۇلدەلى جارىسىندا جىپتەن تاق سەكىرۋدى 30 سەكۋندتا 210 رەت ورىنداپ، 3 مينۋتتا جىپتەن تاق سەكىرۋ سانىن مىڭنان اسىرىپ، ەكى رەت اعا جۇلدەگەر بولعان.
دۇنيە جۇزىلىك رەكوردقا سايىس جاريالاۋى ءساتتى بولسا دا، جوۋ چي ءوزىنىڭ قادامىن وسىمەن توقتاتىپ قويماقشى ەمەس، ول: جاڭا ناتيجەلەردى جاراتۋ جولىنىڭ شەگى بولمايدى“، — دەيدى.
جاس تۇلەك، ۇزدىكسىز قۇلشىنا بەر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
