جازدىق دەمالىستا ساپارعا شىققاندا كوڭىل ءبولىڭىز! 7 - ايدىڭ 20 - كۇنىنەن باستاپ، بالا جولاۋشىلار پويەزگە وتىرعاندا كۇشكە يە ازاماتتىق كۋالىگىن الىپ ءجۇرۋى كەرەك
2023.07.20 16:35 كەلۋ قاينارى : حالىق تورابى
قازىر ءدال جازدىق دەمالىس مەزگىلىندەگى تاسىمالدىڭ قاۋىرت كەزەڭى، بالا ەرتىپ ساپارعا شىققان اتا - انالارعا ەسكەرتەرىمىز، 7 - ايدىڭ 20 - كۇنىنەن باستاپ، بالالار ءوزىنىڭ كۇشكە يە ازاماتتىق كۋالىگىن كورسەتكەندە عانا پويەزگە وتىرا الادى.
بيىل 1 - ايدىڭ 1 - كۇنى جاريالانعان جاڭا نۇسقاداعى «تەمىر جولدا جولاۋشى تاسىمالداۋ ەرەجەسىنە» نەگىزدەلگەندە، پويەزگە وتىرعاندا ەرەسەكتەرگە ەرىپ جۇرگەن بالالار 6 جاسقا تولعان 14 جاسقا تولماعان بولسا، بالالارعا ءتيىمدى باعاداعى بەلەتتى ساتىپ الۋى كەرەك، بالالارعا ءتيىمدى باعاداعى بەلەتتى بالانىڭ ءوزىنىڭ ينفورماتسياسى بويىنشا ساتىپ الۋ قاجەت. 7 - ايدىڭ 20 - كۇنىنەن باستاپ، بالالارعا ءتيىمدى باعاداعى بەلەتتى العان بالالار جولاۋشى تاسىمالى بەكەتىنە كىرگەن كەزدە، ءوزىنىڭ ازاماتتىق كۋالىگىن كورسەتۋى، شىن اتى - ءجونى بويىنشا سالىستىرۋدان، بەلەتتى تەكسەرۋدەن وتكەن سوڭ بەكەتكە كىرۋى كەرەك.
جۇڭگو تەمىر جول سەرىكتەستىگى ناننيڭ مەكەمەسى گۇيلين سولتۇستىك بەكەتىنىڭ كەزەكشى باستىعى ليۋ ۋەيلين: ەگەر بالانىڭ كۇشكە يە كۋالىگىن ۇمىتىپ كەتسە نەمەسە كۇشكە يە كۋالىگىن جوعالتىپ العان بولسا، بەكەتتەگى قوعام حاۋىپسىزدىگى مەكەمەسىنىڭ كۋالىك جاساۋ تەرەزەسىنە بارىپ، پويەزگە وتىرۋعا پايدالاناتىن ۋاقىتتىق ازاماتتىق ىسپاتقا ءوتىنىش بەرۋگە بولادى. ەرەكشە ەسكەرتۋگە ءتيىستى ءىس — ازامات جاسىنا تولماعان بالالار ازاماتتىق كۋالىكتى الۋعا ءالى ءوتىنىش ەتپەگەن بولسا، پويەز بەكەتىندە ۋاقىتتىق ازاماتتىق ىسپاتتى بىتىرە المايدى، — دەدى.
تەمىر جول تاراۋلارى مىنانى ەسكەرتەدى: بەلەت العان ءاربىر ەرەسەك ادامنىڭ 6 جاسقا تولماعان ءبىر بالانى پويەزگە بەلەتسىز ەرتىپ شىعۋىنا بولادى. بالانى پويەزگە بەلەتسىز ەرتىپ شىعۋ ءۇشىن 12306 قولفون دەتالى نەمەسە اۆتوماتتى بەلەت ساتۋ ماشيناسى، قىزمەتكەرلى بەلەت ساتۋ تەرەزەسى ارقىلى بالانى پويەزگە بەلەتسىز ەرتىپ شىعۋ جونىندە ءوتىنىش تاپسىرۋ كەرەك، ءوتىنىش بەرگەن كەزدە پايدالانعان بالانىڭ كۇشكە يە ازاماتتىق كۋالىگى بالانىڭ پويەزگە وتىراتىن ىسپاتى سانالادى.
جۇڭگو تەمىر جول سەرىكتەستىگى چىڭدۋ مەكەمەسى چۇڭچيڭ جولاۋشى تاسىمالى جول بولىگىندەگى پويەز باستىعى لي چيان: پويەزگە تەگىن وتىرعان بالادا ورىندىق بولمايدى، ەگەر جەكە ءبىر ورىندىققا وتىرامىن دەسە، بالالارعا ءتيىمدى پويەز بەلەتىن ساتىپ الۋى كەرەك. پويەزبەن مەكتەپكە باراتىن وقۋشىلار مەن تاسىمالداۋشىلار جول بويى قامقورشى بولۋعا ماقۇل بولعان بالالاردان سىرت، 14 جاسقا تولماعان بالالاردىڭ جەكە ساپارلاۋ ءوتىنىشى قابىلدانبايدى، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
