وقۋ - اعارتۋ مينيسترلىگىنىڭ مەكتەپ سىرتىنداعى كۋرس قۇرىلىمدارىن باقىلاۋ - باسقارۋ مەڭگەرمەس، قوعام حاۋىپسىزدىگى مينيسترلىگىنىڭ قىلمىستىق ىستەردى بارلاۋ - تەكسەرۋ مەكەمەسى مەكتەپ سىرتىنداعى كۋرس قۇرىلىمدارىنىڭ اقى قايتارۋى دەگەن اتتى جامىلىپ تەلەكوم مەن ينتەرنەت ارقىلى جۇرگىزىلەتىن الدامكوستىكتەن ساقتانۋ جونىندە ەسكەرتۋ جاسادى
2023.07.20 16:38 كەلۋ قاينارى : حالىق تورابى
جازدىق دەمالىس مەزگىلىندە، كەيبىر زاڭسىز ەلەمەنتتەر ۇكىمەت تاراۋلارىنىڭ قۇجاتتارىن جالعاننان جاساۋ ارقىلى اتا - انالاردى QQ ءنومىرىن قوسۋعا جانە QQ توبىنا قوسىلۋعا شىرعالاپ، مەكتەپ سىرتىنداعى كۋرس قۇرىلىمدارىنىڭ اقى قايتارۋى دەگەن اتتى جامىلىپ، تەلەكوم مەن ينتەرنەت ارقىلى الدامكوستىك جۇرگىزىپ، ناشار ىقپال جانە اۋىر زالال تۋدىردى.
وقۋ - اعارتۋدى اكىمشىلىك جاقتان باسقارۋ تاراۋلارى مەن قوعام حاۋىپسىزدىگى تاراۋلارى كوپ رەت ەسكەرتۋ جاريالادى: بارشا اتا - انالار مەن وقۋشىلار قىراعىلىقتى ارتتىرىپ، تۇتىنۋ جاعىنداعى ۇقىق - مۇددەنى قورعاۋ تانىمىن جوعارىلاتۋى كەرەك. كۋرس اقىسىن تاپسىرعان كەزدە، 3 ايدان نەمەسە ساباق ساعاتى 60 ساعاتتان اساتىن قاراجاتتى تاپسىرماۋى كەرەك؛ ءپان تۇرىندەگى كۋرستارعا اقى تاپسىرعاندا، ۇكىمەت جەتەكشىلىك ەتكەن شەكتەۋلى سوماداعى ولشەمنەن ارتىق اقى تاپسىرماۋى قاجەت، ءپان تۇرىنە جاتپايتىن كۋرستەرگە قاتىناسقاندا، ءبىر رەتتە تاپسىرعان اقى 5000 يۋاندىق شەكتەۋلى سومادان اسىپ كەتپەۋى كەرەك. سونىمەن بىرگە، اقى تاپسىرۋ حاۋىپسىزدىگىنە كوڭىل ءبولۋ قاجەت، ۇكىمەتتىك ارنالارداعى ”مەكتەپ سىرتىنداعى كۋرستاردىڭ اتا - انالارعا ارنالعان ارناسى“ اتتى APP دەتالى ارقىلى ساباق تاڭداۋىڭىزعا، ساباقتى ساتىپ الۋىڭىزعا، ساباقتى كۇشىنەن قالدىرۋىڭىزعا، شاعىمدانۋىڭىزعا، وسى ارقىلى ءوزىڭىزدىڭ زاڭدى ۇقىق - مۇددەڭىزدى اناعۇرلىم ويداعىداي قورعاۋىڭىزعا بولادى.
اقىنى قايتارىپ بەرۋدىڭ ولشەمدى ءتارتىبى بويىنشا ادەتتە اقى اسىلگى جولمەن قايتارۋ فورماسى ارقىلى اقى تاپسىرۋشىنىڭ اقى تاپسىرعان ەسەپ نومىرىنە قايتارىلادى، اقى قايتارعان كەزدە قوسىمشا تاۋار ساتىپ الۋ نەمەسە اقى تولەۋ سىندى شارت قويعانداردىڭ بارلىعى الدامكوستەر سانالادى! ەگەر كۇماندى جاعداي تۋىلسا، دەر كەزىندە 110 نومىرىنە نەمەسە كۋرس قۇرىلىمدارىن باسقاراتىن تاراۋلارعا تەلەفون جالعاپ راستاۋىڭىزعا، كومەك سۇراۋىڭىزعا بولادى.
الدامكوستىككە قارسى تۇرۋ ارەكەتى بارىسىندا بارلىعىمىز تىزە قوسا ارەكەتتەنۋىمىز قاجەت. بارشا حالىق بۇقاراسىنىڭ قاتىستى دەرەكتەردى اشكەرەلەۋىن، مەكتەپ سىرتىنداعى كۋرسكە ساياتىن حاۋىپسىز تۇتىنۋ ورتاسىن بىرگە جاراتۋىن قارسى الامىز.
وقۋ - اعارتۋ مينيسترلىگىنىڭ مەكتەپ سىرتىنداعى كۋرس قۇرىلىمدارىن باقىلاۋ - باسقارۋ مەڭگەرمەسى
قوعام حاۋىپسىزدىگى مينيسترلىگىنىڭ قىلمىستىق ىستەردى بارلاۋ - تەكسەرۋ مەكەمەسى
2023 - جىل 7 - ايدىڭ 20 - كۇنى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
