شي جينپيڭ جۇڭگو مەن كامبودجانىڭ ديپلوماتيالىق قارىم - قاتىناس ورناتقانىنىڭ 65 جىلدىعى بايلانىسىمەن كامبودجانىڭ پاتشاسى سيحامونيمەن ءوزارا قۇتتىقتاۋ تەلەگرامماسىن جولدادى
لي چياڭ مەن كامبودجانىڭ باس ءۋازىرى حۇڭسىنمەن ءوزارا قۇتتىقتاۋ تەلەگرامماسىن جولدادى
2023.07.20 16:39 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 19 - كۇنى، بەيجيڭ. 7 - ايدىڭ 19 - كۇنى مەملەكەت ءتوراعاسى شي جينپيڭ جۇڭگو مەن كامبودجانىڭ ديپلوماتيالىق قارىم - قاتىناس ورناتقانىنىڭ 65 جىلدىعى بايلانىسىمەن كامبودجانىڭ پاتشاسى سيحامونيمەن ءوزارا قۇتتىقتاۋ تەلەگرامماسىن جولدادى.
شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 65 جىلدان بەرى جۇڭگو - كامبودجا قارىم - قاتىناسى حالىقارالىق اۋمالى - توكپەلى وزگەرىستەردىڭ سىنىنان ءوتىپ، ۋاقىت وتكەن سايىن بەكەمدەلە ءتۇستى. بيىل جىل باسىندا ءبىز بەيجيڭدە ىقىلاسپەن كەزدەسىپ ءارى كوپ رەت ءوزارا حات جولداپ، جۇڭگو مەن كامبودجانىڭ تاعدىرلاس ورتاق تۇلعاسى قۇرىلىسىنىڭ ساپالى، جوعارى دەڭگەيلى، جوعارى ولشەمدى جاڭا داۋىرگە وتۋىنە بىرگە جەتەكشىلىك ەتتىك. جۇڭگو مەن كامبودجانىڭ ”الماستىڭ التى قىرى“ سەلبەستىك جۇلگەسى ۇزدىكسىز تەرەڭدەپ، ناقتىلانىپ، ”ونەركاسىپتى دامىتۋ ءدالىزى“ جانە ”بالىق، كۇرىش ءدالىزى“ قۇرىلىسىندا بەلسەندى ىلگەرىلەۋشىلىككە قول جەتتى، جۇڭگو مەن كامبودجانىڭ ديپلوماتيالىق قارىم - قاتىناس ورناتقانىنىڭ 65 جىلدىعى جانە جۇڭگو - كامبودجا دوستىق جىلىنىڭ جەلىلەس قۇتتىقتاۋ قيمىلدارى دابىرالى وتكىزىلدى. مەن جۇڭگو - كامبودجا قارىم - قاتىناسىنىڭ دامۋىنا ايرىقشا ءمان بەرەمىن، سيحاموني پاتشامەن بىرگە قۇلشىنىپ، جۇڭگو - كامبودجا دوستىعىنىڭ اناعۇرلىم مول جەمىس بەرۋىن ىلگەرىلەتىپ، ەكى ەل حالىقتارىنا ناقتى پايدا جەتكىزۋدى قالايمىن.
سيحاموني مىنانى ءبىلدىردى: كامبودجا مەن جۇڭگونىڭ ءداستۇرلى دوستىعى ارىدان باستاۋ الادى. ەكى ەل وسكەلەڭ ءوزارا سەنىمدىلىك، ءوزارا پايدا جەتكىزىپ، تەڭ يگىلىككە كەنەلۋ نەگىزىندە، جان - جاقتى ستراتەگيالىق سەلبەستىك سەرىكتەستىك قارىم - قاتىناس ورناتىپ، تاعدىرلاس ورتاق تۇلعانى قول ۇستاسا بىرگە قۇرىپ، ”قۇرىشتاي بەرىك“ دوستىق ورناتتى. جاڭا جاعدايدا كامبودجا مەن جۇڭگونىڭ دوستىق قارىم - قاتىناسى مەن ءوزارا ءتيىمدى سەلبەستىگىنىڭ، ءسوز جوق، ۇزدىكسىز بەكەمدەلەتىنىنە، ەكى ەلدىڭ ”قۇرىشتاي بەرىك“ دوستىعىنىڭ، ءسوز جوق، ۇرپاقتان - ۇرپاققا جالعاساتىنىنا كامىل سەنەمىن. كامبودجا جاق جۇڭگو جاقپەن قول ۇستاسا وتىرىپ ءار سالاداعى سەلبەستىكتى تەرەڭدەتىپ، ەكى ەل مەن ەكى ەل حالىقتارىنا باقىت جاراتىپ، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىن، ورنىقتىلىعىن جانە گۇلدەنۋىن جەبەۋدى قالايدى.
سول كۇنى مەملەكەتتىك كەڭەستىڭ زۇڭليى لي چياڭ كامبودجانىڭ باس ءۋازىرى حۇڭسىنمەن ءوزارا قۇتتىقتاۋ تەلەگرامماسىن جولدادى. لي چياڭ مىنانى ءبىلدىردى: بيىل − جۇڭگو مەن كامبودجانىڭ ديپلوماتيالىق قارىم - قاتىناس ورناتقانىنىڭ 65 جىلدىعى جانە جۇڭگو مەن كامبودجانىڭ دوستىق جىلى، جۇڭگو - كامبودجا قارىم - قاتىناسى جاڭا باستامادا تۇر. مەن باس ءۋازىر حۇڭسىنمەن بىرگە ەكى ەلدىڭ ءارقايسى تاراۋىنىڭ، جەرگىلىكتى جەرلەرىنىڭ تىزە قوسا سەلبەسۋىنە جەتەكشىلىك ەتىپ، جۇڭگو مەن كامبودجانىڭ جان - جاقتى ستراتەگيالىق سەلبەستىگىنىڭ اناعۇرلىم كوپ ناقتى جەتىستىكتەرگە قول جەتكىزۋىن ىلگەرىلەتۋدى قالايمىن.
حۇڭسىن مىنانى ءبىلدىردى: كامبودجا جاق ءبىر جۇڭگو ساياساتىن باتىل اتقارادى، جۇڭگو جاق العا قويعان ”ءبىر بەلدەۋ، ءبىر جول“ باستاماسى، دۇنيە جۇزىلىك دامۋ باستاماسى، دۇنيە جۇزىلىك حاۋىپسىزدىك باستاماسى سياقتى كەلەلى باستامالاردى قولدايدى، جۇڭگو جاقپەن كامبودجا - جۇڭگو تاعدىرلاس ورتاق تۇلعا قۇرىلىسىنىڭ تەرەڭدەۋىن، ناقتىلانۋىن ىلگەرىلەتىپ، ەكى ەلدىڭ جانە ەكى ەل حالىقتارىنىڭ ورتاق مۇددەسىن قورعاۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
