جاڭا داۋىردەگى ەكولوگيالىق وركەنيەت قۇرىلىسىنىڭ جاڭا تاراۋىن جازايىق
− باس شۋجي شي جينپيڭنىڭ مەملەكەتتىك ەكولوگيالىق ورتانى قورعاۋ ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2023.07.20 16:41 كەلۋ قاينارى : حالىق تورابى
”ءسوز جوق، جاڭا جورىقتاعى ەكولوگيالىق ورتانى قورعاۋ قىزمەتىن اناعۇرلىم جوعارى دەڭگەيمەن، اناعۇرلىم كەڭ كوز ايامەن، اناعۇرلىم زور تەبىنمەن جوسپارلاپ جانە ىلگەرىلەتىپ، جاڭا داۋىردەگى ەكولوگيالىق وركەنيەت قۇرىلىسىنىڭ جاڭا تاراۋىن جازۋ كەرەك“. مەملەكەتتىك ەكولوگيالىق ورتانى قورعاۋ ماجىلىسىندە باس شۋجي شي جينپيڭ جاڭا داۋىردە جۇڭگوشا سوتسياليزمدە تاباندى بولىپ جانە ونى دامىتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى نىساناسىن جۇزەگە اسىرۋ ستراتەگيالىق تۇرعىسىنان، ەلىمىزدىڭ ەكولوگيالىق وركەنيەت قۇرىلىسىندا قول جەتكەن دۇنيەنى جالت قاراتقان وراسان زور تابىستاردى جان - جاقتى قورىتىندىلاپ، قازىرگى ەكولوگيالىق وركەنيەت قۇرىلىسىندا ءدوپ كەلگەن جاعدايلارعا ىشكەرىلەي تالداۋ جاساپ، جاڭا جورىقتا ەكولوگيالىق وركەنيەت قۇرىلىسىن ىلگەرىلەتۋدە ويداعىداي ءبىر جاقتى ەتۋگە ءتيىستى كەلەلى قاتىناستاردى ىشكەرىلەي پايىمداپ، كورىكتى جۇڭگو قۇرىلىسىن جاپپاي ىلگەرىلەتۋدىڭ ستراتەگيالىق مىندەتى مەن كەلەلى شارالارىن جۇيەلى ورنالاستىردى. باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، كوز اياسى كەڭ، يدەياسى تەرەڭ، مازمۇنى باي، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا، باعىتتامالىلىق سيپاتقا يە بولىپ، ەكولوگيالىق ورتانى قورعاۋدى اناعۇرلىم كۇشەيتۋگە، ەكولوگيالىق وركەنيەت قۇرىلىسىن ىلگەرىلەتۋگە باعدار نۇسقادى جانە ءتۇبىرلى بويسۇنۋ تياناعىن ازىرلەدى.
پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتۋدىڭ جانە ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدىڭ ماڭىزدى مازمۇنى ەتىپ، ادام مەن تابيعاتتىڭ جاراسىمدى قاتار ءومىر سۇرۋىندە تاباندى بولۋدى جاڭا داۋىردە جۇڭگوشا سوتسياليزمدە تاباندى بولۋدىڭ جانە ونى دامىتۋدىڭ نەگىزگى جالپى جوباسىنا ەنگىزىپ، ەكولوگيالىق ورتانى قورعاۋدى جان - جاقتى، تۇتاس ءوڭىر، جالپى بارىس بويىنشا كۇشەيتتى. بەكىمىمىزدىڭ زور، سەرپىنىمىزدىڭ كۇشتى، ونىمدىلىگىمىزدىڭ مول بولۋى بۇرىن بولماعان دەڭگەيگە كوتەرىلدى. قاجىرلىلىقپەن قۇلشىنۋ ارقىلى ەلىمىزدىڭ ەكولوگيالىق وركەنيەت قۇرىلىسىندا ءتۇيىندى جونگە سالۋدان جۇيەلى جونگە سالۋعا بۇرىلىس جاساۋ، ىرىقسىز توتەپ بەرۋدەن ىرىقتىلىقپەن ءىس تىندىرۋعا بۇرىلىس جاساۋ، بۇكىل جەر شارى ورتاسىن جونگە سالۋعا قاتىناسۋشى بولۋدان باستاۋشى بولۋعا دەيىنگى كەلەلى بۇرىلىس جۇزەگە اسىرىلىپ، امالياتتىق ىزدەنىستەن عىلمي نازاريانىڭ جەتەكشىلىگىنە دەيىنگى كەلەلى بۇرىلىس جۇزەگە اسىرىلىپ، ەلىمىزدىڭ اسپانى ءتىپتى دە اشىق، جەرى ءتىپتى دە جاسىل، سۋى ءتىپتى دە تۇنىق بولىپ، كەڭ –بايتاق الاپتى الىپ جاتقان تاۋ – وزەن ءتىپتى دە قۇلپىرا ءتۇستى. باس شۋجي شي جينپيڭ بىلاي دەپ ىشكەرىلەي اتاپ كورسەتتى: ”جاڭا داۋىردەگى ەكولوگيالىق وركەنيەت قۇرىلىسىنىڭ تابىستارى دۇنيە ءجۇزىن جالت قاراتىپ، جاڭا داۋىردەگى پارتيا مەن مەملەكەت ىستەرىندە تاريحي تابىسقا قول جەتكىزۋدىڭ، تاريحي وزگەرىس تۋىلۋىنىڭ كورنەكتى بەلگىسىنە اينالدى“.
جاڭا داۋىردەگى ەكولوگيالىق وركەنيەت قۇرىلىسىندا نازاريادان امالياتقا دەيىن تۇگەلدەي تاريحي سيپاتتى، بۇرىلىستىق، جالپى جاعدايلىق وزگەرىستەر تۋىلدى، كورىكتى جۇڭگو قۇرىلىسىندا ماڭىزدى قادام تاستالدى، بۇل تۇپتەپ كەلگەندە، باس شۋجي شي جينپيڭنىڭ رول ۇستاپ، جول باستاۋىنان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن بولىپ، ”ەكىنى تۇراقتاندىرۋدىڭ“ شەشۋشى ءمانى تولىق ايگىلەندى. ”ادام مەن تابيعات − تىرشىلىكتىڭ ورتاق تۇلعاسى. ەكولوگيالىق ورتانىڭ ورنىن باساتىن نارسە جوق، ونى سانالىلىقپەن ىستەتە بىلمەسەك، ودان ايرىلىپ قالامىز“ دەپ اتاپ كورسەتتى، ”ەكولوگيالىق ورتا ماسەلەسى، سايىپ كەلگەندە، دامۋ ءتاسىلى مەن تۇرمىس ءتاسىلى ماسەلەسى، ەكولوگيالىق ورتا ماسەلەسىن تۇبىرىنەن شەشۋ ءۇشىن، ءسوز جوق، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ ۇستانىمىن دايەكتىلەندىرۋ كەرەك“ دەپ دارىپتەدى... باس شۋجي شي جينپيڭ ەكولوگيالىق وركەنيەت قۇرىلىسىنىڭ جاڭا داۋىردەگى جۇڭگوشا سوتسياليزم ىستەرىندەگى ماڭىزدى ورنى مەن ستراتەگيالىق ءمانىن تەرەڭ يگەرىپ، ماركسيزمنىڭ نەگىزگى قاعيدالارىن جۇڭگونىڭ ءىس جۇزىندىگىمەن ۇشتاستىرۋدا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولىپ، ەكولوگيالىق وركەنيەت نازارياسىندا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى زور كۇشپەن ىلگەرىلەتىپ، ءبىرقىدىرۋ جاڭا ۇستانىم، جاڭا يدەيا، جاڭا ستراتەگيانى العا قويىپ، شي جينپيڭ ەكولوگيالىق وركەنيەت يدەياسىن قالىپتاستىردى. وسى ماڭىزدى يدەيا قانداي ەكولوگيالىق وركەنيەت قۇرۋ، ەكولوگيالىق وركەنيەتتى قالاي قۇرۋ سياقتى كەلەلى نازاريالىق جانە امالياتتىق ماسەلەلەرگە جۇيەلى جاۋاپ بەرىپ، پارتيامىزدىڭ ەكولوگيالىق وركەنيەت قۇرىلىسىنىڭ زاڭدىلىعى جونىندەگى تانىمىن تىڭ دەڭگەيگە كوتەردى.
ەكولوگيالىق وركەنيەت قۇرىلىسى − جۇڭحۋا ۇلتىنىڭ باياندى دامۋىنا ساياتىن ءتۇبىرلى ۇلى جوسپار. پارتيانىڭ 20 - قۇرىلتايىندا جاپپاي سوتسياليستىك وسىزاماندانعان مەملەكەت قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ايبىندى جوباسى جاسالىپ، 2035 - جىلعا بارعاندا ”جاسىل ءوندىرىس، تۇرمىس ءتاسىلىن كەڭ كولەمدە قالىپتاستىرۋ، كومىر قىشقىل گازىنىڭ شىعارىلۋى جوعارى شەككە جەتكەننەن كەيىن ورنىقتىلىق بارىسىندا تومەندەتۋ، ەكولوگيالىق ورتانى تۇبىرىنەن جاقسارتۋ، كورىكتى جۇڭگو نىساناسىن نەگىزىنەن جۇزەگە اسىرۋ“ نىسانا - مىندەتتەرى العا قويىلىپ، ”جاسىل دامۋدى ىلگەرىلەتۋ“ ارقاۋ ەتىلىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ جونىندە كەلەلى ورنالاستىرۋلار جاسالدى. جۇڭگو ۇلگىسىندەگى وسىزامانداندىرۋدىڭ ادام مەن تابيعات جاراسىمدى قاتار ءومىر سۇرەتىن وسىزامانداندىرۋ ەكەنىن، تابيعاتقا قۇرمەت ەتۋ، تابيعاتقا سايكەسۋ، تابيعاتتى قورعاۋ جاپپاي سوتسياليستىك وسىزاماندانعان مەملەكەت قۇرۋدىڭ ىشكى تالابى ەكەنىن جەتە تانۋ كەرەك. سونىمەن بىرگە، ەلىمىزدىڭ ەكولوگيالىق ورتانى قورعاۋداعى قۇرىلىمدىق، قاينارلىق، اۋقىمدىق قىسىمىنىڭ ءالى تۇبىرىنەن باسەڭدەي قويماعانىن سەرگەكتىكپەن كورە ءبىلۋىمىز كەرەك. ەلىمىزدىڭ ەكونوميكالىق، قوعامدىق دامۋى جاسىل، تومەن كومىرتەكتى ساپالى دامۋ كەزەڭىنە ءوتتى، ەكولوگيالىق وركەنيەت قۇرىلىسى ءالى دە قىسىم قاباتتاسقان، اۋىر جۇك ارقالاپ العا باساتىن شەشۋشى كەزەڭدە تۇر. شي جينپيڭ ەكولوگيالىق وركەنيەت يدەياسىن جەتەكشى ەتۋدە تاباندى بولىپ، ادام مەن تابيعاتتىڭ جاراسىمدىلىعى تۇرعىسىنان دامۋدى جوسپارلاپ، تابيعات پەن ەكولوگيالىق ورتانى كوز قاراشىعىنداي قورعاپ، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن بۇلجىماي جۇرگەندە عانا، جۇڭحۋا ۇلتىنىڭ باياندى دامۋىن جۇزەگە اسىرۋعا بولادى.
باس شۋجي شي جينپيڭ بىلاي دەپ دارىپتەدى: ”الداعى 5 جىل − كورىكتى جۇڭگو قۇرىلىسىنىڭ ماڭىزدى كەزەڭى“. ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ساپالى دامۋ مەن جوعارى دەڭگەيدە قورعاۋدىڭ قاتىناسىن، ءتۇيىندى قامال الۋ مەن سايكەستى جونگە سالۋدىڭ قاتىناسىن، تابيعي قالپىنا كەلتىرۋ مەن جاساندى جولمەن قالپىنا كەلتىرۋدىڭ قاتىناسىن، سىرتقى تەجەم مەن ىشكى قوزعاۋشى كۇشتىڭ قاتىناسىن، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ ۋادەسى مەن دەربەس ارەكەتتىڭ قاتىناسىن دۇرىس ويداعىداي ءبىر جاقتى ەتۋىمىز كەرەك. كورىكتى جۇڭگو قۇرۋدى قۋاتتى ەل قۇرۋدىڭ، ۇلتتى گۇلدەندىرۋدىڭ كورنەكتى ورنىنا قويىپ، ساپالى ەكولوگيالىق ورتا ارقىلى ساپالى دامۋعا تىرەك بولىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەدەل ىلگەرىلەتىپ، جاڭا داۋىردەگى ەكولوگيالىق وركەنيەت قۇرىلىسىنىڭ تىڭ داستانىن جازۋىمىز كەرەك.
ەكولوگيالىق وركەنيەت قۇرىلىسى −− بۇگىنگىلەر ەڭبەك ءسىڭىرىپ، كەلەر ۇرپاق يگىلىگىن كورەتىن ءىس. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، ”ەكىنى تۇراقتاندىرۋدىڭ“ڭ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قايراتتانا كۇرەس جۇرگىزىپ، ۇدەرە العا تارتىپ، كورىكتى جۇڭگو قۇرىلىسىن جاپپاي ىلگەرىلەتىپ، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرۋ جولىندا قاجىماي - تالماي كۇرەس جۇرگىزەيىك!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
