لي چياڭ الجيريانىڭ زۇڭتۇڭى تىبونمەن كەزدەستى
2023.07.20 16:42 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 19 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 7 - ايدىڭ 19 - كۇنى تۇستەن بۇرىن حالىق سارايىندا جۇڭگوعا مەملەكەتتىك ساپارمەن كەلگەن الجيريانىڭ زۇڭتۇڭى تىبونمەن كەزدەستى.
لي چياڭ مىنانى ءبىلدىردى: جۇڭگو مەن الجيريا − ءبىر - بىرىنە بارىنشا سەنەتىن جاقسى دوستار، شىنايى سەلبەستىك جاسايتىن جاقسى سەرىكتەر، قۋانىش - قايعىسى ءبىر جاقسى باۋىرلاستار. ديپلوماتيالىق قارىم - قاتىناس ورناتقان 65 جىلدان بەرى ەكى ەل باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، ءبىر - ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە ءبىرىن - ءبىرى تاباندىلىقپەن قولداپ، ءار سالاداعى اۋىس - كۇيىس، سەلبەستىك ۇزدىكسىز تەرەڭدەپ، ناقتىلانىپ، مەملەكەت پەن مەملەكەت بارىس - كەلىسىنىڭ ۇلگىسىن ورناتتى. كەشە ءتوراعا شي جينپيڭ زۇڭتۇڭ مىرزامەن كەڭەس وتكىزىپ، كەلەسى ساتىداعى جۇڭگو - الجيريا قارىم - قاتىناسىنىڭ دامۋىنا جوبا جاسادى. جۇڭگو الجيريامەن بىرگە ەكى ەل مەملەكەت باسشىلارىنىڭ ستراتەگيالىق جەتەكشىلىگىندە ەكى جاقتىڭ ءار سالاداعى دوستىق سەلبەستىگىن تىڭ ساتىعا كوتەرۋدى قالايدى.
لي چياڭ بىلاي دەپ اتاپ كورسەتتى: جۇڭگو الجيريانىڭ مەملەكەتتىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋىن ۇزدىكسىز باتىل قولدايدى، ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرىپ، سىرتقى كۇشتەردىڭ الجيريانىڭ ىشكى ىسىنە كيلىگۋىنە قارسى تۇرادى. ەكى جاق نەگىزدىك قۇرىلعى قۇرىلىسى سياقتى ءداستۇرلى سالالارداعى سەلبەستىكتى اناعۇرلىم ناقتىلاندىرىپ، سەلبەسە تەڭ يگىلىكتەنۋدى اناعۇرلىم ويداعىداي جۇزەگە اسىرۋى؛ ينفورماتسيا تەحنيكاسى، سيفرلى ەكونوميكا، جاڭا ەنەرگيالى اۆتوكولىك، عارىش - جاساندى سەرىك سياقتى جاڭادان گۇلدەنگەن سالالارداعى سەلبەستىكتى اناعۇرلىم زورايتىپ، وركەندەپ كەلە جاتقان ەلدەردىڭ جوعارى تەحنيكالىق سەلبەستىگىنىڭ ۇلگىسىن قالىپتاستىرۋى؛ دەنساۋلىق ساقتاۋ، وقۋ - اعارتۋ، ساياحات سياقتى گۋمانيتارلىق اۋىس - كۇيىستى، سەلبەستىكتى تەرەڭدەتىپ، ەكى ەل حالىقتارىنا اناعۇرلىم جاقسى باقىت جاراتۋ كەرەك. جۇڭگو جاق الجيريانىڭ حالىقارالىق جانە وڭىرلىك ىستەردە اناعۇرلىم زور رول اتقارۋىن قولدايدى، الجيريا جاقپەن قول ۇستاسا وتىرىپ ناعىز كوپ جاقتىلىقتى امالياتتا ايگىلەپ، سىڭار جاقتىلىققا جانە زورەكەرلىك پەن وكتەمدىككە قارسى تۇرىپ، جۇڭگو مەن الجيريانىڭ جانە قالىڭ وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.
تىبون مىنالاردى ءبىلدىردى: جۇڭگو − الجيريانىڭ جاقسى دوسى، الجيريا مەن جۇڭگو باستان - اياق ءوزارا قولداۋ كورسەتىپ، ءوزارا كومەكتەسىپ كەلەدى، الجيريا مەن جۇڭگونىڭ سەلبەستىگى ەشقانداي شەكتەمەگە ۇشىرامايدى. الجيريا ءبىر جۇڭگو پرينسيبىن قولدايدى، جۇڭگو جاقتىڭ يەلىك ۇقىعى مەن تەرريتوريا تۇتاستىعىن قورعاۋىن قولدايدى، جۇڭگو جاقتىڭ دامۋ تاجىريبەلەرىنەن ۇلگى الىپ، جۇڭگو جاقپەن قارجى قوسۋ، كەن، قۇرىلىس، ونەركاسىپ سياقتى سالالارداعى سەلبەستىكتى ونان ارى تەرەڭدەتىپ، حالىقارالىق جانە وڭىرلىك ىستەردەگى سايكەسۋدى، سەلبەسۋدى كۇشەيتىپ، الجيريا مەن جۇڭگونىڭ، افريكا مەن جۇڭگونىڭ قارىم - قاتىناسىنىڭ دامۋىنا تىڭ بولاشاق اشۋدى، تىڭ قوزعاۋشى كۇش ۇستەۋدى قالايدى.
ۋ جىڭلۇڭ كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
