تياناقتاندىرۋ بارىسىندا جيىن اشىپ، قۇجات جاريالاپ قويۋمەن ءىس بىتپەيدى
2023.07.21 15:55 كەلۋ قاينارى : حالىق تورابى
جۋىردا ءبىر اقپارات ءتىلشىسى نەگىزگى ساتىدا تىلشىلىك ىستەگەن كەزدە: ”جاپا شەگۋدەن، شارشاۋدان قورىقپايمىن، ماڭگى تۇگەمەيتىن قيسىنسىز جيىننىڭ بولۋىنان الاڭدايمىن؛ العا ۇمتىلۋعا، اتوي سالۋعا ريزامىن، ۇزىن سونار قۇنسىز ماقالانى وقۋدى قالامايمىن“، — دەگەن تاقپاقتى ەستىگەن، كوپتەگەن كادرلار مەن بۇقارا جيىن ستيلىندەگى، ماقالا ستيلىندەگى فورماشىلدىقتان ابدەن مەزى بولعان. ءماجىلىستىڭ رۋحىن ءماجىلىس اشىپ دايەكتىلەندىرۋ، قۇجاتتىڭ رۋحىن قۇجات شىعارىپ تياناقتاندىرۋ سىندى ءسىڭىستى بولعان ناشار ادەتتى كۇش سالا قاتاڭ جونگە سالۋ قاجەت.
جۋىرداعى جىلداردان بەرى، ورتالىقتىڭ سەگىز ءتۇرلى بەلگىلەمەسىنىڭ رۋحىن تياناقتاندىرۋ مەن ”ءتورت بۇرىس ستيلدى“ تۇزەتۋدىڭ ۇزدىكسىز، ىشكەرىلەي ورىسەتىلۋىنە بايلانىستى، ”قالىڭ قۇجات پەن ماجىلىستەن كوز اشپاۋ“ قاتارلى ماسەلەلەر بەلگىلى دەڭگەيدە تەجەلدى. الايدا، ءىشىنارا جەرلەردە ”ءماجىلىس اشۋدى تياناقتاندىرۋمەن تەڭ سانايتىن، قۇجات شىعارۋدى ءىس بىتىرۋمەن بىردەي كورەتىن“ كادىمگى لوگيكا بەلگىلى دەڭگەيدە ءالى ساقتالۋدا. ءماجىلىستىڭ رۋحىن ءماجىلىس اشۋ ارقىلى دايەكتىلەندىرۋ، قۇجاتتىڭ رۋحىن قۇجات شىعارۋ ارقىلى تياناقتاندىرۋ قاتارلى قۇبىلىستاردىڭ استارىندا مۇددەشىلدىك، قولدانىمپازدىق كەسىرىن تيگىزىپ وتىرعانىمەن، شىنىن قۋعاندا، ول ساياسي ناتيجە جونىندەگى كوزقاراستىڭ دۇرىس بولماۋىنىڭ، جاۋاپكەرشىلىك سەزىمىنىڭ كەمشىل بولۋىنىڭ بەينەسى.
كەيبىر كادرلار ”ءوزىن كورسەتۋ ءۇشىن“ قايتا - قايتا ءجيىن اشىپ، ءجيى - ءجيى قۇجات شىعارىپ، ايبارىن اسىرادى، ءوزى جاۋاپتى بولعان قىزمەتتىڭ ”كوزگە ءتۇسۋىن“ ويلايدى، بەينە نەگىزگى ساتىنىڭ ونى قالاي تياناقتاندىرىپ جاتقانى، ونىڭ ونىمدىلىگى قالاي بولىپ جاتقانى وزىمەن مۇلدە قاتىسسىز سياقتى. كەيبىر كادرلار مىندەت ارقالاۋعا، شارا قولدانۋعا بەلسەندى ەمەس، بىتىرۋگە ءتيىستى قىزمەتتى، اۋرەسى كوپ ماسەلەلەردى ءماجىلىس ۇستىندە ”دايەكتىلەندىرىپ“، قۇجات مازمۇنىندا ”تياناقتاندىرادى“، كەيىنگى كەزدە باقىلاۋ - تەكسەرۋ بارىسىندا جاۋاپكەرشىلىگىن قۋزاستىرسا، ءماجىلىس اشقانى مەن قۇجات شىعارعانىن ”قالقان“ ەتەدى، ”دۇرە“ سوعىلسا دا، ”قالقانىم بار“ دەپ ويلايدى.
قىزمەتتىڭ ءمانى قالاي جازۋدا ەمەس، قالاي ىستەۋدە؛ ناتيجەنىڭ ءمانى قالاي ايتۋدا ەمەس، قالاي تىندىرۋدا. قالىڭ قۇجات پەن جيىننان كوز اشپاۋ سىندى فورماشىلدىق، تورەشىلدىك ماسەلەسىنە نازاردى شوعىرلاندىرۋدىڭ تەتىگى تەبىندى ارتتىرىپ، ىشكەرىلەي جونگە سالىپ، ۇنەمى ورىستەتۋ مەن ۇزاق ۋاقىت ورىستەتۋ، قاتاڭ ورىستەتۋ مەن شىنايى ورىستەتۋ، ىشكەرىلەي ورىستەتۋ مەن ناقتى ورىستەتۋ جاعىندا كۇش سالىپ، نەگىزگى ساتىداعىلاردىڭ اۋىرتپالىعىن ازايتۋدى ۇزدىكسىز ىلگەرىلەتىپ، پارتيالى كادرلاردىڭ اناعۇرلىم كوپ ۋاقىت پەن زەيىن - قۋاتىن نەگىزدى ساتىعا بارۋعا، ناقتى ءىس تىندىرۋعا ارناۋىنا شارت - جاعداي جاراتۋ بولىپ تابىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
