ءىرى تيپتى ويىن - ساۋىق قيمىلىنىڭ بەلەتىن شىن اتى - ءجونى بويىنشا ساتىپ الۋ جانە شىن اتى - ءجونى بويىنشا الاڭعا كىرۋ ءتۇزىمى اتقارىلادى
2023.09.14 15:24 كەلۋ قاينارى : حالىق تورابى
حالىق گازەتىنىڭ ءتىلشىسى ۋاڭ كى 9 - ايدىڭ 13 - كۇنى بەيجيڭنەن حابارلايدى. ءتىلشىنىڭ 9 - ايدىڭ 13 - كۇنى مادەنيەت جانە ساياحات مينيسترلىگىنەن ۇعىسۋىنشا، جۋىردا مادەنيەت جانە ساياحات مينيسترلىگى مەن قوعام حاۋىپسىزدىگى مينيسترلىگى ءىرى تيپتى تيجاراتتىق سيپاتتاعى ويىن - ساۋىق قيمىلىن جۇيەلى باسقارۋدى اناعۇرلىم كۇشەيتۋ، ويىن - ساۋىق بازارىنىڭ اقاۋسىز، ءتارتىپتى دامۋىن ىلگەرىلەتۋ جونىندەگى ۇقتىرۋدى باسىپ تاراتىپ، ءىرى تيپتى ويىن - ساۋىق قيمىلىنىڭ بەلەتىن شىن اتى - ءجونى بويىنشا ساتىپ الۋ جانە شىن اتى - ءجونى بويىنشا الاڭعا كىرۋ ءتۇزىمىن اتقارۋدى ايقىن تۇراقتاندىرعان، ويىن - ساۋىقتى وتكىزۋشى ورىن ءىرى تيپتى ويىن - ساۋىق قيمىلىنىڭ بەلەتىن قايتارۋ مەحانيزمىن ورناتۋى، بازاردا اشىق تۇردە ساتاتىن بەلەت سانىنىڭ مولشەرى كورەرمەندەردىڭ جالپى سانىنىڭ %85 ىنەن تومەن بولماۋى كەرەك.
ۇقتىرۋدا مىنالار ورتاعا قويىلعان: كورەرمەندەر سانى 5000 ادامنان اساتىن ءىرى تيپتى تيجاراتتىق سيپاتتاعى ويىن - ساۋىق قيمىلىن جۇيەلى باسقارۋدى كۇشەيتىپ، ويىن - ساۋىق بازارىنىڭ اقاۋسىز، ءتارتىپتى دامۋىن ىلگەرىلەتۋ كەرەك.
ۇقتىرۋدا بەلەت ىستەرىن باسقارۋدى كۇشەيتۋ تالاپ ەتىلگەن. ءىرى تيپتى ويىن - ساۋىق قيمىلىنىڭ بەلەتىن شىن اتى - ءجونى بويىنشا ساتىپ الۋ جانە شىن اتى - ءجونى بويىنشا الاڭعا كىرۋ ءتۇزىمى اتقارىلادى، ءار رەتكى ويىن - ساۋىقتا ءبىر ازاماتتىق كۋالىكپەن ءبىر عانا بەلەت ساتىپ الۋعا بولادى، بەلەت ساتىپ الۋشى مەن الاڭعا كىرۋشىنىڭ سالاۋات ينفورماتسياسى بىردەي بولۋى كەرەك. ويىن - ساۋىقتى ۇيىمداستىرۋشى ورىن، ويىن - ساۋىق بەلەتىن ساتۋعا جاۋاپتى تەكشە تۇتىنۋشىلاردىڭ جەكەلىك ينفورماتسياسىن قورعاۋدى كۇشەيتۋى، ۇقىق بەرىلمەگەن جاعدايدا پايدالانۋدان، سونداي - اق، جەكەلەردىڭ ينفورماتسياسىنىڭ اشكەرە بولۋىنان، وزگەرتىلۋىنەن، جوعالۋىنان ساقتانۋى كەرەك. ويىن - ساۋىقتى وتكىزەتىن ورىن ءىرى تيپتى ويىن - ساۋىق قيمىلىنىڭ بەلەتىن قايتارۋ مەحانيزمىن ورناتۋى، ۇيلەسىمدى، ساتىلى بەلەت قايتارۋ اقىسى ءتۇزىمىن بەلگىلەۋى، بەلەت الۋشىلاردىڭ ورىندى بەلەت قايتارۋ ۇقىعىن قامتاماسىزداندىرۋى كەرەك.
سونىمەن بىرگە، ءىرى تيپتى ويىن - ساۋىق قيمىلىنىڭ بەلەتىن ساتۋدىڭ ۇلەستىك سالىستىرماسىن اناعۇرلىم جوعارىلاتۋ كەرەك، ويىن - ساۋىق وتكىزۋشى ورىننىڭ بازاردا اشىق تۇردە ساتقان بەلەت سانى ولشەمدى كورەرمەن سانىنىڭ %85 ىنەن تومەن بولماۋى قاجەت. قالعان %15 بەلەتتى الۋشىلاردىڭ ينفورماتسياسىن ويىن - ساۋىق باستالاردان 24 ساعات بۇرىن تۇراقتاندىرىپ بولۋى كەرەك، ”شىن اتى - ءجونى بويىنشا تىركەۋ، شىن اتى - ءجونى بويىنشا الاڭعا كىرگىزۋدى“ ورىنداۋى قاجەت. ويىن - ساۋىق وتكىزۋشى ورىن ۋاكىلدىك بەلەت ساتۋ ۇقىعىن بەرگەن قۇرىلىمدى اشىق جاريالاۋى، تۇتىنۋشىلاردى زاڭدى ارنالار ارقىلى بەلەت ساتىپ الۋعا جەتەلەۋى قاجەت. تۇتىنۋشىلارعا ءبىلدىرۋ بورىشىن اتقارىپ، تۇتىنۋشىلارعا بەلەت ساتىپ الۋ، الاڭعا كىرۋ جانە بەلەت قايتارۋ جاقتارىنداعى بەلگىلەمەلەردى ءبىلدىرۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
