ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادرلارى قوسىنىن تۇلعالاۋ كەرەك
− اۆتونوميالى رايوننىڭ ۇيىمداستىرۋ قىزمەتى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
گازەتىمىزدىڭ شولۋشىسى
2023.09.14 16:19 كەلۋ قاينارى : شينجياڭ گازەتى
”ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن قالىپتاستىرۋعا تاباندى بولۋ“ باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىنىڭ مازمۇندارىنىڭ ءبىرى. اۆتونوميالى رايوننىڭ ۇيىمداستىرۋ قىزمەتى ءماجىلىسى باس شۋجي شي جينپيڭنىڭ پارتيا قۇرىلىسى جانە ۇيىمداستىرۋ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجيدىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، ”ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادرلارى قوسىنىن كۇش سالا تۇلعالاۋ“ جونىندە ايقىن تالاپ قويىپ، ماڭىزدى ورنالاستىرۋ جاسادى، بۇل تۇتاس رايونىمىزداعى ءار ۇلت كادرلارىن جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتۋدىڭ شينجياڭ امالياتىندا تىڭ جاۋاپكەرشىلىك ارقالاپ، تىڭ ىسكەرلىك كورسەتۋگە جۇمىلدىرۋدا جانە شابىتتاندىرۋدا ماڭىزدى رەال مانگە يە.
باس شۋجي شي جينپيڭ شينجياڭنىڭ كادرلار قوسىنى قۇرىلىسىنا باستان - اياق وسكەلەڭ ءمان بەرىپ، 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ اتاپ كورسەتتى: ساياسيدا بەرىك، قابىلەتى كۇشتى، ستيلدە تاباندى جوعارى ساپالى كادرلار قوسىنىن قۇرۋ كەرەك؛ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ باسا دارىپتەدى: نازاريالىق نەگىزى مىعىم، ساياساتتى يگەرۋى جەتكىلىكتى، امالياتتىق قابىلەتى كۇشتى كادرلار قوسىنىن كۇش سالا باۋلۋ كەرەك؛ بىلتىر شينجياڭدى كوزدەن كەشىرگەندە بىلاي دەپ اتاپ كورسەتتى: پارتيانى جاپپاي قاتاڭ باسقارۋعا تاباندى بولىپ، جوعارى ساپالى كادرلار قوسىنى قۇرىلىسىن شىنايى ويداعىداي يگەرۋ كەرەك؛ بيىل اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا بىلاي دەپ باسا دارىپتەدى: ءار دارەجەلى باسشى كادرلاردىڭ تەكسەرۋ - زەرتتەۋ جۇرگىزۋ، ساياساتتى يگەرۋ، قىزمەتتى ىلگەرىلەتۋ، بۇقارامەن بايلانىس جاساۋ قابىلەتىن جوعارىلاتۋ كەرەك. باس شۋجيدىڭ ماڭىزدى ءسوزىنىڭ رۋحى ءبىزدىڭ ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادرلار قوسىنىن تۇلعالاۋىمىزعا ارەكەت باعدارناماسىن ازىرلەدى.
ىقىلاستى تاپسىرمانى ەستە بەرىك ساقتاپ، ارەكەتتە تياناقتاندىرۋدى شىنايى ءۇمىت ەتتى. جاقىنعى جىلداردان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم نازاردى شينجياڭ قىزمەتى باس نىساناسىنا شوعىرلاندىرىپ، پارتياعا ادال، ءمورالدى دا قابىلەتتى جوعارى ساپالى ءار ۇلت كادرلارى قوسىنىن قۇرۋدى ماڭىزدى مىندەت ەتىپ، قاشاندا بوساڭسىماي مىقتى يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋگە پارمەندى ۇيىمدىق قامتاماسىزدىق ازىرلەدى. دەسەدە سونىمەن بىرگە ءبىز جاڭا جاعداي، جاڭا مىندەت، جاڭا تالاپ الدىندا، ءبىزدىڭ كادرلار جۇيەسى، كادرلاردىڭ قابىلەتى، ستيلى سياقتىلاردا ءالى دە ۇيلەسپەيتىن جەرلەر بار ەكەنىن دە سەرگەكتىكپەن تانۋىمىز كەرەك. ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادرلار قوسىنىن تۇلعالاۋ − شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى تياناقتاندىرۋدىڭ تابيعي تالابى ءارى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن جازۋدىڭ كوكەي تەستى قاجەتى.
ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادرلار قوسىنىن كۇش سالا سومداۋدا ادام ىستەتۋدىڭ ايقىن باعدارىن ورناتىپ، ساياسيدا ىسىلعان، پارتياعا ادال كادرلاردى، كاسىپكە جەتىك، قابىلەتى جوعارى كادرلاردى، باتىلدىقپەن جاۋاپكەرشىلىك ارقالايتىن، باتىلدىقپەن جاۋاپتى بولاتىن كادرلاردى، كۇرەس جۇرگىزۋگە باتىل، كۇرەس جۇرگىزۋگە شەبەر كادرلاردى، ستيلى تاماشا، پاك، كىرشىكسىز كادرلاردى كۇش سالا تاڭداپ ءوسىرۋ كەرەك. باسشىلىق القا قۇرىلىمىن ساپالىلاندىرىپ، ءار دارەجەلى باسشىلىق القالارىن، اسىرەسە، ايماق، اۋدان، اۋىل پارتيا، ۇكىمەت ورىندارىنىڭ ”ءبىرىنشى باسشىسىنا“ ۇزدىكتەردى تاڭداپ، مىقتىلاردى تاعايىنداپ، ادام تاڭداۋ، ادام ىستەتۋ كوز اياسىن ۇزدىكسىز كەڭەيتىپ، بۇكىل ەلدەن ۇزدىك كادرلاردى تاڭداپ اۋىستىرۋعا ءمان بەرىپ، ماعلۇماتى جوعارى، ساپاسى مىقتى تاڭداۋلى جاس كادرلاردى باتىلدىقپەن ىستەتىپ، وڭتۇستىك - سولتۇستىك شينجياڭ اراسىنداعى، بيڭتۋان مەن جەرگىلىكتى ورىن اراسىنداعى جانە سالا اتتاعان كادرلار اۋىس - كۇيىس تەبىنىن كۇشەيتۋ كەرەك. كادرلاردىڭ ساپاسىن، قابىلەتىن جوعارىلاتىپ، كادرلاردى ۇيىمدى، جوسپارلى تۇردە رەفورما، دامۋ، ورنىقتىلىق ىستەرىنىڭ ءبىرىنشى شەبىنە، جاپالى دا كۇردەلى ورتاعا، شەشۋشى جۇمىس ورىندارىنا جىبەرىپ شىنىقتىرىپ، شينجياڭ كادرلارى مەن ورتالىقتاعى مەملەكەت ورگاندارى جانە ىشكى ولكە كادرلارىنىڭ قوس باعىتتا اۋىس - كۇيىس جاساۋىن، ءمانساپقا ءىلىپ شىنىقتىرىلۋىن، مىندەتكە تاعايىندالۋىن ويداعىداي ىستەپ، ءار دارەجەلى باسشى كادرلاردىڭ يدەيانى ازات ەتۋىن، كوزقاراستى جاڭالاۋىن، جاۋاپكەرشىلىك ارقالاپ، ىسكەرلىك كورسەتۋىن ىلگەرىلەتىپ، تەكسەرىپ - زەرتتەۋ، ساياساتتى يگەرۋ، قىزمەتتى ىلگەرىلەتۋ، بۇقارامەن بايلانىس جاساۋ قابىلەتى مەن ماماندانۋ ساپاسىن ۇزدىكسىز جوعارىلاتۋ كەرەك. كادرلاردى قاتاڭ باسقارىپ، باقىلاپ، ”ءبىرىنشى باسشى“ مەن باسشىلىق القانى باسقارۋدى، باقىلاۋدى كورنەكتىلەندىرىپ، ۇقىق شوعىرلانعان، قارجى توپتالعان، بايلىق شوعىرلانعان سالالار مەن ءتۇيىندى قىزمەت ورىندارىنداعى كادرلاردى باسقارۋدى، باقىلاۋدى كورنەكتىلەندىرىپ، كادرلاردى باقىلاۋدىڭ ناقتى ونىمدىلىگىن شىنايى كۇشەيتۋ كەرەك. كادرلاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىرىپ، ساياسي جاقتا شابىتتاندىرۋعا، قىزمەت جاعىنان قولداۋعا، مامىلە جاعىنان قامتاماسىز ەتۋگە، تۇرمىس جاعىنان كوڭىل بولۋگە، پسيحيكا جاقتان قامقورلىق جاساۋعا تاباندى بولىپ، باسشى كادرلاردىڭ شىعا دا الاتىن، تۇسە دە الاتىن بولۋىن ۇزدىكسىز ىلگەرىلەتىپ، نەگىزگى ساتى كادرلارىنا، اسىرەسە، شارت - جاعدايى جاپالى وڭىرلەردەگى كادرلارعا كوڭىل ءبولۋ، قامقورلىق جاساۋ سەرپىنىن ارتتىرۋ كەرەك. مەملەكەت قىزمەتكەرلەرى قىزمەتىن جاقسى ىستەپ، مەملەكەت قىزمەتكەرلەر قوسىنىن شىن مانىندە ويداعىداي قۇرۋ، ويداعىداي باسقارۋ كەرەك.
پارتيانىڭ كادرلار قوسىنى − پارتيا ىستەرىنىڭ دامۋىنداعى ماڭىزدى كۇش، سونداي - اق پارتيانىڭ العاباسارلىعىنىڭ، كىرشىكسىزدىگىنىڭ جانە جاۋىنگەرلىك قۋاتىنىڭ ماڭىزدى بەينەلەنۋى. ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادرلار قوسىنىن تۇلعالاپ، كادرلار قوسىنىنىڭ باسىمدىعىن ۇزدىكسىز دامۋدىڭ قوزعاۋشى كۇشىنە، دامۋدىڭ باسىمدىعىنا ءونىمدى اينالدىرعاندا عانا، ءسوز جوق، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن جازۋعا پارمەندى كەپىلدىك ازىرلەۋگە بولادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
