ىشكى موڭعۇل ەكولوگيالىق ەگىن، مال شارۋاشىلىعىن زور كۇشپەن دامىتتى
«حالىق گازەتىنىڭ» تىلشىلەرى چىن فەييۇي، گو شۋران، جاڭ چىڭ
2023.11.30 16:49 كەلۋ قاينارى : حالىق تورابى
بيىل 6 - ايدا باس شۋجي شي جينپيڭ ىشكى موڭعۇلدا قىزمەت تەكسەرگەندە بىلاي دەپ دارىپتەدى: ەگىن، مال شارۋاشىلىعىنىڭ باسىمدىعىن ويداعىداي ساۋلەلەندىرىپ، جەر، عىلىم - تەحنيكا، تۇقىم قاينارى، سۋ، ءشوپ سياقتى جاقتاردان ىسكە كىرىسىپ، ەگىن، مال شارۋاشىلىعىنىڭ وڭىرلىك ورنالاسۋى مەن ءوندىرىس قۇرىلىمىن ورنىقتى ساپالىلاندىرىپ، ەگىن، مال شارۋاشىلىعىنىڭ تيپىن وزگەرتىپ دامۋىن ىلگەرىلەتىپ، ەكولوگيالىق ەگىن، مال شارۋاشىلىعىن كۇش سالا دامىتىپ، ەگىن، مال شارۋاشىلىق ونىمدەرىن جىنتىكتەي مانەرلەۋدى جانە جاسىل، ورگانيكالى ماركا جاراتۋدى مىقتى يگەرىپ، 1 -، 2 -، 3 - كاسىپتەردىڭ توعىسپالى دامۋىن جەبەپ، ەگىن، مال شارۋاشىلىعىنىڭ ساپالى دامۋىن ىلگەرىلەتۋ كەرەك.
ىشكى موڭعۇل اۆتونوميالى رايونى باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، سۋ ۇنەمدەيتىن اۋىل شارۋاشىلىعىن جالپىلاستىرۋ، جايىلىمدا مال باعۋعا تيىم سالۋ، تىنىقتىرۋ جانە جايىلىم مەن مالدىڭ تەپە - تەڭدىگى ءتۇزىمىن تياناقتاندىرۋ، ەگىن، مال شارۋاشىلىق ونىمدەرىن جىنتىكتەي مانەرلەۋدى دامىتۋ جانە جاسىل، ورگانيكالى ماركا جاراتۋ سياقتى جاقتاردان ىسكە كىرىسىپ، ەكولوگيالىق ەگىن، مال شارۋاشىلىعىن كۇش سالا دامىتتى.
باياننۇر قالاسى ۋرۋت الدىڭعى حوشۇنى وسى زامانعى ەگىن، مال شارۋاشىلىق عىلىم - تەحنيكاسىنان ۇلگى كورسەتۋ باقشاسى ۋلياڭسۋحايدىڭ وڭتۇستىك جاعالاۋىنا ورنالاسقان. ”ۇلگى كورسەتۋ باقشاسى جوعارى ءونىمدى سۋ ۇنەمدەپ، تىڭايتقىش ۇنەمدەۋدى تۇيىندە سىناق ەتۋدەن ۇلگى كورسەتۋدى ورىستەتىپ، سۋ مەن تىڭايتقىشتى ءبىر تۇلعالاندىرىپ دالمە - ءدال سۋارۋ سياقتى تەحنيكالاردان پايدالانۋ ارقىلى مۋ باسىنا ورتا ەسەپپەن %20 سۋ ۇنەمدەپ، ەگىس دارىلەرىنىڭ پايدالانىلۋ مولشەرىن %20 ازايتىپ، حيميالىق تىڭايتقىشتىڭ پايدالانىلۋ مولشەرىن %10 ازايتىپ، ەكولوگيالىق ونىمدىلىگى كورنەكتى بولدى“ دەدى ۋرۋت الدىڭعى حوشۇنى ەگىن، مال شارۋاشىلىق تەحنيكاسىن جالپىلاستىرۋ ورتالىعىنىڭ مەڭگەرۋشىسى ليۋ جۇن.
”ىشكى موڭعۇل سۋ ۇنەمدەيتىن اۋىل شارۋاشىلىعىن زور كۇشپەن جالپىلاستىرىپ، سۋدان پايدالانۋ ءتاسىلىنىڭ ۇتىمسىز، ءونىمى تومەن بولۋدان ۇنەمدى، شوعىرلى بولۋعا قاراي بۇرىلىس جاساۋىن جەدەل ىلگەرىلەتتى، بيىل 373 ميلليون تەكشەمەتر سۋ ۇنەمدەۋگە بولادى“. اۆتونوميالى رايوندىق ەگىن، مال شارۋاشىلىق مەڭگەرمەسىنىڭ باستىعى گو جانجياڭ بىلاي دەپ تانىستىردى: 2016 - جىلدان 2022 - جىلعا دەيىن ىشكى موڭعۇلدىڭ مۋ باسىندىق ورتاشا سۋ ىستەتۋ مولشەرى 305 تەكشەمەتردەن 214 تەكشەمەترگە تومەندەدى، ەگىس اتىزدارىن سۋاراتىن سۋدان ءونىمدى پايدالانۋ كوەففيتسەنتى 0.532 دەن 0.574 كە جوعارىلادى.
جايىلىمنىڭ تۇياق كەستى بولۋ ماسەلەسىن شەشۋدى ارقاۋ ەتكەن ىشكى موڭعۇل مال شارۋاشىلىعىنىڭ تيپىن وزگەرتىپ، دارەجەسىن جوعارىلاتۋ ينجەنەرياسىن كۇش سالا اتقاردى.
ۇلانچاب قالاسى سىزىۋاڭ حوشۇنى حايپۋزى قىستاعىندا 24 جوعارى ولشەمدى قوي قورا سالىندى، ءشوپ قورا، ءتول الۋ ۇيشىگى سياقتى قۇرىلعىلارى تولىق.
2022 - جىلى 10 - ايدا حايپۋزى قىستاعى اۋىل شارۋاشىلىعىنا، مال شارۋاشىلىعىنا ساياتىن قارجىنى ءبىر تۇتاس بىرىكتىرىپ، باستاماشى كاسىپورىنداردى ەنگىزىپ، دۋمىڭ ەتتى قوي تۇقىمىن جەتىلدىرۋ بىرلەسكەن تۇلعاسىن ولشەمدەندىرىپ ءوسىرۋ شاعىن رايونىن قۇرىپ، ءبىر مىڭ 500 ساۋلىقتى سوندا باقتى. "قىستاعىمىزدا 3 مىڭ مۋدان استام جايىلىم بار، بۇرىن ءبىر مەزەت جايىلىم تۇياق كەستى بولعان ەدى“. حايپۋزى قىستاعى پارتيا ياچەيكاسىنىڭ شۋجيى ليۋ جيانجۇڭ بىلاي دەدى: قازىر جايىلىم تىنىقتىرىلىپ قانا قويماي، ونىڭ ۇستىنە ءار باقتاشى وتباسىنىڭ ورتاشا كىرىسى شامامەن 20 مىڭ يۋان ارتادى دەپ مەجەلەپ وتىرمىز.
”ىشكى موڭعۇل مالدى قولدا باعۋدى دامىتۋ ارقىلى تابيعي جايىلىمنىڭ مال سيىمدىلىعىن ازايتىپ، مال ماسەلەسىن شەشتى؛ جاساندى جەم - ءشوپ ەگۋدى دامىتۋ ارقىلى سابان - توپان بايلىعىنىڭ پايدالانىلۋ مولشەرىن جوعارىلاتىپ، تابيعي جايىلىمنان ۇيلەسىمدى پايدالانىپ، ءشوپ ماسەلەسىن شەشتى“. اۆتونوميالى رايوندىق ەگىن، مال شارۋاشىلىق مەڭگەرمەسى باستىعىنىڭ ورىنباسارى جاۋ يۇيشىڭ بىلاي دەپ تانىستىردى: قازىرگە دەيىن ىشكى موڭعۇلدا 156 ميلليون شارشى مەتر جىلى قالتقى سالىنىپ، جەم - شوپپەن قامداۋ قۋاتى جىلىنا 80 ميلليون توننا اينالاسىندا بولۋدا.
ەگىن، مال شارۋاشىلىعىنىڭ جالپىلىق ونىمدىلىگىن كۇش سالا جوعارىلاتقان ىشكى موڭعۇل ەگىن، مال شارۋاشىلىق ونىمدەرىنىڭ جاسىل، ورگانيكالىق ماركاسىن جەدەل قالىپتاستىردى.
كوكحوت قالاسى تۋموت سول حوشۇنى يۋران مال شارۋاشىلىعى چىلىچۋان ەكولوگيالىق زەردەلى مال فەرماسىنىڭ تۇتاس زەردەلى ادامسىز سيىر قوراسىندا جەم بەرۋ قۇلتەمىرى، ءسۇت ساۋۋ قۇلتەمىرى سياقتى زەردەلىلەنگەن جابدىقتار ءوز مىندەتتەرىن وتەيدى.
”ناسىلدەندىرۋ جانە زەردەلىلەندىرۋ، ەگجەي - تەگجەيلى باسقارۋ ارقىلى بيىل ساۋىن سيىردىڭ كۇندىك ورتاشا ءسۇت ءونىمى ايتارلىقتاي جوعارىلادى“ دەدى يۋران مال شارۋاشىلىعى سەرىكتەستىگىنىڭ قاتىستى جاۋاپتىسى جاۋ گولياڭ. تاياۋ ماڭدا ي - لي وسى زامانعى زەردەلى سالاماتتىق اڭعارى ءوندىرىس بازاسىندا چىلىچۋان ەكولوگيالىق زەردەلى مال فەرماسى وندىرگەن جاسىل، ساپالى شيكى سۇتتەن ءتۇرلى ءسۇت ونىمدەرى جاسالۋدا.
”كاسىپورىنداردى جەتىلدىرۋ، تىزبەكتى ۇزارتۋ ارقىلى ەگىن، مال شارۋاشىلىق ونىمدەرىن جىنتىكتەي مانەرلەۋ كاسىبىن جەدەل دامىتىق“. گو جانجياڭ بىلاي دەدى: ىشكى موڭعۇل جاسىل ورگانيكالىق ماركا جاراتۋعا كۇش سالىپ، ورگانيكالىق سيىر ءسۇتى، حورچين سيىر ەتى، چىفىڭ سوگى، كۋلۇن قاراقۇمىعى سياقتى اناعۇرلىم كوپ ساپالى ەگىن، مال شارۋاشىلىق ونىمدەرىن بۇكىل ەلدىڭ جەر - جەرىنە جەتكىزدى. بيىل جىل باسىنان بەرى ىشكى موڭعۇل ىلگەرىندى - كەيىندى بەيجيڭ، شاندۇڭ، گۋاڭدۇڭ، سىچۋان سياقتى جەرلەردە جاسىل ەگىن، مال شارۋاشىلىق ونىمدەرىن تانىستىرۋ قيمىلىن ورىستەتىپ، ساتۋ سوماسى 19 ميلليارد 248 ميلليون يۋان كەلەتىن توقتامعا قول قويدى.
جاسىل ەگىن، مال شارۋاشىلىق ونىمدەرىن مانەرلەۋ كاسىبىنىڭ ساپالى دامۋىن ىلگەرىلەتۋ ءۇشىن، ىشكى موڭعۇل جاسىل ەگىن، مال شارۋاشىلىق ونىمدەرىن مانەرلەۋ كاسىبىن دامىتۋدى اتقارۋ جوباسىن شىعارىپ، جاڭالىق اشۋ قابىلەتىن جوعارىلاتۋ، باسىمدىققا يە ماركالاردى جەتىلدىرۋ، كاسىپ سالاسىندا جاسىل تيپكە بۇرىلىس جاساۋ سياقتىلاردى كۇش سالا جەبەدى. 2025 - جىلعا بارعاندا ىشكى موڭعۇلدىڭ ەگىن، مال شارۋاشىلىق ونىمدەرىن مانەرلەۋ كاسىبىنىڭ ءونىم قۇنىن 400 ميلليارد يۋانعا جەتكىزىپ، 2020 - جىلداعىدان %47 ارتتىرۋدى؛ باستى ەگىن، مال شارۋاشىلىق ونىمدەرىن مانەرلەپ كادەگە جاراتۋ شاماسىن %80 كە جەتكىزىپ، 2020 – جىلداعىدان 20 پايىز جوعارىلاتۋدى جوسپارلاپ وتىر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
