10 - ايدىڭ سوڭىنا دەيىن كۇن ەنەرگياسىنان توك شىعارۋ گەنەراتور اگراگاتتارىنىڭ سيىمدىلىعى سايكەس مەزگىلدەگىدەن %47 ارتتى
جەل ەلەكتر گەنەراتور اگراگاتتارىنىڭ سيىمدىلىعى 400 ميلليون كيلوۆاتتان استى (جاڭا ساندى مالىمەت، جاڭا ءتۇيىن)
«حالىق گازەتىنىڭ» ءتىلشىسى ديڭ ي – تيڭ
2023.11.30 16:51 كەلۋ قاينارى : حالىق تورابى
چيڭحاي - شيزاڭ ۇستىرتىندە، دۇنيە ءجۇزى بويىنشا تەڭىز دەڭگەيىنەن ەڭ بيىك فوتوۆولتتىق نىسان − حۋاديان شيزاڭ سايپىڭ فوتوۆولتتىق نىسانىندا وندىرىسكە قوسۋ نىساناسىنا بار كۇش سالىندى، مەجەمەن ءار جىلى 90 ميلليون كيلوۆات - ساعات تازا ەلەكتر ەنەرگياسىن شىعارىپ، جەرگىلىكتى ورىننىڭ قىس پەن كوكتەمدەگى سۋ تارتىلۋ مەزگىلىندەگى ەلەكتردەن پايدالانۋ تاپشىلىعىن ونان ارى باسەڭدەتەدى؛ شىعىس وڭتۇستىك تەڭىز جاعالاۋىندا دۇنيە جۇزىندەگى تۇڭعىش قالقىمالى جەل كۇشىنەن پايدالانۋ مەن بالىق اۋلاۋدى توعىستىرۋ نىسانى ”مەملەكەت ەنەرگياسىنان ورتاق يگىلىكتەنۋ ءنومىرلى“ تۇعىرى بارلىق ينجەنەريانى ورناتىپ بولدى، قالقىمالى جەل گەنەراتورى مەن باعىمشىلىق تور ساندىعى ءوزارا ۇشتاستىرىلىپ، توك شىعارىپ، بالىق باعۋدا اعاتتىق جىبەرىلمەيدى...
مەملەكەتتىك ەنەرگيا مەكەمەسى تاياۋدا جاريالاعان ساندى مالىمەتتە كورسەتىلۋىنشە، 10 - ايدىڭ سوڭىنا دەيىن بۇكىل ەل بويىنشا جالپى گەنەراتور اگراگاتتارىنىڭ سيىمدىلىعى شامامەن 2 ميلليارد 810 ميلليون كيلوۆات بولىپ، سايكەس مەزگىلدەگىدەن %12.6 ارتقان. مۇنىڭ ىشىندە كۇن ەنەرگياسىنان توك شىعارۋ گەنەراتور اگراگاتتارىنىڭ سيىمدىلىعى شامامەن 540 ميلليون كيلوۆات بولىپ، سايكەس مەزگىلدەگىدەن %47 ارتقان؛ جەل ەلەكتر گەنەراتور اگراگاتتارىنىڭ سيىمدىلىعى شامامەن 404 ميلليون كيلوۆات بولىپ، سايكەس مەزگىلدەگىدەن %15.6 ارتقان.
1 - ايدان 10 - ايعا دەيىن بۇكىل ەلدەگى نەگىزگى ەلەكتر شىعارۋ كاسىپورىندارىنىڭ ەلەكتر قاينارى ينجەنەرياسىنا 662 ميلليارد 100 ميلليون يۋان قارجى قوسىلدى، مۇنىڭ ىشىندە كۇن ەنەرگياسىنان توك شىعارۋعا قوسىلعانى 269 ميلليارد 400 ميلليون يۋان بولىپ، سايكەس مەزگىلدەگىدەن %71.2 ارتتى؛ جەل ەلەكترىنە قوسىلعانى 171 ميلليارد 700 ميلليون يۋان بولىپ، سايكەس مەزگىلدەگىدەن %42.5 ارتتى. ”جەل ەلەكتر، فوتوۆولت سياقتى جاڭا ەنەرگيالاردا دامۋ قارقىنى تەز، اينالىم ساپاسى جاقسى، پايدالانۋ دەڭگەيى جوعارى، كاسىپ سالاسىنىڭ باسەكەلىك قۋاتى كۇشتى بولۋداي تاماشا جاعداي جارىققا شىقتى“ دەدى مەملەكەتتىك ەنەرگيا مەكەمەسى جاڭا ەنەرگيا جانە تۋىندامالى ەنەرگيا تارماق مەكەمەسىنىڭ باستىعى لي چۋاڭجۇن.
− شوعىرلى جانە تارالمالى اشۋدى قاتار جۇرگىزىپ، جاڭا ەنەرگيامەن قامداۋعا دەم بەردى.
نيڭشيانىڭ تەڭگىر ءشولى جاڭا ەنەرگيا بازاسىندا 2 - مەرزىمدىك 2 ميلليون كيلوۆاتتىق فوتوۆولت نىسانى جەدەل سالىنۋدا، ”سالىنىپ بولىپ توراپتاندىرىلعاننان كەيىن، ءار جىلعى تازا ەلەكتر ەنەرگياسىنىڭ مولشەرى 3 ميلليارد 900 ميلليون كيلوۆات - ساعاتتان اساتىنى مەجەلەنۋدە“ دەدى مەملەكەتتىك ەنەرگيا توبى لۇڭيۋان ەلەكتر قۋاتى نيڭشيا سەرىكتەستىگى ينجەنەريا قۇرىلىسى ءبولىمىنىڭ مەڭگەرۋشىسى چاڭ جانديڭ.
شوعىرلى اشۋ اۋقىمدى ءارى تەبىندى بولدى، بىتىراڭقى اشۋ شاعىن ءارى تىڭعىلىقتى بولدى. جىجياڭ ولكەسى ۋىنجوۋ قالاسى تايشۇن اۋدانى شيدۇڭ قىستاعىنىڭ تۇرعىنى ساي جياشياڭنىڭ ءۇي توبەسىندە 45 فوتوۆولتتىق تاقتا رەتتى ءتىزىلىپتى، ”ۇيدە ءوزىمىز پايدالانۋدان سىرت، ارتىق ەلەكتردى ەلەكتر تورى سەرىكتەستىگىنە ساتىپ بەرۋىمىزگە بولادى“ دەدى ساي جياشي. ۋىنجوۋدا 5 اۋدان تۇتاس اۋدان بويىنشا ءۇي توبەسىنە فوتوۆولتتىق قوندىرعى ورناتۋ سىناق تۇيىنىنە ەنگىزىلدى، بيىل تۇتىنۋشىلاردىڭ فوتوۆولتتىق قوندىرعى ورناتۋدى ءوتىنىش ەتۋىمەن جاڭادان قۇراستىرىلعان گەنەراتور اگراگاتتارىنىڭ مولشەرى سايكەس مەزگىلدەگىدەن %300 تەن استام ارتتى.
9 - ايدىڭ سوڭىنا دەيىن بۇكىل ەل بويىنشا تاراتىلعان فوتوۆولتتىق گەنەراتور اگراگاتتارىنىڭ سيىمدىلىعى 100 ميلليون كيلوۆاتتان استى. قازىر اۋىل - قىستاق رايوندارىندا تاراتىلعان فوتوۆولتتىق قوندىرعى ورناتىلعان وتباسى سانى 5 ميلليوننان اسىپ، ءونىمدى قارجى قوسۋدىڭ 500 ميلليارد يۋاننان اسۋىنا تۇرتكى بولدى.
__ ەلەكتر تورى ينجەنەرياسىنىڭ سايكەستى قۇرىلىسى تارتىپپەن ىلگەرىلەتىلىپ، جاڭا ەنەرگيانىڭ جەتكىزىلۋىنە كەپىلدىك ەتىلدى.
11 - ايدا جينشا وزەنىنىڭ جوعارعى اعارىنان حۋبەيگە دەيىنگى ەرەكشە جوعارى كەرنەۋلى ينجەنەريانىڭ تۇڭعىش لەنيا مەردىگەرلىك بولەگى سىچۋان ولكەسىنىڭ گانزى قالاسىندا نەگىزدىك قۇرىلىس جۇرگىزدى. سىچۋان - شيزاڭ ءۇستىرتىنىڭ قويناۋىنا تۇڭعىش رەت كىرگەن وسى ەرەكشە جوعارى كەرنەۋلى تۇراقتى توك ينجەنەرياسى سالىنىپ بولعاننان كەيىن، ءار جىلى ورتا جۇڭگو رايونىنا 40 ميلليارد كيلوۆات - ساعاتقا جۋىق تازا ەلەكتر ەنەرگياسىن جەتكىزەدى.
بيىل جىل باسىنان بەرى جاڭبەي - شىڭلي، نيڭشيا - حۋنان، قۇمىل - چۇڭچيڭ سياقتى جاڭادان جۇمىس باستاعان ەرەكشە جوعارى كەرنەۋلى تۇراقتى توك ينجەنەرياسى ءونىمدى قارجى قوسۋدى جەدەل قالىپتاستىردى. 1 - ايدان 10 - ايعا دەيىن بۇكىل ەل بويىنشا ەلەكتر تورابى ينجەنەرياسىنا 373 ميلليارد 100 ميلليون يۋان قارجى قوسىلىپ، سايكەس مەزگىلدەگىدەن %6.3 ارتتى.
− ەنەرگيا ساقتاۋ جانە رەتتەۋ قابىلەتىن جەدەل جوعارىلاتىپ، جاڭا ەنەرگيادان ويداعىداي پايدالانۋدى ىلگەرىلەتتى.
گۋاڭدۇڭدا ميجوۋ سۋ تارتىپ ەنەرگيا ساقتاۋ ەلەكتر ستانسياسىنىڭ 2 - مەرزىمدىك قۇرىلىسى ماشينا - ەلەكتر جابدىقتارىن ورناتۋ كەزەڭىنە ءوتتى. ”سۋ تارتىپ ەنەرگيا جيناۋ، جاڭا تۇرپاتتى ەنەرگيا ساقتاۋ سياقتى تەحنيكالار تولقىمالى جاڭا ەنەرگيانى ەلەكترمەن ورنىقتى قامداۋعا اينالدىرۋعا سەپتىگىن تيگىزەدى“ دەدى وڭتۇستىك ەلەكتر تورابى مەيجي 2 - مەرزىمدىك نىسان ءبولىمى باس ديرەكتورىنىڭ ورىنباسارى جان سايفىڭ.
9 - ايدىڭ سوڭىنا دەيىن بۇكىل ەل بويىنشا سۋ تارتىپ ەنەرگيا ساقتاۋ گەنەراتور اگراگاتتارىنىڭ كولەمى 50 ميلليون كيلوۆاتقا جەتتى. بۇدان سىرت، بيىل جىل باسىنان بەرى جاڭا تۇرپاتتى ەنەرگيا ساقتاۋ گەنەراتور اگراگاتتارىنىڭ كولەمى ۇزدىكسىز كەڭەيىپ، ليتي باتەرياسى، اۋانى سىعۋ، سۇيىق اعىندى باتەريا سياقتى كوپ ءتۇرلى تەحنيكالىق نىسانداردىڭ ارتۋى تەز بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
