ديڭ شۋەشياڭ تۇركىمەنستاندا ساپاردا بولدى ءارى جۇڭگو - تۇركىمەنستان سەلبەستىك كوميتەتىنىڭ 6 - رەتكى ءماجىلىسىن باسقاردى
2023.11.30 16:52 كەلۋ قاينارى : حالىق تورابى
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 11 - ايدىڭ 28 - كۇنىنەن 29 - كۇنىنە دەيىن تۇركىمەنستاندا ساپاردا بولىپ، تۇركىمەنستاننىڭ زۇڭتۇڭى سەردار بەردىمۇحامەتوۆپەن كەزدەستى، تۇركىمەنستان زۇڭليىنىڭ ورىنباسارى، قوسىمشا سىرتقى ىستەر مينيسترى مەلەدوۆپەن كەڭەس وتكىزدى ءارى جۇڭگو - تۇركىمەنستان سەلبەستىك كوميتەتىنىڭ 6 - رەتكى ءماجىلىسىن بىرگە باسقاردى. سۋرەتتە: ديڭ شۋەشياڭ 11 - ايدىڭ 29 - كۇنى تۇركىمەنستاننىڭ زۇڭتۇڭى سەردار بەردىمۇحامەتوۆپەن كەزدەسۋدە.سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
شينحۋا اگەنتتىگى، 11 - ايدىڭ 29 – كۇنى، اشحاباد (تىلشىلەر ليۋ كاي، جىڭ ميڭدا). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 11 - ايدىڭ 28 - كۇنىنەن 29 - كۇنىنە دەيىن تۇركىمەنستاندا ساپاردا بولىپ، تۇركىمەنستاننىڭ زۇڭتۇڭى سەردار بەردىمۇحامەتوۆپەن كەزدەستى. تۇركىمەنستان زۇڭليىنىڭ ورىنباسارى، قوسىمشا سىرتقى ىستەر مينيسترى مەلەدوۆپەن كەڭەس وتكىزدى ءارى جۇڭگو - تۇركىمەنستان سەلبەستىك كوميتەتىنىڭ 6 - رەتكى ءماجىلىسىن بىرگە باسقاردى.
ديڭ شۋەشياڭ مىنالاردى ءبىلدىردى: بيىل جۇڭگو - تۇركىمەنستان قارىم - قاتىناسى زور سەكىرۋدى جۇزەگە اسىردى. ءتوراعا شي جينپيڭ بەردىمۇحامەتوۆ زۇڭتۇڭمەن بىرگە ەكى ەل قارىم - قاتىناسىن جالپى بەتتىك ستراتەگيالىق سەرىكتەستىك قارىم - قاتىناس دەڭگەيىنە كوتەرىپ، ەكى جاقتى دەڭگەيدە تاعدىرلاس ورتاق تۇلعانى امالياتتا ايگىلەۋدى جاريالادى. جۇڭگو جاق تۇركىمەنستان جاقپەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، جۇڭگو مەن تۇركىمەنستاننىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ جاڭا مازمۇنىن ۇزدىكسىز بايىتىپ، جۇڭگو مەن تۇركىمەنستاننىڭ تاعدىرلاس ورتاق تۇلعاسى قۇرىلىسىنا ۇزدىكسىز تىڭ قوزعاۋشى كۇش قوسۋدى قالايدى. جۇڭگو − تۇركمەنستاننىڭ سەنىمدى دوسى جانە سەرىگى، تۇركمەنستاننىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋىن، ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى.
ديڭ شۋەشياڭ بىلاي دەپ اتاپ كورسەتتى: جۇڭگو مەن تۇركىمەنستان سەلبەستىگىنىڭ ءوزارا تولىقتاۋ سيپاتى كۇشتى، كومەسكى كۇشى زور، بولاشاعى نۇرلى. ەكى جاق ءبىرىن - ءبىرى تولىقتاۋ باسىمدىعىن ساۋلەلەندىرىپ، سەلبەستىك كومەسكى كۇشىن ىشكەرىلەي اشىپ، ءتۇيىندى سالالارداعى سەلبەستىكتى ۇزدىكسىز تەرەڭدەتىپ جانە كەڭەيتىپ، ەكى ەل مەملەكەت باسشىلارى جاساعان ۇلى جوبانىڭ رەال جەتىستىكتەرگە اينالۋىن ىلگەرىلەتىپ، ەكى ەلگە جانە ەكى ەل حالىقتارىنا ءتىپتى دە زور باقىت جاراتۋى كەرەك. جۇڭگو تۇركىمەنستاندى قامتىعان ورتا ازياداعى ەلدەرمەن قول ۇستاسا وتىرىپ جۇڭگو - ورتا ازيا سەلبەستىك مەحانيزمى قۇرىلىسىن ورنىقتى ىلگەرىلەتۋدى قالايدى.
بەردىمۇحامەتوۆ ديڭ شۋەشياڭعا ءتوراعا شي جينپيڭگە ىقىلاستى سالەمىن جەتكىزۋدى تاپسىرىپ، مىنانى ءبىلدىردى: تۇركىمەنستان مەن جۇڭگونىڭ ءداستۇرلى دوستىعى تەرەڭ، ەكى ەلدىڭ جان - جاقتى سەلبەستىگى ستراتەگيالىق، ۇزاق ۋاقىتتىق، ەرەكشە سيپاتقا يە. تۇركىمەنستان جاق جۇڭگو جاقپەن ستراتەگيالىق قارىم - قاتىناستى كۇشەيتىپ، ءار سالاداعى ناقتى سەلبەستىكتى تەرەڭدەتىپ، تۇركىمەنستان مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى. تۇڭعىش كەزەكتى جۇڭگو - ورتا ازيا باسشىلار باس قوسۋىنىڭ جەتىستىكتەرى ءونىمدى تياناقتانۋدا. تۇركىمەنستان جاق جۇڭگو - ورتا ازيا سەلبەستىك مەحانيزمىن باتىل قولدايدى، جۇڭگو جاقپەن بىرگە ءوڭىردىڭ حاۋىپسىزدىگىن، ورنىقتىلىعىن جانە دامۋىن، گۇلدەنۋىن جەبەۋدى قالايدى.
11 – ايدىڭ 29 – كۇنى ديڭ شۋەشياڭ مەن مەلەدوۆ جۇڭگو - تۇركىمەنستان سەلبەستىك كوميتەتىنىڭ 6 - رەتكى ءماجىلىسىن بىرگە باسقاردى. ءماجىلىس ەكى جاقتىڭ ناقتى سەلبەستىگىندە قول جەتكەن ىلگەرىلەۋشىلىكتەردى جاپپاي تولىق تۇراقتاندىرىپ، نازاردى ەكونوميكا - ساۋدا، قارجى قوسۋ، تابيعي گاز، ۇلاستىرۋ - تۇتاستىرۋ، گۋمانيتارلىق اۋىس - كۇيىس، حاۋىپسىزدىك سياقتى سەلبەستىك كەڭەستىك تاقىرىپتارىنا شوعىرلاندىرىپ، ىشكەرىلەي پىكىر اۋىستىردى ءارى كەلەسى ساتىداعى سەلبەستىك تۇيىندەرىن جوبالادى. ەكى جاق مىنالارعا ماقۇل بولدى: دامۋ ستراتەگياسىن ۇشتاستىرۋدى اناعۇرلىم كۇشەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ ارقىلى جۇڭگو مەن تۇركىمەنستاننىڭ جان - جاقتى سەلبەستىگىنە جەتەكشىلىك ەتۋ كەرەك. ەكونوميكا - ساۋدا جانە قارجى قوسۋ سەلبەستىگىنىڭ كولەمىن كۇش سالا جوعارىلاتىپ، تابيعي گاز سەلبەستىگىن ۇزدىكسىز تەرەڭدەتىپ، الدىمەن ەسكەرىلەتىن ەكونوميكالىق نىسانداردى ۇشتاستىرۋدى، كەڭەسۋدى جەدەل ىلگەرىلەتىپ، بايلىق سالاسىنا جاتپايتىن اناعۇرلىم كوپ نىساندار سەلبەستىگىن ورىستەتۋ كەرەك. ۇلاستىرۋ - تۇتاستىرۋدىڭ جاڭا جاعدايىن بەلسەنە قالىپتاستىرىپ، جۇڭگو مەن تۇركىمەنستاننىڭ قاتىناس، زات اينالىمى سەلبەستىگىن اناعۇرلىم تەرەڭدەتۋ كەرەك. گۋمانيتارلىق اۋىس - كۇيىستىڭ جاڭا ارناسىن كەڭەيتىپ، مادەنيەت جىلىنداعى قاتىستى قيمىلداردى ويداعىداي وتكىزىپ، ءوزارا مادەنيەت ورتالىعىن قۇرۋ، جەرگىلىكتى ورىندا لۋبان شەبەرحاناسىن قۇرۋ، ءداستۇرلى مەديتسينا ورتالىعىن اشۋ سياقتى نىسانداردىڭ ەرتەرەك تياناقتانۋىن ىلگەرىلەتۋ كەرەك. حاۋىپسىزدىك سەلبەستىگىن ءۇرتىس كەڭەيتىپ، لاڭكەستىككە قارسى تۇرۋ سەلبەستىگىن ىشكەرىلەي تەرەڭدەتىپ، ”ءۇش ءتۇرلى كۇشك“ بىرگە سوققى بەرۋ كەرەك. جۇڭگو - تۇركىمەنستان سەلبەستىك كوميتەتى ەكى ەل مەملەكەت باسشىلارىنىڭ ماڭىزدى ورتاق تانىمىن جاپپاي تياناقتاندىرىپ، ءبىر تۇتاس جوسپارلاۋ، سايكەستىرۋ جانە جەتەكشىلىك ەتۋ رولىن تولىق ساۋلەلەندىرىپ، ەكى ەلدىڭ ناقتى سەلبەستىگىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋى كەرەك. ماجىلىستەن كەيىن ديڭ شۋەشياڭ مەن مەلەدوۆ «جۇڭگو - تۇركىمەنستان سەلبەستىك كوميتەتىنىڭ 6 - رەتكى ءماجىلىسىنىڭ ماڭىزدى ەستەلىگىنە» قول قويدى ءارى عىلىم - تەحنيكا سەلبەستىگىن تەرەڭدەتۋ جونىندەگى تۇسىنىستىك ەسكەرتپە حاتى، حالىقارالىق جول تاسىمالى كەلىسىمى سياقتى سەلبەستىك قۇجاتتارعا قول قويۋعا كۋا بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
