حان جىڭ جۇڭگو - رەسەي دوستىق، بەيبىتشىلىك جانە دامۋ كوميتەتىنىڭ 14 - رەتكى جالپى ماجىلىسىنە قاتىناسقان ۋاكىلدەرمەن كەزدەستى

2023.11.30 16:53 كەلۋ قاينارى : حالىق تورابى

　　شينحۋا اگەنتتىگى، 11 - ايدىڭ 29 – كۇنى، بەيجيڭ. مەملەكەت ءتوراعاسىنىڭ ورىنباسارى حان جىڭ 11 – ايدىڭ 29 - كۇنى بەيجيڭدە جۇڭگو - رەسەي دوستىق، بەيبىتشىلىك جانە دامۋ كوميتەتىنىڭ 14 - رەتكى جالپى ماجىلىسىنە قاتىناسقان ەكى جاقتىڭ ۋاكىلدەرىمەن توپتىق كەزدەستى.

　　حان جىڭ مىنالاردى ءبىلدىردى: ءتوراعا شي جينپيڭ مەن پۋتين زۇڭتۇڭنىڭ ستراتەگيالىق جەتەكشىلىگىندە، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسى ءۇرتىس، اقاۋسىز، ورنىقتى دامىدى، ەكى جاقتىڭ ساياسي سەنىمدىلىگى ۇزدىكسىز تەرەڭدەپ، ناقتى سەلبەستىگى ورنىقتى ىلگەرىلەپ، حالىق رايى نەگىزى كۇن سايىن بەكەمدەلدى. بيىل ەكى ەل مەملەكەت باسشىلارى ەكى رەت بەتپە - بەت كەزدەسىپ، ەكى جاقتى قارى - قاتىناستىڭ دامۋىنا جان - جاقتى ورنالاستىرۋ جاسادى، سونداي - اق جۇڭگو مەن رەسەيدىڭ حالىقتار ارا دوستىق ىستەرىن ىلگەرىلەتۋگە ايقىن باعدار كورسەتتى. كوميتەتتىڭ ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، كەلەر جىلى جۇڭگو مەن رەسەيدىڭ ديپلوماتيالىق قارىم - قاتىناس ورناتقانىنىڭ 75 جىلدىعىن قۇتتىقتاۋدى جانە مادەنيەت جىلىن وتكىزۋدى وراي ەتىپ، حالىقتىق ديپلوماتيانىڭ قۇدىرەتتى ۇيىستىرۋ قۋاتىن، باۋراۋ قۋاتىن جانە قوزعاۋشى كۇشىن تولىق ساۋلەلەندىرىپ، ەكى ەل قارى - قاتىناسىنىڭ دامۋىنا تىڭ دا اناعۇرلىم زور ۇلەس قوسۋىن ءۇمىت ەتەمىن.

　　كوميتەتتىڭ رەسەي جاق ءتوراعاسى تيتوۆ مىنانى ءبىلدىردى: رەسەي – جۇڭگو قارىم - قاتىناسى تاريحتاعى جوعارى دەڭگەيدە تۇر، گۋمانيتارلىق اۋىس - كۇيىس پەن ناقتى سەلبەستىكتە كورنەكتى تابىستارعا قول جەتتى. كوميتەت كەلەر جىلعى ماڭىزدى ۋاقىت كەزەڭدەرىن مىقتى يگەرىپ، ەكى ەلدىڭ حالىقتار ارا بارىس - كەلىسىن ۇزدىكسىز ىلگەرىلەتىپ، رەسەي - جۇڭگو قارى - قاتىناسىنىڭ ۇزدىكسىز تىڭ ساتىعا كوتەرىلۋىنە دەم بەرەدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved