شي جينپيڭ 10 - رەتكى مەملەكەتتىك نەگىزگى زاڭ كۇنى قارساڭىندا ماڭىزدى نۇسقاۋ بەرىپ بىلاي دەپ دارىپتەدى
نەگىزگى زاڭنىڭ بەدەلى مەن ابىرويىن باتىل قورعاپ، نەگىزگى زاڭنىڭ كەمەلدەنۋى مەن دامۋىن ىلگەرىلەتىپ، نەگىزگى زاڭنىڭ ەل باسقارۋداعى ماڭىزدى رولىن اناعۇرلىم ويداعىداي ساۋلەلەندىرۋ كەرەك
جاۋ لىجي مەملەكەتتىڭ نەگىزگى زاڭ كۇنى اڭگىمە ماجىلىسىنە قاتىناستى ءارى ءسوز سويلەدى
2023.12.05 16:47 كەلۋ قاينارى : حالىق تورابى
■ نەگىزگى زاڭ _ مەملەكەتتى باسقارىپ، ەلدى تىنىشتاندىرۋدىڭ باس ۋستاۆى، پارتيامىزدىڭ ەل باسقارۋداعى ءتۇبىرلى زاڭدىق نەگىزى، مەملەكەتتىڭ ساياسي جانە قوعامدىق ءومىرىنىڭ ەڭ جوعارى زاڭدىق ولشەمى. پارتيا 18 - قۇرىلتايىنان بەرى پارتيا نەگىزگى زاڭ قىزمەتىنە جاپپاي باسشىلىقتى كۇشەيتىپ، جۇڭگوشا سوتسياليستىك نەگىزگى زاڭ نازارياسى مەن نەگىزگى زاڭ امالياتىن بايىتىپ جانە دامىتىپ، ەلىمىزدىڭ نەگىزگى زاڭ ءتۇزىمى قۇرىلىسى مەن نەگىزگى زاڭدى اتقارۋدا تاريحي تابىستارعا قول جەتكىزۋدى ىلگەرىلەتتى
■ جاڭا جورىقتا نەگىزگى زاڭنىڭ بەدەلى مەن ابىرويىن باتىل قورعاپ، نەگىزگى زاڭنىڭ كەمەلدەنۋى مەن دامۋىن ىلگەرىلەتىپ، نەگىزگى زاڭنىڭ ەل باسقارۋداعى ماڭىزدى رولىن اناعۇرلىم ويداعىداي ساۋلەلەندىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە بەرىك كەپىلدىك ازىرلەۋ كەرەك. ساياسي ءتۇزىم سەنىمىن بەكەمدەپ، نەگىزگى زاڭدا بەلگىلەنگەن جۇڭگو كوممۋنيستىك پارتياسىنىڭ باسشىلىق ورنىنان اۋىتقىماۋدا، نەگىزگى زاڭدا بەلگىلەنگەن حالىق دەموكراتياسى ديكتاتۋراسىندىق مەملەكەت قۇرىلىمى مەن حالىق قۇرىلتايى ءتۇزىمىنىڭ ساياسي قۇرىلىمىنان اۋىتقىماۋدا تاباندى بولۋ كەرەك. جاڭا ءداۋىر جۇڭگوشا سوتسياليستىك زاڭمەن جونگە سالۋ يدەياسىن دايەكتىلەندىرىپ، نەگىزگى زاڭ بەلگىلەمەلەرىن، نەگىزگى زاڭ پرينسيبىن، نەگىزگى زاڭ رۋحىن جاپپاي دايەكتىلەندىرۋدە تاباندى بولىپ، نەگىزگى زاڭدى اتقارۋدى، نەگىزگى زاڭدى ءتۇسىندىرۋدى، نەگىزگى زاڭدىق باقىلاۋدى جۇيەلى ىلگەرىلەتۋدە تاباندى بولىپ، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن جەدەل كەمەلدەندىرىپ، نەگىزگى زاڭدى اتقارۋ جانە باقىلاۋ دەڭگەيىن ۇزدىكسىز جوعارىلاتۋ كەرەك. نەگىزگى زاڭ جونىندەگى نازاريالىق زەرتتەۋ مەن ۇگىت - تاربيەنى كۇشەيتىپ، ءبىلىمدى جالپىلاستىرۋعا، نازاريالىق تۇسىنىك جاساۋعا، كوزقاراس ارقىلى جەتەكتەۋگە جاپپاي كۇش سالۋدا تاباندى بولىپ، تۇتاس قوعامدا نەگىزگى زاڭ رۋحىن، سوتسياليستىك زاڭمەن جونگە سالۋ رۋحىن بارىنشا اسقاقتاتىپ، نەگىزگى زاڭنىڭ اتقارىلۋىن جالپى حالىقتىڭ سانالى ارەكەتىنە اينالدىرۋ كەرەك
شينحۋا اگەنتتىگى، 12 - ايدىڭ 4 - كۇنى، بەيجيڭ. 10 - رەتكى مەملەكەتتىك نەگىزگى زاڭ كۇنى كەلۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ بىلاي دەپ اتاپ كورسەتتى: نەگىزگى زاڭ _ مەملەكەتتى باسقارىپ، ەلدى تىنىشتاندىرۋدىڭ باس ۋستاۆى، پارتيامىزدىڭ ەل باسقارۋداعى ءتۇبىرلى زاڭدىق نەگىزى، مەملەكەتتىڭ ساياسي جانە قوعامدىق ءومىرىنىڭ ەڭ جوعارى زاڭدىق ولشەمى. پارتيا 18 - قۇرىلتايىنان بەرى پارتيا نەگىزگى زاڭ قىزمەتىنە جاپپاي باسشىلىقتى كۇشەيتىپ، جۇڭگوشا سوتسياليستىك نەگىزگى زاڭ نازارياسى مەن نەگىزگى زاڭ امالياتىن بايىتىپ جانە دامىتىپ، ەلىمىزدىڭ نەگىزگى زاڭ ءتۇزىمى قۇرىلىسى مەن نەگىزگى زاڭدى اتقارۋدا تاريحي تابىستارعا قول جەتكىزۋدى ىلگەرىلەتتى.
شي جينپيڭ بىلاي دەپ دارىپتەدى: جاڭا جورىقتا نەگىزگى زاڭنىڭ بەدەلى مەن ابىرويىن باتىل قورعاپ، نەگىزگى زاڭنىڭ كەمەلدەنۋى مەن دامۋىن ىلگەرىلەتىپ، نەگىزگى زاڭنىڭ ەل باسقارۋداعى ماڭىزدى رولىن اناعۇرلىم ويداعىداي ساۋلەلەندىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە بەرىك كەپىلدىك ازىرلەۋ كەرەك. ساياسي ءتۇزىم سەنىمىن بەكەمدەپ، نەگىزگى زاڭدا بەلگىلەنگەن جۇڭگو كوممۋنيستىك پارتياسىنىڭ باسشىلىق ورنىنان اۋىتقىماۋدا، نەگىزگى زاڭدا بەلگىلەنگەن حالىق دەموكراتياسى ديكتاتۋراسىندىق مەملەكەت قۇرىلىمى مەن حالىق قۇرىلتايى ءتۇزىمىنىڭ ساياسي قۇرىلىمىنان اۋىتقىماۋدا تاباندى بولۋ كەرەك. جاڭا ءداۋىر جۇڭگوشا سوتسياليستىك زاڭمەن جونگە سالۋ يدەياسىن دايەكتىلەندىرىپ، نەگىزگى زاڭ بەلگىلەمەلەرىن، نەگىزگى زاڭ پرينسيبىن، نەگىزگى زاڭ رۋحىن جاپپاي دايەكتىلەندىرۋدە تاباندى بولىپ، نەگىزگى زاڭدى اتقارۋدى، نەگىزگى زاڭدى ءتۇسىندىرۋدى، نەگىزگى زاڭدىق باقىلاۋدى جۇيەلى ىلگەرىلەتۋدە تاباندى بولىپ، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن جەدەل كەمەلدەندىرىپ، نەگىزگى زاڭدى اتقارۋ جانە باقىلاۋ دەڭگەيىن ۇزدىكسىز جوعارىلاتۋ كەرەك. نەگىزگى زاڭ جونىندەگى نازاريالىق زەرتتەۋ مەن ۇگىت - تاربيەنى كۇشەيتىپ، ءبىلىمدى جالپىلاستىرۋعا، نازاريالىق تۇسىنىك جاساۋعا، كوزقاراس ارقىلى جەتەكتەۋگە جاپپاي كۇش سالۋدا تاباندى بولىپ، تۇتاس قوعامدا نەگىزگى زاڭ رۋحىن، سوتسياليستىك زاڭمەن جونگە سالۋ رۋحىن بارىنشا اسقاقتاتىپ، نەگىزگى زاڭنىڭ اتقارىلۋىن جالپى حالىقتىڭ سانالى ارەكەتىنە اينالدىرۋ كەرەك.
مەملەكەتتىك حالىق قۇرىلتايى تۇراقتى كوميتەتىنىڭ كەڭسە مەڭگەرمەسى 12 - ايدىڭ 4 - كۇنى ورتالىق كوميتەتتىڭ ۇگىت بولىمىمەن، ءادىليا مينيسترلىگىمەن بىرگە بەيجيڭدە ”نەگىزگى زاڭ رۋحىن اسقاقتاتىپ، نەگىزگى زاڭنىڭ اتقارىلۋىن كۇشەيتىپ، مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋىن نەگىزگى زاڭمەن قامتاماسىز ەتۋ“ اڭگىمە ءماجىلىسىن وتكىزدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي اڭگىمە ماجىلىسىنە قاتىناستى ءارى ءسوز سويلەدى.
جاۋ لىجي سوزىندە بىلاي دەپ دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، نەگىزگى زاڭدى اتقارۋ جانە ۇگىت - تاربيە قىزمەتىن جاپپاي ىلگەرىلەتىپ، مەملەكەتتىڭ ءتۇبىرلى زاڭىنىڭ ابزالدىعى مەن رولىن تولىق ساۋلەلەندىرۋ كەرەك.
جاۋ لىجي بىلاي دەپ اتاپ كورسەتتى: پارتيا 18 - قۇرىلتايىنان بەرى باس شۋجي شي جينپيڭ نەگىزگى زاڭ مەن نەگىزگى زاڭنىڭ اتقارىلۋى جونىندە ءبىرقىدىرۋ ماڭىزدى سوزدەر مەن ماقالالار جاريالاپ، ءبىرقىدىرۋ ماڭىزدى نۇسقاۋلار بەرىپ، جۇڭگوشا سوتسياليستىك نەگىزگى زاڭ نازارياسىن بايىتىپ جانە دامىتىپ، جاڭا داۋىردەگى جۇڭگونىڭ نەگىزگى زاڭ امالياتىنىڭ جاڭا تاراۋىن جازۋعا ءتۇبىرلى تياناق جانە ارەكەت باعدارناماسىن ازىرلەدى. جۇڭگو كوممۋنيستىك پارتياسىنىڭ باسشىلىعىندا تاباندى بولۋ _ ەلىمىزدىڭ نەگىزگى زاڭىنىڭ ەڭ ايقىن ەرەكشەلىگى، ەڭ ءتۇبىرلى تالابى ەكەنىن جەتە تانىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ ورىنداپ، پارتيا باسشىلىعىنىڭ پارتيا مەن مەملەكەت ىستەرىنىڭ ءار جاعىندا جان - جاقتى، جۇيەلى، تۇتاس تۇلعالى تياناقتانۋىنا كەپىلدىك ەتۋ كەرەك. ەلىمىزدىڭ نەگىزگى زاڭى _ ايقىن سوتسياليستىك سيپات الاتىن نەگىزگى زاڭ، شىن مانىندەگى حالىقتىڭ نەگىزگى زاڭى ەكەنىن جەتە تانىپ، جۇڭگو ۇلگىسىندەگى وسىزامانداندىرۋدىڭ ماندىك تالابىن مىقتى يگەرىپ، نەگىزگى زاڭ ارقىلى ورتاق تانىمدى ۇيىستىرىپ، ىنتىماقتاسا كۇرەس جۇرگىزەتىن كۇش توپتاۋ كەرەك. ەلىمىزدىڭ نەگىزگى زاڭىنىڭ بارىنەن جوعارى تۇراتىن زاڭ – ءتۇزىم ورنى مەن قۇدىرەتتى زاڭ - ءتۇزىم كۇشى بار ەكەنىن جەتە تانىپ، نەگىزگى زاڭدى جاپپاي دايەكتى اتقارۋ − مەملەكەتتى جاپپاي زاڭمەن جونگە سالۋدىڭ ماڭداي الدى مىندەتى دەپ ءبىلىپ، زاڭمەن جونگە سالۋ ارناسىندا جاپپاي سوتسياليستىك وسىزاماندانعان مەملەكەت قۇرۋ كەرەك.
جاۋ لىجي بىلاي دەپ دارىپتەدى: جاڭا جورىقتا جۇڭگوشا سوتسياليستىك نەگىزگى زاڭ نازارياسىن ىشكەرىلەي ۇيرەنىپ، دايەكتىلەندىرىپ، نەگىزگى زاڭدى جاپپاي دايەكتىلەندىرۋدى، اتقارۋدى ۇزدىكسىز تەرەڭدەتۋ كەرەك. جۇڭگوشا سوتسياليستىك زاڭ جۇيەسىن كەمەلدەندىرىپ، نەگىزگى زاڭعا قاتىستى بەلگىلەمەلەردى اتقارۋ مەحانيزمىن كەمەلدەندىرىپ، نەگىزگى زاڭدى باقىلاۋ ءتۇزىمىن كەمەلدەندىرىپ، نەگىزگى زاڭنىڭ اتقارىلۋىنا عىلمي، ءونىمدى، جۇيەلى، كەمەلدى ءتۇزىم جۇيەسى ارقىلى كەپىلدىك ەتۋ كەرەك. جۇڭگونىڭ نەگىزگى زاڭ حيكاياسىن ويداعىداي بايانداپ، نەگىزگى زاڭ رۋحىن اسقاقتاتىپ، نەگىزگى زاڭ نازارياسىن زەرتتەۋدى كۇشەيتىپ، جالپى حالىقتى نەگىزگى زاڭنىڭ ادال قاستەرلەۋشىسىنە، سانالى بويسۇنۋشىسىنا، باتىل قورعاۋشىسىنا اينالدىرۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ اڭگىمە ءماجىلىسىن باسقاردى.
ورتالىق كوميتەت ۇگىت ءبولىمىنىڭ، مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ، وقۋ - اعارتۋ مينيسترلىگىنىڭ، جۇڭگو زاڭ عىلىمى قوعامىنىڭ قاتىستى جاۋاپتى جولداستارى جانە مەملەكەتتىك حالىق قۇرىلتايىنىڭ ۋاكىلدەرى اڭگىمە ماجىلىسىندە ءسوز سويلەدى.
شياۋ جيە، حاۋ ميڭجين، جاڭ چيڭۋەي اڭگىمە ماجىلىسىنە قاتىناستى.
مەملەكەتتىك حالىق قۇرىلتايىنىڭ ارناۋلى كوميتەتتەرىندەگى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت كوميتەتتەرىندەگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، بەيجيڭدەگى ءبىر ءبولىم جوعارى مەكتەپتەر مەن عىلمي زەرتتەۋ ورىندارىنداعى مامان – وقىمىستىلار قاتارلىلار اڭگىمە ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
