مەملەكەت بويىنشا ەكونوميكانى 5 - رەت جالپى بەتتىك تەكسەرۋدەگى بارىپ تىزىمدەۋ قىزمەتى 2024 - جىلى 1 - ايدىڭ 1 - كۇنىنەن باستالادى
2023.12.11 15:09 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋەي يۇيكۇن 12 - ايدىڭ 8 - كۇنى بەيجيڭنەن حابارلايدى. مەملەكەتتىك كەڭەستىڭ مەملەكەت بويىنشا ەكونوميكانى 5 - رەت جالپى بەتتىك تەكسەرۋ قىزمەتىنە باسشىلىق ەتۋ گرۋپپاسىنىڭ ورىنباسار باستىعى، مەملەكەتتىك ساناق مەكەمەسىنىڭ باستىعى كاڭ يدىڭ 12 - ايدىڭ 8 - كۇنى ايتۋىنشا، مەملەكەت بويىنشا ەكونوميكانى 5 - رەت جالپى بەتتىك تەكسەرۋدەگى بارىپ تىزىمدەۋ قىزمەتى 2024 - جىلى 1 - ايدىڭ 1 - كۇنى رەسمي باستالادى. سول كەزدە بۇكىل ەلىمىزدەگى جالپى بەتتىك تەكسەرۋ قىزمەتكەرلەرىنەن 2 ميلليون 100 مىڭ ادام كاسىپورىندارعا، دۇكەندەرگە ىشكەرىلەي بارىپ، كوشەلەرگە دەيىن ارالاپ، ءمان - جايدى ۇعىسىپ، جالپى بەتتىك تەكسەرۋ جۇرگىزىلەتىن ءبىر ميلليون 160 مىڭ شاعىن اۋماقتا ساندى مالىمەتتەردى جيناۋ جانە تىزىمدەۋ قىزمەتىن 4 ايعا جۋىق ۋاقىت ىشىندە ورىنداپ بولادى.
كاڭ ي سول كۇنى وتكىزىلگەن مەملەكەت بويىنشا ەكونوميكانى 5 - رەت جالپى بەتتىك تەكسەرۋ قىزمەتى جونىندە ۇگىت جۇرگىزۋ ايىن باستاۋ سالتى مەن بەيجيڭ قالاسىنىڭ مەملەكەت بويىنشا ەكونوميكانى 5 - رەت جالپى بەتتىك تەكسەرۋ جونىندەگى ۇگىت جۇرگىزۋ ايىن باستاۋ سالتىندا وسىلاي دەگەن.
كاڭ ي بىلاي دەدى: مەملەكەت بويىنشا ەكونوميكانى 5 - رەت جالپى بەتتىك تەكسەرۋ قىزمەتى پارتيانىڭ 20 - قۇرىلتايى جەڭىسپەن اشىلعاننان كەيىن حالىق شارۋاشىلىعىنا تۇڭعىش رەت جۇرگىزىلەتىن ”جالپى بەتتىك تەكسەرۋ“ جانە ”شوعىرلى قورىتىندىلاۋ“ سانالادى، ەلىمىز ەكونوميكاسىنىڭ دامۋ جاعدايىن جالپى بەتتىك انىق ءبىلۋ، جاڭا داۋىردەگى جوعارى ساپالى دامۋ ءۇردىسىن دۇرىس مەڭگەرۋ، جاپپاي سوتسياليستىك وسىزامانداندىرىلعان مەملەكەت قۇرۋدى ىلگەرىلەتۋدە باستامانى جاقسى باستاۋ، باستاپقى قادامدى ويداعىداي باسۋ قاتارلى جاقتاردا ماڭىزدى ءارى تەرەڭ مانگە يە.
مەملەكەتتىك ساناق مەكەمەسى جالپى بەتتىك تەكسەرۋ ورتالىعىنىڭ مەڭگەرۋشىسى ليۋ ۋىن: ”بيىل سوڭعى جارىم جىلدا ءبىز بۇكىل ەلىمىز بويىنشا جالپى بەتتىك تەكسەرۋ جۇرگىزۋگە 2 ميلليون 100 مىڭ قىزمەتكەردى ۇيىمداستىرىپ، وتباسىلارعا دەيىن بارىپ انىقتاپ تەكسەرۋ قىزمەتىن ورىستەتىپ، تەكسەرىلەتىن وبيەكتىلەردىڭ نەگىزگى جاعدايىن جالپى بەتتىك انىقتايمىز، جالپى بەتتىك تەكسەرۋ وبيەكتىلەر مەن تەكسەرىلەتىن تۇرلەردىڭ شەكاراسىن ايقىن بەلگىلەپ، جالپى بەتتىك تەكسەرۋ تىزىمدىگىن جاساۋدى مىقتى ۇستاپ، كەلەسى قادامدا جالپى بەتتىك تەكسەرۋدەگى تىزىمدەۋ قىزمەتىن ورىستەتۋگە ويداعىداي دايىندىق جاسايمىز“، — دەدى. 2024 - جىلى جالپى بەتتىك تەكسەرۋ قىزمەتى اتقارىلاتىن كەزەڭگە وتەدى، باستى مىندەتتەر — جالپى بەتتىك تەكسەرۋگە تىزىمدەۋ، تەكسەرۋدەن كەيىنگى ساندى مالىمەتتەردىڭ ساپاسىنا قاتىستى ۇلگى الىپ تەكسەرۋدى ۇيىمداستىرۋ، جالپى بەتتىك تەكسەرۋدەگى باستى ساندى مالىمەتتەردى تەكسەرىپ بەكىتۋ، جيناقتاۋ جانە جاريالاۋ.
كاڭ ي مىنانى ءبىلدىردى: جالپى بەتتىك تەكسەرۋ قىزمەتىنە قاتىناسقان ءاربىر قىزمەتكەردىڭ جالپى بەتتىك تەكسەرۋدى عىلىمي جۇرگىزۋگە، زاڭ بويىنشا جۇرگىزۋگە تاباندى بولىپ،قىزمەتى اناعۇرلىم مۇقيات، اناعۇرلىم ءدال، اناعۇرلىم قاتاڭ تۇردە ويداعىداي ورىنداۋىن، جالپى بەتتىك تەكسەرۋ بارىسىندا ساندى مالىمەتتەردى جيناۋ مەن تەكسەرىپ بەكىتۋ مىندەتىن جوعارى ساپالى ورىنداۋىن ءۇمىت ەتەمىز. جالپى بەتتىك تەكسەرۋ قىزمەتىندەگى بارشا تەكسەرىلەتىن وبيەكتىلەردىڭ جالپى بەتتىك تەكسەرۋشى قىزمەتكەرلەردى ەسىكتى ايقارا اشىپ قارسى الۋىن، جالپى بەتتىك تەكسەرۋ قىزمەتىنە مۇقيات سايكەسىپ، جالپى بەتتىك تەكسەرىلەتىن مازمۇنداردى شىنايى مالىمدەۋىن، جاۋاپكەرشىلىگى مەن بورىشىن زاڭ بويىنشا اتقارۋىن ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
