ەلىمىزدەگى ەڭ ۇلكەن قۇرلىقتاعى جەل ەلەكتر بازاسى جالپى سيىمدىلىق بويىنشا ىسكە قوسىلىپ ەلەكتر تاراتتى
2023.12.11 16:01 كەلۋ قاينارى : حالىق تورابى
«حالىق گازەتى»، 12 - ايدىڭ 10 - كۇنى، ھينگان ايماعى (ءتىلشى ۋ يۇڭ). 12 - ايدىڭ 10 - كۇنى مەملەكەتتىڭ ءبىرىنشى توپتاعى قۇمدى ءشول، قۇبا ءتۇز، ءشول دالا وڭىرلەرىن ءتۇيىن ەتكەن ءىرى تۇرپاتتى جەل ەلەكتر، فوتوۆولت بازاسى نىسانىنىڭ ءبىرى − جۇڭگو گۋاڭدۇڭ يادرو توبى ھينگان ايماعىنىڭ 3 ميلليون كيلوۆاتتىق جەل ەلەكتر نىسانى جالپى سيىمدىلىق بويىنشا توراپتاندىرىلىپ، ەلىمىزدىڭ قۇرلىقتاعى ەڭ ۇلكەن جەل ەلەكتر بازاسىنا اينالدى.
جۇڭگو گۋاڭدۇڭ يادرو توبى ھينگان ايماعى 3 ميلليون كيلوۆاتتىق جەل ەلەكتر نىسانى ىشكى موڭعۇل ھينگان ايماعى كىيوۋ الدىڭعى حوشۇنى مەن كىيوۋ ورتا حوشۇنىنا ورنالاسقان، 2020 - جىلى قۇرىلىس باستاعان، 1 - مەرزىمدەگى ءبىر ميلليون كيلوۆاتتىق جەل ەلەكتر نىسانى 2022 - جىلى 6 - ايدا وندىرىسكە قوسىلعان. بيىل 11 - ايدىڭ 25 – كۇنى 2 - مەرزىمدەگى 2 ميلليون كيلوۆاتتىق جەل ەلەكتر نىسانىنىڭ كەرنەۋ جوعارىلاتۋ پۋنكتىنىڭ ءبىر رەتكى ەلەكترلەنۋى ءساتتى بولدى ءارى 12 - ايدىڭ 10 - كۇنى 2 - مەرزىمدىك نىساننىڭ وندىرىسكە قوسىلۋى ءساتتى ورىندالدى.
ۇعىسۋعا قاراعاندا، جۇڭگو گۋاڭدۇڭ يادرو توبى ھينگان ايماعى 3 ميلليون كيلوۆاتتىق جەل ەلەكتر نىسانىندا 701 تايفىڭ داۋىلى ەلەكتر اگراگاتى ورناتىلعان، ءار جىلى 10 ميلليارد كيلوۆات - ساعاتتان استام تازا ەلەكتر ەنەرگياسىمەن قامدايدى، تەڭ ءونىمدى كومىردىڭ سارىپ بولۋى شامامەن 2 ميلليون 960 مىڭ توننا، وسىلايشا كومىرتەگى قوس توتىعىنىڭ شىعارىلۋى شامامەن 8 ميلليون 20 مىڭ توننا ازايادى، بۇل 345 مىڭ مۋ جەرگە اعاش ەگىپ، ورمان وسىرگەنمەن بارابار، نىساننىڭ تۇتاس اينالىس مەزگىلىندەگى ھينگان ايماعىنىڭ سالىق كىرىسىنە قوساتىن ۇلەسى 5 ميلليارد يۋاننان اسادى، كورنەكتى ەكونوميكالىق ونىمدىلىك پەن ەكولوگيالىق ورتانى قورعاۋ ونىمدىلىگىنە يە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved