قالىڭ مۇگەدەكتەردىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى −
ۇقىق - مۇددەنى قامتاماسىز ەتۋ اناعۇرلىم پارمەندى بولدى، قامقورلىق جاساۋ، قىزمەت وتەۋ اناعۇرلىم ەگجەي - تەگجەيلى بولدى
«حالىق گازەتىنىڭ» ءتىلشىسى ي شۋران
2023.12.11 16:09 كەلۋ قاينارى : حالىق تورابى
ولاردىڭ دەنە مۇشەلەرىندە كەمىستىك بولعانىمەن، ءالى دە جاقسى ءومىر سۇرۋگە قۇلشىنادى؛ ولار ەرەكشە قيىنشىلىعى بار قاۋىم، سونداي - اق ەكونوميكالىق، قوعامدىق دامۋعا ات سالىسۋشى، ۇلەس قوسۋشى جانە يگىلىكتەنۋشى بولۋدى ارماندايدى.
مۇگەدەكتەر − قوعامدىق ۇلى شاڭىراقتىڭ تەرەزەسى تەڭ مۇشەسى، مۇگەدەكتەردىڭ ادامدىق ۇقىعىنا قۇرمەت ەتىپ جانە ونى قامتاماسىزداندىرىپ، ولاردىڭ قوعامدىق تۇرمىسقا بارابار تۇرعىدا جانە تەڭ ورايمەن تولىق قاتىناسۋىنا مۇمكىندىك جاساۋ − تۇتاس قوعامنىڭ ورتاق جاۋاپكەرلىگى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى مۇگەدەكتەرگە ەرەكشە كوڭىل ءبولىپ، ەرەكشە نازار اۋدارىپ، مۇگەدەكتەردىڭ ۇقىق - مۇددەسىن قامتاماسىز ەتۋ اناعۇرلىم پارمەندى بولىپ، قالىڭ مۇگەدەكتەردىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى.
مۇگەدەكتەردىڭ ءومىر ءسۇرۋ ۇقىعى ورنىقتى قامتاماسىزداندىرىلدى
مۇگەدەكتەر مەن ولاردىڭ وتباسىنىڭ تۇرمىس جاعدايىن جاقسارتۋ ءۇشىن، جەر - جەر مۇگەدەكتەردى كۇتىمدەۋگە قىزمەت وتەۋدى ىرىقتىلىقپەن ورىستەتتى.
”كۇن سۋىتا باستادى، ءبىز ونىڭ جۋىنۋىنا كومەكتەسۋگە كەلدىك“. گۇيجوۋ ولكەسى گۇيياڭ قالاسى نانميڭ رايوندىق مۇگەدەكتەر بىرلەستىگى قىزمەتكەرلەرىنىڭ ۇيگە كەلىپ قىزمەت وتەۋىنە اسەرلەنگەن، نانميڭ رايونى شۇيكوۋسى ءمالى باسقارماسىندا تۇراتىن لين مىرزانىڭ وتباسى مۇشەسى اسەرلەنە: ”سىزدەرگە راقىمەت، ءبىزدىڭ قيىن ماسەلەلەردى شەشۋىمىزگە كومەكتەسىپ قانا قويماي، ونىڭ تۇرمىس كۇيىن دە بارىنشا جاقسارتىپ وتىرسىزدار“ دەدى.
45 جاستاعى لين مىرزا سالدانىپ، ۇزاق ۋاقىتتان بەرى توسەك تارتىپ جاتىپ قالعان ەدى، كۇندەلىكتى جۋىنۋ وتە قولايسىز بولاتىن. بۇل جاعدايدان حابار تاپقاننان كەيىن، نانميڭ رايوندىق مۇگەدەكتەر بىرلەستىگى لين مىرزانى ”شۋاقتى مەكەن“ ۇيدە كۇتىمدەۋگە قىزمەت وتەۋ نىسانىنا ەنگىزىپ، ارنايىلانعان كۇتىمدەۋ قىزمەت وتەۋىمەن قامدادى.
ءومىر ءسۇرۋ − بارلىق ادامدىق ۇقىقتان يگىلىكتەنۋدىڭ نەگىزى. تاياۋ جىلداردان بەرى مۇگەدەكتەردىڭ ءومىر ءسۇرۋ جاعدايى جاقسارىپ، تۇرمىس ورەسى ۇزدىكسىز جوعارىلادى. ساناققا قاراعاندا، 2022 – جىلدىڭ سوڭىنا دەيىن بۇكىل ەل بويىنشا مۇگەدەكتەردى اماناتتاپ كۇتىمدەۋگە قىزمەت وتەيتىن ءار دارەجەلى، ءار تۇردەگى قۇرىلىمدار 8 مىڭ 906 عا جەتكەن، 155 مىڭ مۇگەدەك جاتاق تۇزىمىندەگى قىزمەت وتەۋدەن جانە كۇندىز قارايلاسۋعا قىزمەت وتەۋ قۇرىلىمدارىنىڭ اماناتتاپ كۇتىمدەۋ قىزمەت وتەۋىنەن يگىلىكتەنگەن، 472 مىڭ مۇگەدەك ۇيدە قىزمەت وتەۋدەن يگىلىكتەنگەن.
قاتىستى تاراۋلار تاعى ءبىرقىدىرۋ شارا شىعارىپ، مۇگەدەكتەردىڭ قوعامدىق قامتاماسىزداندىرۋ جۇيەسىن ونان ارى كەمەلدەندىرىپ، قامسىزداندىرۋعا قاتىناسقان ادام سانىن، قامسىزداندىرۋعا قاتىناسۋ سالىستىرماسىن ۇزدىكسىز جوعارىلاتۋدى ىلگەرىلەتىپ، مۇگەدەكتەردىڭ نەگىزگى حالىق تۇرمىسىن قامتاماسىزداندىرۋ تورابىن بەكەمدەدى.
2023 – جىلى 6 - ايدىڭ سوڭىنا دەيىن ەلىمىز مۇگەدەكتەرگە ەكى ءتۇرلى قوسىمشا قاراجات بەرۋ ءتۇزىمى ارقىلى قيىنشىلىعى بار 11 ميلليون 613 مىڭ ادامعا، مۇگەدەكتىگى سالماقتى 15 ميلليون 434 مىڭ ادامعا تيىمدىلىك جاسادى ءارى قوسىمشا قاراجات ولشەمىن يكەمدى رەتتەۋ مەحانيزمىن ورناتتى؛ 2022 – جىلدىڭ سوڭىنا دەيىن ەلىمىزدە قالا – اۋىل تۇرعىندارىنىڭ نەگىزدىك زەينەتكەرلىك قامسىزداندىرۋىنا قاتىناسقان مۇگەدەك سانى 27 ميلليون 617 مىڭعا جەتىپ، 12 ميلليون 93 مىڭ مۇگەدەك زەينەتاقى الدى.
مۇگەدەكتەردىڭ دامۋ ۇقىعى اناعۇرلىم ويداعىداي جۇزەگە استى
وتىرۋ فورماسىنداعى سپورتشىلار قار شاڭعى جارىس جولىندا قۇلشىنا سىرعانايدى، كورۋ جۇيەسى كەدەرگىگە تاپ بولعان سپورتشىلار دىبىس كومەكشى قۇرالى ارقىلى ەكى ءتۇرلى نىسانا اتۋ باسەكەسىنە تۇسە الادى، دوڭگەلەكتى ورىندىق مۇز شاۋگىم سپورتشىلارى ءبىر ۇزىن تاياقپەن جولدى دالمە - ءدال تاۋىپ شىعادى... بەيجيڭ قىسقى مۇگەدەكتەر وليمپيادا سپورت جارىسىنىڭ جارىس الاڭىندا جۇڭگو مۇگەدەك سپورتشىلارىنىڭ اسقاق جىگەرى مەن التىن مەدال تاقتاسىندا، جالپى مەدال تاقتاسىندا بىردەي ءبىرىنشى بولۋ ماقتانارلىق ناتيجەسى ەستەن كەتپەيدى.
دەنە تاربيە قيمىلدارىنا قاتىناسۋ ۇقىعى − مۇگەدەكتەردىڭ ءومىر ءسۇرۋ ۇقىعى مەن دامۋ ۇقىعىن جاپپاي جۇزەگە اسىرۋىنىڭ ماڭىزدى مازمۇنى. «جۇڭگونىڭ مۇگەدەكتەر دەنە تاربيە ىستەرىنىڭ دامۋى مەن ۇقىعىن قامتاماسىزداندىرۋ» اتتى اق تىستى كىتاپتا بىلاي دەپ اتاپ كورسەتىلدى: جۇڭگونىڭ مۇگەدەكتەر دەنە تاربيە ىستەرىنىڭ دامۋى جۇڭگونىڭ مەملەكەت جاعدايىنا ۇيلەسەدى، مۇگەدەكتەر قاۋىمىنىڭ قاجەتىنە ءونىمدى جاۋاپ قايتارىپ، مۇگەدەكتەردىڭ دەنساۋلىعىن جەبەيدى.
كوپ جىلدان بەرى ەلىمىز مۇگەدەكتەر ءىسىن مەملەكەتتىڭ ەكونوميكالىق، قوعامدىق دامۋىنىڭ جالپى تۇلعالىق جوباسىنا جانە مەملەكەتتىڭ ادامدىق ۇقىق ارەكەت جوسپارىنا ەنگىزدى، دەنە تاربيە قيمىلىنان سىرت، مۇگەدەكتەردىڭ جۇمىستانۋى، تاربيەلەنۋى، بوگەتسىز ءجۇرىس - تۇرىسى سياقتى ۇقىق - مۇددەسى اناعۇرلىم ويداعىداي قامتاماسىز ەتىلدى −
كوپ ارنامەن، كوپ فورمامەن مۇگەدەكتەردىڭ جۇمىستانۋى، شارۋاشىلىق قۇرۋى جەبەلىپ، ءتىپتى دە كوپ مۇگەدەكتەر ەڭبەك ارقىلى كىرىس كىرگىزىپ، قۇنىن جۇزەگە اسىرىپ، ءتىپتى دە جاقسى، ءتىپتى دە سالاۋاتتى تۇرمىس كەشىردى. 2022 – جىلدىڭ سوڭىنا دەيىن قالا – اۋىلداعى كۋالىگى بار مۇگەدەكتەردىڭ جۇمىستانعاندارىنىڭ سانى 9 ميلليون 55 مىڭعا جەتتى. قازىر بۇكىل ەل بويىنشا 3 مىكڭ 508 مۇگەدەكتەردى جۇمىستاندىرۋ بويىنشا سۇيەمەلدەۋ بازاسى 45 مىڭ مۇگەدەكتى جۇمىسقا ورنالاستىرىپ، 80 مىڭ مۇگەدەگى بار وتباسىنىڭ كىرىستى ارتتىرۋىنا جەبەۋشى بولدى.
مۇگەدەكتەردىڭ بارابار ءبىلىم الۋ ۇقىعىنان يگىلىكتەنۋىن قامتاماسىزداندىرىلدى. تاياۋ جىلداردان بەرى ەلىمىز جەكە ەمتيحان الۋ، جەكە قابىلداۋ ساياساتىن ۇزدىكسىز كەمەلدەندىردى، سونىمەن بىرگە، مۇگەدەكتەر سياقتى ەرەكشە قاۋىمنىڭ ادەتتەگى جوعارى مەكتەپ ەمتيحانىنا قاتىناسۋىنا ءبىرقىدىرۋ قولايلى شارا ازىرلەدى. قازىر جوعارى دارەجەلى وقۋ - اعارتۋ ساتىسىنداعى مۇگەدەك وقۋشىلار 101 مىڭ 200 ادام، مۇنىڭ ىشىندە 2023 - جىلى 30 مىڭ 813 وقۋشى قابىلداندى. سونىمەن بىرگە، ەلىمىزدە مۇگەدەك بالالار مەن ورەندەردىڭ مىندەتتى وقۋ – اعارتۋ بويىنشا وقۋعا ءتۇسۋ شاماسى %96 تەن اسىپ، ەرەكشە وقۋ - اعارتۋدى جالپىلاستىرۋ ورەسى مەن قامتاماسىزداندىرۋ شارت - جاعدايى جوعارىلادى. 2022 – جىلدىڭ سوڭىنا دەيىن بۇكىل ەل بويىنشا ەرەكشە وقۋ – اعارتۋدا وقىپ جاتقان وقۋشىلار 918 مىڭ 500 ادامعا جەتتى، ەرەكشە وقۋ – اعارتۋ مەكتەپتەرى 2 مىڭ 314 بولدى، ەرەكشە وقۋ – اعارتۋ ارناۋلى وقىتۋشىلارى 72 مىڭ 700 ادامعا جەتتى.
2023 - جىلى 6 - ايدىڭ 28 - كۇنى 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 3 - ءماجىلىسى بوگەتسىز ورتا قۇرىلىسى زاڭىن قاراپ ماقۇلداپ، بوگەتسىز ورتا قۇرىلىسىنىڭ ساپالى دامۋىن ىلگەرىلەتۋدى زاڭمەن جونگە سالۋ جاعىنان بەرىك قامتاماسىز ەتتى. تاياۋ جىلداردان بەرى بۇكىل ەل بويىنشا 469 بوگەتسىز قالا، اۋدان، قىستاق - قالاشىق قۇرىلدى؛ 2021 - جىلدان 2023 - جىلى 10 - ايعا دەيىن جيىنى ءبىر مىڭ 924 اكىمشىلىك ىستەر سايتى مەن APP دەتالىنا كەدەرگىسىز بولۋ جاعىنان وزگەرىس جاسالدى؛ تەمىر جول جۇيەسى مۇگەدەكتەردىڭ ينتەرنەتتە تەمىر جول ارناۋلى ورىندىق بەلەتىن ساتىپ الۋىنا قىزمەت وتەۋدى اشتى؛ فينانس، پوچتا، ساياحات سياقتى سالالاردا بوگەتسىزدىك قۇرىلىسى جەدەل ىلگەرىلەتىلدى... بوگەتسىز ورتا ۇزدىكسىز ساپالىلانىپ، مۇگەدەكتەردىڭ جەكە ارەكەت قابىلەتى ۇزدىكسىز جوعارىلادى.
مۇگەدەكتەردىڭ ءتىپتى دە كوركەم بولاشاققا يە بولۋىنا كومەك كورسەتىلدى
ەلىمىزدە قازىر 85 ميلليون مۇگەدەك بار، مۇگەدەكتەردىڭ تۇرمىس جاعدايىن مۇگەدەكتەردىڭ تاماشا تۇرمىسقا دەگەن تىلەگىمەن سالىستىرعاندا، ءالى دە ءبىرشاما زور پارىق بار، مۇگەدەكتەردىڭ تەڭدىك ۇقىق - مۇددەسىن تولىق قامتاماسىزداندىرىپ، مۇگەدەكتەردىڭ توعىسپالى دامۋىن جاپپاي جەبەۋدىڭ مىندەتى اۋىر، جولى ۇزاق.
”جۇڭگو − «مۇگەدەكتەر ۇقىعى شارتىنىڭ» بەلسەندى دارىپتەۋشىسى، باتىل قولداۋشىسى جانە اتقارۋشىسى. تالاي جىلدان بەرى جۇڭگو بىرلەسكەن مەملەكەتتەر ۇيىمىنىڭ مۇگەدەكتەر ماسەلەسىنە قاتىستى ءتۇرلى ماجىلىستەرىنە جانە تالقىسىنا بەلسەنە ات سالىسىپ، حالىقارالىق قوعامنىڭ مۇگەدەكتەردىڭ كەدەيلىگىن جويۋعا ءمان بەرۋىن ىلگەرىلەتىپ، مۇگەدەكتەردىڭ ۇقىعىن قامتاماسىزداندىرۋ جونىندە سەلبەستىكتى كۇشەيتتى“. جۇڭگو حالىق داشۋەسى مۇگەدەكتەر ىستەرىن دامىتۋدى زەرتتەۋ ورنى باستىعىنىڭ ورىنباسارى ياڭ ليشيۇڭ بىلاي دەپ قارادى: مۇگەدەكتەردىڭ ادامدىق ۇقىعىن قامتاماسىزداندىرۋدا مۇگەدەكتەردىڭ قوعامدىق ات سالىسۋىنا ءتۇيىندى تۇردە نازار اۋدارىپ، مۇگەدەكتەردىڭ ىرىقسىز كومەك قابىلداۋشىدان ۇقىق تۇلعاسىنا اينالۋىن ىلگەرىلەتىپ، ولاردىڭ ەكونوميكالىق، قوعامدىق دامۋدىڭ ات سالىسۋشىلارى، ۇلەس قوسۋشىلارى جانە يگىلىكتەنۋشىلەرى بولۋىنا مۇمكىندىك جاساۋ كەرەك.
”بولاشاقتا قاتىستى زاڭدارداعى بەلگىلەمەلەردى قالاي قاتاڭ اتقارۋعا باسا نازار اۋدارىپ، سول ارقىلى مۇگەدەكتەردى كەمسىتۋدى جويۋ ءارى ولاردىڭ تەڭدىك ۇقىعىن قامتاماسىز ەتۋ، سونىمەن بىرگە، مۇگەدەكتەردىڭ ۇقىعىنا قول سۇعۋ ارەكەتتەرىن باقىلاۋ مەن جازالاۋدى كۇشەيتۋ كەرەك“ دەدى ياڭ ليشيۇڭ.
جۇڭگو حالىق داشۋەسى زاڭ شۋەيۋانىنىڭ پروفەسسورى لي جيانفەي مىنانى ءبىلدىردى: مۇگەدەكتەردىڭ ۇقىق - مۇددەسىن قامتاماسىزداندىرۋعا ساياتىن زاڭداردىڭ اتقارىلۋ بارىسىنداعى ءتۇرلى تۇزىمدەرگە جانە ءتۇرلى قامتاماسىزداندىرۋ شارالارىنا ءتۇيىندى تۇردە نازار اۋدارۋ كەرەك.
”بوگەتسىز ورتا قۇرىلىسى زاڭىن مىسالعا الساق، ول − ەلىمىزدىڭ تۇڭعىش بوگەتسىز ورتا قۇرىلىسى جونىندەگى ارناۋلى زاڭ - ەرەجەسى، ول ەرەكشە قاۋىمنىڭ جالپىلىق قاجەتىن جاپپاي قاناعاتتاندىردى، ءبىراق دايەكتى تياناقتاندىرۋ بارىسىندا، بوگەتسىز ورتا قۇرىلىسى زاڭىن اتقارۋ ەرەجەسىن جاساپ، دەر كەزىندە ءادىليالىق تۇسىنىك جاساۋ كەرەك؛ سونىمەن بىرگە، زاڭنىڭ اتقارىلۋىن تەكسەرۋ مەن الەۋمەتتىك يگىلىك ارىز - شاعىمىن ورىستەتىپ، بوگەتسىز ورتا قۇرىلىسىن سەزىنگەندە جانە باعالاعاندا عانا بوگەتسىز قۇرىلىستاعى ولقىلىقتاردى تولىقتاپ، مۇگەدەكتەرگە ۇيلەسىمدى قولايلىلىق تۋدىرىپ، مۇگەدەكتەردىڭ ىشكەرىلەي توعىسۋىن جانە تەڭ تۇرعىدا ات سالىسۋىن جەبەۋگە بولادى“ دەدى لي جيانفەي.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
