جۇڭگو اۋرۋدىڭ الدىن الۋ جانە ونى تىزگىندەۋ ورتالىعى ەسكەرتەدى:
وتباسىندا قارتتار مەن بالالار بار بولسا، تىنىس جولى اۋرۋلارىنان ساقتانۋداعى ءۇش ءتۇرلى شارانى كۇشەيتكەن ءجون
2023.12.12 15:30 كەلۋ قاينارى : حالىق تورابى
جۇڭگو اقپارات تورابىنىڭ ءتىلشىسى لي چۇن 12 - ايدىڭ 10 - كۇنى بەيجيڭنەن حابارلايدى. قازىر ءتۇرلى اۋرۋ قوزدىرعىشتار تارالعان جاعدايدا، وتباسىندا ءسابي بالالار مەن قارتتار بار بولسا، اۋرۋدان ساقتانۋدىڭ قانداي شارالارىن ورىنداۋعا كوڭىل بولگەن ءجون؟ وسى جونىندە جۇڭگو اۋرۋدىڭ الدىن الۋ جانە ونى تىزگىندەۋ ورتالىعى جۇقپالى اۋرۋلار باسقارماسى تىنىس جولى جۇقپالى اۋرۋلارى ءبولىمىنىڭ مەڭگەرۋشىسى پىڭ جىبيننىڭ 12 - ايدىڭ 10 - كۇنى ايتۋىنشا، تىنىس جولى اۋرۋلارىنان ساقتانۋدا ءۇش ءتۇرلى شارانى كۇشەيتكەن ءجون.
مەملەكەتتىك دەنساۋلىق ساقتاۋ - سالاماتتىق كوميتەتى سول كۇنى اقپار جاريالاۋ ءماجىلىسىن اشىپ، قىس مەزگىلىندەگى تىنىس جولى اۋرۋلارىنان ساقتانۋ جانە ەمدەۋگە قاتىستى جاعدايلاردى تانىستىردى. پىڭ جىبين مىنانى ءبىلدىردى: قىس پەن كوكتەم مەزگىلى تىنىس جولى جۇقپالى اۋرۋلارى ءجيى تۋىلاتىن مەزگىل، بالالاردىڭ يممۋنيتەت جۇيەسى ءالى تولىق جەتىلمەگەن بولۋى مۇمكىن، قارتتاردىڭ يممۋنيتەت يقۋاتى دا ءبىرشاما السىرەگەن بولۋى ىقتيمال. جەكە باستىڭ تاماشا تازالىق ادەتىن ساقتاۋ جانە ورتا تازالىعىن ويداعىداي ساقتاۋ نەگىزىندە، ساقتانۋ شارالارىن كۇشەيتكەن ءجون.
بىرىنشىدەن، ۆاكسينا ەكتىرۋدى ەرتەرەك ورىستەتكەن ءجون. پىڭ جىبين بىلاي دەدى: ۆاكسينا ەكتىرۋ ارقىلى جۇعىمدالۋدى ازايتۋعا، اۋىر ناۋقاسقا شالدىعۋ حاۋپىن ازايتۋعا بولادى، سونىمەن بىرگە، بۇل جۇقپالى اۋرۋلاردان ساقتانۋدىڭ ەڭ ۇتىمدى، ەڭ ءونىمدى جولى. سابيلەر مەن قارتتار جاڭا تيپتى ايدارشا ۆيرۋس، جۇقپالى تۇماۋ، وكپە قابىنۋ شارشا باكتەرياسى قاتارلىلاردىڭ ۆاكسيناسىن ەرتەرەك ەكتىرگەنى ءجون.
ەكىنشىدەن، تىنىس جولى قابىنۋ اۋرۋلارى ءجيى تۋىلاتىن مەزگىلدە، سابيلەر مەن قارتتار ادام شوعىرلانعان، ءبىرشاما تۇيىق ورىندارعا بارۋدان مۇمكىندىگىنشە ساقتانعانى ءجون. ەگەر ءسوزسىز بارۋعا تۋرا كەلسە، ماسكى تاعىپ، تىنىس جولى اۋرۋلارىمەن جۇعىمدالۋ حاۋپىنەن ساقتانعان وڭ.
ۇشىنشىدەن، قارتتار مەن سابيلەردىڭ دەنساۋلىعىن كۇندەلىكتى تەكسەرۋدى كۇشەيتۋ قاجەت، ەگەر قىزۋى ورلەۋ، جوتەلۋ قاتارلى تىنىس جولى جۇعىمدالۋ بەلگىلەرى بايقالسا، ەرتەرەك شيپاگەرگە كورسەتۋ، سونىمەن بىرگە، شيپاگەردىڭ ايتۋى بويىنشا ءدارىنى حاۋىپسىز، عىلىمي تۇردە ىشكەنى ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
