- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى وبلىس جياڭسۋ ولكەسىنىڭ 18 – كەزەكتى حالىقارالىق كيىم – كەشەك كورمەسىنە ۇيىرمە ۇيىمداستىردى
وبلىسقا توتە قاراستى ورىندارداعى 18 كاسىپورىن كورمەدە ءوز ەرەكشەلىگىن ايگىلەمەكشى
2016.09.08 14:00
جياڭسۋ ولكەلىك حالىق ۇكىمەتى ۇيىمداستىرعان 18–كەزەكتى جۇڭگو جياڭسۋ حالىقارالىق كيىم–كەشەك كورمەسى قىركۇيەكتىڭ 9–كۇنىنەن 11– كۇنىنە دەيىن نانجيڭ حالىقارالىق كورمە ورتالىعىندا وتكىزىلەدى. اۆتونوميالى وبلىس بۇل جونىندە مۇقيات ورنالاستىرۋ جاساپ، ۇيىرمە ۇيىمداستىردى، وسى كەزەكتى كورمەگە وبلىسقا توتە قاراستى ورىنداردان 18 كاسىپورىن قاتىناسادى.
جياڭسۋ ولكەسى مەن شينجياڭ ۇيعۇر اۆتونوميالى رايونى تامىزدىڭ 22–كۇنى قول قويىسقان «جياڭسۋ مەن شينجياڭنىڭ ىلەنىڭ (جياڭسۋ) توقىماشىلىق، كيىم–كەشەك كاسىپ باقشاسى جۇلگەسىن بىرگە قۇرۋ كەلىسىمىن» جاپپاي دايەكتى تياناقتاندىرۋ، كەڭ كولەمدە ۇگىت جۇرگىزۋ، جان–جاقتى تانىستىرۋ، جياڭسۋدىڭ توقىماشىلىق، كيىم–كەشەك كاسىپورىندارىن ىلەگە باۋراۋ، كاسىپتەندىرۋدى جەبەۋ، حالىقتى بايۋ جولىنا باستاۋ ءۇشىن اۆتونوميالى وبلىس قىركۇيەكتىڭ 4–كۇنىنەن باستاپ وسى رەتكى كورمەگە قاتىناساتىن ۇيىرمەنى ۇيىمداستىردى، وبلىسقا توتە قاراستى ورىندارداعى جەرگىلىكتى 18 كاسىپورىن جياڭسۋدا كورمەگە قاتىناسادى، جارمەنكە كولەمى 162 شارشى مەتر، شينجياڭ كورمە ورنىنىڭ ٪52 ىن ۇستايدى. ىلەنىڭ ۇيىرمەسى نەگىزىنەن قازاقتىڭ ۇلتتىق كيىمىن، اتلاس كيىمدەردى، سىبە ۇلتىنىڭ كەستەلى كيىم–كەشەگى مەن بۇيىمدارىن نەگىز ەتىپ، اۆتونوميالى وبلىستىڭ كوپ نەگىزدى ۇلتتىق سالت–سانا مادەنيەتىن جان–جاقتى ايگىلەپ، كيىم–كەشەك بۇيىمدارى بازارىن مۇمكىندىگىنشە كەڭەيتپەكشى.
قىركۇيەكتىڭ 5–كۇنىنەن 7–كۇنىنە دەيىن وبلىسقا توتە قاراستى ورىندار ءتۇيىندى اۋدان–قالالاردان 3 گرۋپپا ۇيىمداستىرىپ، جياڭسۋ ولكەسىنىڭ نانتۇڭ، سۋجوۋ، چاڭجوۋ قالالارىنا جىبەردى، ولار ءتۇيىندى باقشا رايوندارى مەن كاسىپورىنداردى ارالاپ، قول قويىسقان كەلىسىمدى ۇگىتتەپ، ىلەنىڭ توقىماشىلىق، كيىم–كەشەك كاسىبىن دامىتۋداعى بايلىق ابزالدىعى مەن ساياساتتىق ابزالدىعىن ىشكەرىلەي تانىستىرىپ، الداعى سەلبەستىك نىساندارى مەن كاسىپورىن جاعدايىن كوزدەن كەشىرۋ جونىندە كەڭەس وتكىزىپ، قاتىستى كاسىپورىنداردى ارناۋلى سەلبەستىك قيمىلدارىنا قاتىناسۋعا جانە ىلەگە كەلىپ تەكسەرۋ–زەرتتەۋ جۇرگىزۋگە ۇسىنىس ەتتى.
وسى رەتكى كورمەگە قاتىناسۋ قىزمەتىن ويداعىداي ىستەۋ ءۇشىن اۆتونوميالى وبلىس قىركۇيەكتىڭ 8–كۇنى تۇستەن بۇرىن نانجيڭ شينحۋا مەدياسى يۋەحاي حالىقارالىق قوناق سارايىندا جياڭسۋ مەن شينجياڭنىڭ ىلەنىڭ (جياڭسۋ) توقىماشىلىق، كيىم–كەشەك كاسىبى باقشاسىن بىرگە قۇرۋدى ىلگەرىلەتۋ ءماجىلىسىن اشىپ، ىشكى ولكەلەردىڭ كيىم–كەشەك مانەرلەۋ كاسىپورىندارىمەن سەلبەستىكتى كۇشەيتپەكشى.
وبلىستىق ەكونوميكا–ينفورماتسيالاندىرۋ كوميتەتى پارتگرۋپپاسىنىڭ مۇشەسى، تەكسەرشى حوۋ گاۋجى تىلشىگە بىلاي دەدى: اۆتونوميالى وبلىستىڭ توقىماشىلىق، كيىم–كەشەك كاسىبى بىرنەشە جىلدان بەرى توتەنشە تەز قارقىنمەن دامۋدا، بيىل تامىزدىڭ 22–كۇنى جۇلگەلىك كەلىسىمگە قول قويىلىپ، ەكى جەردىڭ توقىماشىلىق، كيىم–كەشەك كاسىبى سەلبەستىگىنىڭ تىڭ داستانى جازىلدى. ول ءتىپتى دە كوپ توقىماشىلىق، كيىم–كەشەك كاسىپورىندارىنىڭ جۇلكەلىك كەلىسىمىنىڭ توقىماشىلىق، كيىم–كەشەك كاسىپورىندارىن قولداۋىن، ىشكى ولكەلەردەگى توقىماشىلىق، كيىم–كەشەك كاسىپورىندارىنىڭ ىلەنىڭ توقىماشىلىق، كيىم–كەشەك كاسىبىنىڭ دامۋىنا نازار اۋدارۋىن جانە اتسالىسۋىن ءۇمىت ەتەتىندىكتەرىن ءبىلدىردى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
