- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىسقا توتە قاراستى ورىندار گۋاڭدۇڭنان شەكارا رايوندارعا كومەكتەسۋشى قىزمەتكەرلەردىڭ شينجياڭعا كەلگەندىگىنىڭ 60 جىلدىعىن قۇتتىقتاۋ جينالىسىن وتكىزدى
2016.09.08 14:00
گۋاڭدۇڭنان شەكارا رايوندارعا كومەكتەسۋشى قىزمەتكەرلەردىڭ شينجياڭعا كەلگەندىگىنىڭ 60 جىلدىعىن قۇتتىقتاۋ جينالىسى قىركۇيەكتىڭ 6–كۇنى ىلە قوناق سارايىندا وتكىزىلدى. وبلىستىق پارتكومنىڭ ورىنباسار شۋجيى، ساياسي–زاڭ كوميتەتىنىڭ شۋجيى لي ميڭحۇي جينالىسقا قاتىناستى ءارى ارناۋ ءسوز سويلەدى.
لي ميڭحۇي بىلاي دەدى: گۋاڭدۇڭنان شينجياڭعا 1–توپتا شەكارا رايوندارعا كومەكتەسۋگە كەلگەن قىزمەتكەرلەر جاپا–ماشاقاتتى 60 جىل بارىسىندا شينجياڭنىڭ، ىلەنىڭ ەكونوميكاسىنىڭ دامۋى مەن قوعامىنىڭ ورنىقتىلىعى ءۇشىن كورنەكتى ۇلەستەر قوستى، ءار دارەجەلى پارتكومدار جانە ىلەدەگى ءار ۇلت بۇقاراسى مۇنى ماڭگى ەستەن شىعارمايدى. ولاردىڭ وسىنداي ءۇن–ءتۇنسىز قىزمەت ىستەۋ، قالتقىسىز ۇلەس قوسۋ، ادال بولۋ رۋحى گۋاڭدۇڭدىقتاردىڭ ۇرپاقتارىن، ءتىپتى، بىرنەشە ۇرپاق گۋاڭدۇڭدىقتاردى جىگەرلەندىرىپ، اسا باعالى رۋحاني بايلىققا اينالدى.
لي ميڭحۇي مىنانى باسا دارىپتەدى: وسىنداي رۋحتى ماڭگى جالعاستىرۋىمىز، ساۋلەلەندىرۋىمىز كەرەك. گۋاڭدۇڭ مەن ىلەنىڭ اۋىس–كۇيىسىن، سەلبەستىگىن دامۋدىڭ جاڭا جاعدايىن جاراتۋمەن، ىلەدەگى ءار ۇلت حالقىنىڭ ءبىر اۋىزدىلىقتى ساقتاۋىمەن ۇزدىكسىز ۇشتاستىرىپ، ەكى جەردىڭ جاپپاي دوڭگەلەك داۋلەتتى قوعام قۇرۋى ءۇشىن تىنباي قۇلشىنۋىمىز كەرەك.
سول كۇنى ىلە قوناق سارايىندا شينجياڭعا كومەككە كەلگەن گۋاڭدۇڭدىق قارتتار مەن ولاردىڭ ۇرپاقتارىنان جانە جەر – جەردەن كەلگەندەردەن بولىپ نەشە ءجۇز ادام شينجياڭعا كەلگەندىگىنىڭ 60 جىلدىعىن ەسكە ءتۇسىرۋ قيمىلىنا قاتىناستى.
وسى رەتكى جينالىستى باسقارعان وبلىستىق ساياسي كەڭەستىڭ بۇرىنعى ورىنباسار ءتوراعاسى ساي چۋيجيان بىلاي دەدى: 60 جىلدان بەرى توپ–توبىمەن كەلگەن گۋاڭدۇڭدىق پەرزەنتتەر اسەرلى سەزىم، جالىندى جاستىق ارمانىن، شەكارانى كوركەيتۋ تاماشا تىلەگىن ارقالاپ شينجياڭعا كەلىپ، شينجياڭدا تاباندىلىقپەن كۇرەس جۇرگىزىپ، مۇندا تەرەڭ تامىر تارتتى، ايرىقشا جاپالى جاعدايدا وزدەرىنىڭ جاستىق كوكتەمى مەن جالىندى جىگەرى، مۇرات–سەنىمى ارقىلى ايبىندى داستان جازىپ، كەيىنگى ۇرپاقتارعا جىگەر باعىشتايتىن رۋحاني بايلىق قالدىردى.
زەينەتكە شىققان گۋاڭدۇڭدىق ساقا كادر ۋىن ماۋلين بىلاي دەدى: ءبىز ەرتەدە گۋاڭدۇڭنان شينجياڭعا كەلگەن شەكارا رايوندارعا كومەكتەسۋشى قىزمەتكەرلەرمىز، كەزىندەگى بوز جىگىتتەر مەن بويجەتكەندەر ىلەدە 60 جىلدى باسىنان وتكەرىپ، بۇل كۇندەرى تۇگەل جاسى ەگدەلەپ اقساقالدى كاريا، اق سامايلى اجە بولدى. 60 جىلدا شينجياڭنىڭ، ىلەنىڭ بەت–بەينەسىندە زور وزگەرىستەر تۋىلدى، قوعام كۇن سايىن دامىدى، ۇلتتار ىنتىماعى ۇزدىكسىز بەكەمدەلدى، حالىق تۇرمىسى كورنەكتى جاقساردى، وسىنداي تاماشا جاعدايدى كوپشىلىك ورتاق سەزىنىپ وتىر. گۋاڭدۇڭنان شەكارا رايوندارعا كومەكتەسۋگە كەلگەن كادرلاردىڭ بۇدان كەيىن داۋىرمەن بىرگە ۇزدىكسىز العا باسىپ، زەينەتكە شىقسا دا جىگەرىن مۇقالتپاي، ىلەنىڭ قوعام ورنىقتىلىعى مەن دامۋى سىندى جالپى جاعدايدى توڭىرەكتەپ، جايدارلى كوڭىل كۇيدى بەينەلەۋ، تاماشا تۇرمىستى ايگىلەۋ، دامۋ وزگەرىستەرىن بۇكپەسىز ايتۋ سياقتى فورمالار ارقىلى جۇڭگو ارمانىن جۇزەگە اسىرۋ ءۇشىن وڭ ەنەرگيا توپتاۋىن ءۇمىت ەتەمىن.
ۇعىسۋىمىزشا، وتكەن عاسىردىڭ 50 –جىلدارىنىڭ ورتا، سوڭعى مەزگىلدەرىندە گۋاڭدۇڭنىڭ جەر–جەرىنەن سارالانعان 600 دەن ارتىق جاس پارتيا ورتالىق كوميتەتىنىڭ «شەكارا رايوندارعا، وتانىمىزدىڭ ەڭ قاجەت ەتكەن جەرلەرىنە بارۋ» جونىندەگى ۇندەۋىنە ءۇن قوسىپ، ىلەگە كەلگەن. رەفورما جاسالىپ، ەسىك اشىلعاننان كەيىن ساۋدا سالاسىنىڭ قايراتكەرلەرى توپ–توبىمەن ىلەگە كەلىپ، گۋاڭدۇڭ مەن ىلەنىڭ ەكونوميكا–ساۋدا ىستەرىندە كوپىرلىك رول اتقارعان ءارى ىلە گۋاڭدۇڭ ساۋدا قوعامى قۇرىلىپ، بۇرىنعىلاردىڭ داڭقتى ءداستۇرى جالعاستىرىلىپ، ىلەنىڭ ەكونوميكاسىنىڭ دامۋى جەبەلگەن.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
