جاڭا تيپتى ايدارشا ۆيرۋس ۆاكسيناسىن ەكتىرگەندە نەلەرگە كوڭىل ءبولۋ كەرەك؟
بەيجيڭ قالالىق اۋرۋدى تىزگىندەۋ ورتالىعى ءتورت جاقتان كەڭەس بەردى
2021.01.08 15:32 كەلۋ قاينارى : حالىق تورابى
قۇراستىرۋشىدان: قازىر كوپتەگەن دوستار جاڭا تيپتى ايدارشا ۆيرۋس ۆاكسيناسىن ەكتىرۋگە بارىنشا كوڭىل ءبولىپ وتىر، ۆاكسينا ەكتىرۋ بارىسىندا نەلەرگە كوڭىل ءبولۋ كەرەك، قانداي ادامدار ۆاكسينا ەكتىرۋگە ۇيلەسپەيدى؟ كانەكي، بىرگە نازار سالايىق.
جاڭا تيپتى ايدارشا ۆيرۋس ۆاكسيناسىن ەكتىرۋ جونىندە، بەيجيڭ قالالىق اۋرۋدى تىزگىندەۋ ورتالىعى مىناداي كەڭەس بەرەدى:
ءبىرىنشى، ەكتىرۋگە ۇيلەسپەيتىن ادامدار توبى جۇكتى ايەلدەر، بالا ەمىزۋ مەزگىلىندەگى ايەلدەر، قىزۋى ورلەپ تۇرعاندار، جۇعىمدالۋ قاتارلى اۋرۋلاردىڭ شۇعىل حارەكتىرلى مەزگىلىندە تۇرعاندار، يممۋنيتەت كەمىستىگىنە نەمەسە يممۋنيتەتتىڭ رەتسىزدىگىنە شالدىققاندار، سونداي – اق، اۋىر باۋىر – بۇيرەك اۋرۋى بارلار، ءدارى – دارمەكپەن تەجەۋگە كەلمەيتىن جوعارى قان قىسىمى بارلار، قانتتى نەسەپ اۋرۋىنىڭ قوسالقى سىرقاتتارىنا شالدىققاندار، قاتەرلى وسپەگە شالدىققاندار قاتارلىلاردى قامتيدى. ۆاكسينا ەكتىرۋشىلەردىڭ بارلىعى ەكتىرۋدەن بۇرىن جاعدايدى ءبىلىپ، ماقۇلداۋ قولحاتىنا قول قويۋى كەرەك، دەنەسى جايسىزدانىپ تۇرعاندار بولسا، كەشەۋىلدەتىپ ەكتىرۋىنە بولادى. 18 جاستان 59 جاسقا دەيىنگى ۆاكسينا ەكتىرۋ جاس كولەمىنە جاتپايتىندار كلينيكالىق سىناق دەرەكتەرى جالعاستى جاريالانىپ، ەكتىرۋگە بولاتىن – بولمايتىنى ايقىندالعانشا توسۋى كەرەك.
ەكىنشى، جاڭا تيپتى ايدارشا ۆيرۋس ۆاكسيناسىن ەكتىرۋدەن بۇرىن، بەيجيڭ قالالىق اۋرۋدى تىزگىندەۋ ورتالىعى قاتارلى بەدەلدى اقپارات قۇرالدارى جاريالاعان جاڭا تيپتى ايدارشا ۆيرۋس ۆاكسيناسى جاقپايتىن اۋرۋلار جونىندەگى بىلىمدەرگە نازار سالۋ كەرەك؛ ءوز دەنساۋلىق جاعدايىن ءبىلۋ قاجەت، ەگەر ءوزىنىڭ ۆاكسينا ەكتىرۋگە بولمايتىندارعا جاتاتىن – جاتپايتىنىن انىق بىلمەيتىن بولسا، ەكتىرگەن كەزدە دەنساۋلىق جاعدايىن ىرىقتىلىقپەن ايتىپ، ۆاكسينا ەگەتىن شيپاگەردەن ەگۋگە بولاتىن – بولمايتىنىن سۇراۋ كەرەك؛ جاقسى دەمالۋ قاجەت، دەنەنىڭ ءبىرشاما جاقسى فيزولوگيالىق كۇيدە بولۋىنا كوڭىل ءبولۋ كەرەك، ەڭ جاقسىسى اش قۇرساق ەكتىرمەۋ كەرەك؛ جاڭا تيپتى ايدارشا ۆيرۋس ۆاكسيناسىن ەكتىرۋ ورنى بىلەكتىڭ شىنتاقتان جوعارعى جاعىنداعى ءۇش بۇرىش بۇلشىق ەت، ەكتىرۋگە بارعاندا شەشۋگە قولايلى كەڭىرەك كيىم كيىپ بارعانىڭىز وڭ؛ ەگۋدى ۇيىمداستىرۋشىلاردىڭ ۇقتىرۋى بويىنشا ازاماتتىق كۋالىك، قولفون قاتارلى زاتتارىڭىزدى الىپ، ماسكىنى دۇرىس تاعىپ، ەگۋ ورنىنا بارۋىڭىزعا بولادى.
ءۇشىنشى، ەكتىرۋ بارىسىندا ماسكى تاعۋ، ەكتىرۋ ورنىنداعى بەلگىلەر بويىنشا وشىرەتكە تۇرۋ، ءبىر مەتردەن استام ارالىق ساقتاۋ كەرەك؛ شيپاگەرگە ءوزىنىڭ دەنساۋلىق جاعدايىن، جۋىردا ىشكەن دارىلەرىنىڭ ينفورماتسياسىن ىرىقتىلىقپەن ايتۋ ءارى جاعدايدى ءبىلىپ، ماقۇل بولۋ قولحاتىن شىنايى تولتىرۋ كەرەك؛ ەگەر ۆاكسينا ەگەتىن جەردە جارا بار بولسا، جاراقاتتان بارىنشا ساقتانىپ، باسقا بىلەككە ەكتىرگەن ءجون؛ ەكتىرۋ اياقتاعان سوڭ، ەكتىرۋ ورنىنان كەتپەي 30 مينۋت باقىلاپ كورۋ قاجەت؛ قان توقتاتۋ ماقتا شىرپىسىن مەديتسينالىق قوقسىق شەلەگىنە نەمەسە سارى ءتۇستى مەديتسينالىق قوقسىق لاقتىرۋ قالتاسىنا تاستاۋ قاجەت.
ءتورتىنشى، ۆاكسينا ەكتىرگەننەن كەيىن، ۆاكسينا ەكتىرۋ ورنىنان دەرەۋ كەتپەي، 30 مينۋت باقىلاپ كورۋ، ەشقانداي جايسىزدانۋ بايقالماعان جاعدايدا عانا ۆاكسينا ەگۋ ورنىنان كەتۋگە بولادى؛ ۆاكسينا ەكتىرگەن كۇنى ۆاكسينا ەككەن ورىننىڭ قۇرعاق بولۋىنا جانە جەكەلىك تازالىققا كوڭىل ءبولۋ قاجەت؛ ەگەر قىزۋى ۇزدىكسىز ورلەۋ سىندى جاعدايلار بايقالسا، دەر كەزىندە ەمدەلۋ، ۆاكسينا ەگۋ ورنىنا مالىمدەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
