ءتۇننىڭ اسەم كوركى دە شينجياڭنىڭ وزگەشە بوگەنايى
2018.09.10 14:14 كەلۋ قاينارى : شينجياڭ گازەتى
9 - ايدىڭ 7 - كۇنى «شينجياڭ گازەتىندە» جاريالانعان «ساياحاتشىلار شينجياڭ ءتۇنىنىڭ كوركىنە ءتانتى بولدى» دەگەن حاباردى وقىساڭىز، كوپتەگەن جاڭالىقتى سەزىنەسىز. ارينە، شۋاقتى كۇنگە شومىلعان جاسىل جايلاۋداعى وزەن - كولدەردىڭ كوركى بولەك، ايتسەدە، اي ساۋلەسىنە ورانعان قالا مەن اۋىلدىڭ دا وزىندىك ەرەكشەلىگى بار، ال شام - شىراقتار مەن جۇلدىزداردان قالىپتاسقان ءتۇننىڭ اسەم كوركى شينجياڭنىڭ وبرازىن ايگىلەيتىن اسەم كورىنىسكە اينالعان.
ءتۇننىڭ اسەم كوركىندە شينجياڭنىڭ تاماشا كەلبەتى مەن مۇندالايدى. جۋىق جىلداردان بەرى، ەكولوگيالىق ورتانى قورعاۋ تانىمى جۇرتتىڭ جۇرەك تۇكپىرىنەن ورىن الا باستادى، تيانشاننىڭ تۇستىگى مەن تەرىستىگىندە ەكولوگيالىق وركەنيەت قۇرىلىسىنىڭ تەبىنى ۇزدىكسىز كۇشەيىپ، كوپتەگەن جەرلەردىڭ اسپانى ارايلانىپ، سۋى ءمولدىرلەنىپ، جەرى جاسىلدانىپ قانا قالماستان، اسپاندارىنان سامالاداي سامسىعان جۇلدىزدار جىمىڭداپ، ساياحاتشىلاردىڭ اڭساعان ارمانىنا، كوپتەگەن فوتوشىلار مەن استرونوميا اۋەسكەرلەرى ارماندايتىن تاماشا جەرگە اينالدى.
ءتۇننىڭ اسەم كوركى شينجياڭنىڭ دامۋىن ايعاقتايدى. ىمىرت ۇيىرىلە، ءۇرىمجى قالاسىنىڭ حۇڭشان باقشاسىنا شىعىپ، قالانىڭ كەشكى كورىنىسىنە كوز سالساڭىز، ارلى - بەرلى جۇيتكىگەن قالىڭ اۆتوموبيل، جايناعان شام - شىراقتار كوزگە وتتاي باسىلىپ، ءنان قالانىڭ جالىنداعان تىرشىلىك تەبىنىن ايگىلەپ جاتادى. ال سانجى، شىحىزى، كورلا، قاشقار... ءاربىر قالانىڭ كوركەم كەشكى كورىنىسىنەن شينجياڭ ەكونوميكاسىنىڭ دامىپ بارا جاتقان جالىندى تەبىنىن بىردەن بايقايسىز.
ءتۇننىڭ اسەم كوركى شينجياڭنىڭ جاراسىمدى بەت - بەينەسىن ايگىلەدى. ءۇرىمجى شينجياڭ حالىقارالىق ۇلكەن بازارىندا، سونداي - اق وڭتۇستىك جانە سولتۇستىك شينجياڭداعى كەشكى بازارلاردا شام - شىراقتار جايناپ، ساياحاتشىلار قايشالىسادى، شينجياڭنىڭ ۇلتتىق سالت - ساناسىنىڭ، ءدامدى تاعام مادەنيەتىنىڭ شوعىرلانعان جەرى بولعان بۇل ارادا ءار ۇلت بۇقاراسى مەن ەل ءىشى - سىرتىنان كەلگەن ساياحاتشىلار كوڭىلدەرىن كوتەرىپ، دۋماندى ورتانىڭ ءلاززاتىنا باتىپ، زاماننىڭ تىنىشتىعىن سەزىندى.
ءتۇننىڭ اسەم كوركى دە شينجياڭنىڭ وزگەشە بوگەنايىنا اينالىپ، شينجياڭنىڭ مادەنيەتىن، جاراسىمدىلىعىن، بەلسەنە العا ىلگەرىلەگەن وبرازىن ايگىلەدى. بۇل − شينجياڭنىڭ باس نىسانانى مىقتاپ جەتەكشى ەتىپ، قىزمەتتەردى ءبىر تۇتاس جوسپارلاپ ىلگەرىلەتكەندىگىنىڭ ناتيجەسى ءارى قوعامنىڭ ورنىقتىلىعى اپەرگەن يگىلىك. شينجياڭدىق رەتىندە، ءبىز وسى تۇنگى كورىنىستى قاستەرلەپ، ونى قورعاۋىمىز كەرەك، ويتكەنى بۇل دا ەل ءىشى - سىرتىنداعى كوپتەگەن دوستاردىڭ شينجياڭدى تانۋىنا، شينجياڭدى تۇسىنۋىنە، شينجياڭدى جاقسى كورۋىنە مۇمكىندىك جاسايتىن كوركەم تەرەزە بولماق.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
