8 تاراۋ: شارا قولدانۋ نەگىزىندە كامەلەتكە تولماعانداردىڭ توراپتان پايدالانۋ ۋاقىتىنا شەك قويىلادى
2018.09.06 16:40 كەلۋ قاينارى : حالىق تورابى
«حالىق گازەتى»، 5 – قىركۇيەك، بەيجيڭ (ءتىلشى لي ۋەيحۇڭ). وقۋ – اعارتۋ مينيسترلىگى قاتارلى 8 تاراۋ 30 – تامىزدا «بالالاردىڭ، جاستار مەن ورەندەردىڭ الىستى كورە الماۋىنان جالپىلىق ساقتانۋ اتقارۋ جوباسى» جونىندەگى ۇقتىرۋدى بىرلەسىپ باسىپ تاراتتى، مەملەكەتتىك اقپارات – باسپا ءسوز مەكەمەسى الدا توراپ ويىنىنا قاراتا جالپى مولشەرىن مەڭگەرۋ شاراسىن قولدانىپ، توراپ ويىنىنىڭ جالپى مولشەرىن مەڭگەرىپ، جاڭادان شىعارىلعان توراپ ويىنىنىڭ توراپقا شىعارىلۋ مولشەرىن مەڭگەرىپ، مەملەكەت جاعدايىنا ۇيلەسەتىن لايىقتى جاس شاماسىن ەسكەرتۋ ءتۇزىمىن بەلگىلەۋ جاعىندا ىزدەنىس جاساپ، شارا قولدانۋ نەگىزىندە كامەلەتكە تولماعانداردىڭ پايدالانۋ ۋاقىتىن شەكتەمەك.
42 – رەتكى «جۇڭگو عالامتور دامۋىنىڭ جاعدايى جونىندەگى ساناق مالىمەتىنىڭ» ساندى مالىمەتىندە كورسەتىلۋىنشە، بيىل ماۋسىمعا دەيىن جۇڭگوداعى توراپكەرلەردىڭ كولەمى 800 ميلليون ادامنان اسقان، مۇنىڭ ىشىندە توراپقا شىعۋشىلاردىڭ ٪21.8 ى 20 جاستان تومەنگىلەر، 10 جاسقا تولمايتىن توراپكەرلەردىڭ ءوزى شامامەن 29 ميلليون بولىپ وتىر.
جۇڭگو جاستار مەن ورەندەر سارايلارى قوعامى بالالاردىڭ دانەكەرلىك ساپا تاربيەسىن زەرتتەۋ ورتالىعىنىڭ تەكسەرىپ – زەرتتەۋىنەن بايقالۋىنشا، وقۋ جاسىنا تولماعان بالالاردىڭ ٪30 كە جۋىعىنىڭ ءار كۇنگى توراپتان پايدالانۋ ۋاقىتى 30 مينۋتتان جوعارى ەكەن، ال 14 جاستاعى جاستار مەن ورەندەردىڭ ءار كۇنگى توراپتان پايدالانۋ ۋاقىتى جارىم ساعاتتان اسۋ سالىستىرماسى ٪60.8 كە جەتكەن.
«جۇڭگوداعى كامەلەتكە تولماعانداردىڭ عالامتوردان پايدالانۋ جاعدايى جونىندەگى تەكسەرۋ مالىمەتىنىڭ» ساندى مالىمەتىندە كورسەتىلۋىنشە، كامەلەتكە تولماعانداردىڭ ٪90 تەن استامى توراپقا شىعۋ بارىسىندا جاعىمسىز ينفورماتسيانىڭ زيانىنا ۇشىراعان. ماماندار بىلاي دەپ قارايدى: سالىستىرمانىڭ مۇنشالىق جوعارى بولۋىنداعى باستى سەبەپ، ءبىر ءبولىم توراپ تەكشەلەرىندە كامەلەتكە تولماعاندارعا باعىتتالعان اداقتاپ تەكسەرۋ، ءسۇزۋ مەحانيزمى جوق بولىپ وتىر.
قازىر كوپتەگەن توراپ تەكشەسى اۋرۋعا قاراي ەم قولدانىپ، مازمۇندى ساراپتاي باستادى، كوڭىل اشۋ سيپاتىنداعى مازمۇندى ىقشامداپ، وقۋ – اعارتۋ، ءبىلىم تۇرىندەگى مازمۇنداردى كورنەكتى ورىندارعا شىعاردى.
كامەلەتكە تولماعانداردىڭ كورۋىنە ۇيلەسپەيتىن مازمۇن ۋاعىندا اداقتالىپ، وشىرىلۋدەن سىرت، كوپتەگەن قۇرىلىم جاستار مەن ورەندەر ۇناتاتىن فورمالارمەن ساپالى مازمۇنداردى جاساپ جاريالاي باستادى، وسىلايشا توراپ وڭ ەنەرگيا تاراتۋ بازاسىنا بىرتىندەپ اينالماق. بيىل جازعى دەمالىستا كوپتەگەن جەردەگى قوعام حاۋىپسىزدىگى ورگاندارى قىسقا كەسكىن فورماسىندا كامەلەتكە تولماعاندارعا سۋعا شوگۋدەن، الدامشىلىقتان ساقتانۋ سياقتى حاۋىپسىزدىك ءبىلىمىن ۇگىتتەدى؛ جۇڭگو بالالار مەن ورەندەر قور قوعامى دوۋيىن تەكشەسىندە «جاستار مەن ورەندەردىڭ جىلجىمالى عالامتور سوزدىگىن» جاريالاپ، كامەلەتكە تولماعانداردىڭ توراپقا شىعۋدا قۇپيالىقتى ساقتاۋعا كوڭىل بولۋىنە، جاعىمسىز ينفورماتسياعا دۇرىس توتەپ بەرۋىنە جەتەكشىلىك ەتىپ، جاقسى باعاعا يە بولدى.
جۇڭشان ۋنيۆەرسيتەتى تاراتۋ جانە جوبالاۋ ينستيتۋتىنىڭ باستىعى جاڭ جى – ان بىلاي دەدى: عالامتور كامەلەتكە تولماعانداردىڭ دۇنيەنى تۇسىنۋىندەگى تەكشەگە اينالا الادى، الايدا بۇعان بەلگىلى شارت قاجەت. كامەلەتكە تولماعاندار مەكتەپتىڭ، اتا – انانىڭ جەتەكشىلىگىندە ۇيرەنۋىنە، جەتىلۋىنە پايدالى مازمۇنداردى تاڭداپ وقۋى، كورۋى، اقاۋى بار مازمۇنداردى پارىقتاۋدى ۇيرەنۋى كەرەك. مەكتەپ، اتا – انا ۇنەمى پىكىر الماستىرىپ، بالالارعا قامقورلىق جاساۋ ورتاسىن ازىرلەۋى كەرەك. قوعام ءار قىرىنان جونگە سالۋ ۇلگىسىن قالىپتاستىرىپ، كامەلەتكە تولماعانداردىڭ توراپ ۇقىق – مۇددەسىن بىرگە قورعاۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
