جۇڭگو - افريكا سەلبەستىك فورۋمىنىڭ بەيجيڭدەگى ءسامميتى دوڭگەلەك ۇستەل ءماجىلىسىن وتكىزدى
شي جينپيڭ باسقاردى، بەيجيڭ جارناماسى مەن بەيجيڭ ارەكەت جوسپارى ماقۇلداندى
2018.09.05 16:29
«حالىق گازەتى»، 4 – قىركۇيەك، بەيجيڭ (تىلشىلەر ۋاڭ دي، جاۋ چىڭ، لي يىڭچي). جۇڭگو - افريكا سەلبەستىك فورۋمى بەيجيڭ ءسامميتىنىڭ دوڭگەلەك ۇستەل ءماجىلىسى 4 – قىركۇيەكتە حالىق سارايىندا وتكىزىلدى. مەملەكەت ءتوراعاسى شي جينپيڭ مەن فورۋمنىڭ ورتاق ءتوراعا ەلى وڭتۇستىك افريكانىڭ پرەزيدەنتى راماپوسا ءبىرىنشى ساتىداعى ءماجىلىس پەن ەكىنشى ساتىداعى ءماجىلىستى جەكە – جەكە باسقاردى. ماجىلستە «جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن سومداۋ جونىندەگى بەيجيڭ جارناماسى» مەن «جۇڭگو - افريكا سەلبەستىك فورۋمى ــ بەيجيڭ ارەكەت جوسپارى (2019 – جىلدان 2021 – جىلعا دەيىن)» ماقۇلداندى.
تۇستەن بۇرىن ساعات 10 مولشەرىندە شي جينپيڭ فورۋمنىڭ ورتاق ءتوراعا ەلى وڭتۇستىك افريكانىڭ پرەزيدەنتى راماپوسامەن جانە باسقا فورۋمعا مۇشە 53 افريكا ەلىنىڭ ۋاكىلدەر ۇيىرمەلەرىنىڭ باستىقتارىمەن بىرگە الاڭعا كىردى. شي جينپيڭ ءماجىلىستىڭ باستالعانىن جاريالادى.
ماجىلىسكە قاتىناسۋشىلار جۇڭگو مەن افريكانىڭ قاتىناسىن ىلگەرىلەتۋ، ءارقايسى سالاداعى سەلبەستىكتى تەرەڭدەتۋ، جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن سومداۋ، «ءبىر بەلدەۋ، ءبىر جولدى» بىرگە قۇرۋ، سونداي – اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ءوز كوزقاراستارىن تۇيىندەپ ورتاعا سالدى.
شي جينپيڭ مىنانى دارىپتەدى: ەكى كۇننەن بەرى بەيجيڭ ءسامميتى «سەلبەستىك جاساپ بىرگە يگىلىكتەنۋ، جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن قول ۇستاسا سومداۋ» باس تاقىرىبىن توڭىرەكتەپ، سەلبەستىك جاساۋ ورتاق تانىمىن ۇيىستىرىپ، دامۋ ستراتەگياسىن ۇشتاستىرىپ، جۇڭگو مەن افريكانىڭ سەلبەستىك جاساپ بىرگە يگىلىكتەنۋ، بىرگە دامۋ نەگىزگى اۋەنىن تاعى دا اسقاقتاتتى.
شي جينپيڭ بىلاي دەدى: فورۋمنىڭ بەيجيڭ ءسامميتى جۇڭگو - افريكا سەلبەستىك فورۋمى قۇرىلعان 18 جىلدان، اسىرەسە 2015 – جىلعى يوحاننەسبۋرگ سامميتىنەن بەرگى جۇڭگو مەن افريكانىڭ جالپى بەتتىك ستراتەگيالىق ارىپتەستىك قاتىناسىندا قول جەتكىزىلگەن باياندى دامۋشىلىق ورتاق ەسكە ءتۇسىرىلىپ، «ون ءىرى سەلبەستىك جوسپارىنىڭ» جاپپاي تياناقتانۋ جاعدايى قارالدى، بۇعان ريزامىن. جۇڭگو مەن افريكانىڭ قول ۇستاسىپ، جاۋاپكەرشىلىكتى تەڭ ارقالايتىن، سەلبەسە تەڭ يگىلىكتەنەتىن، باقىتقا بىرگە كەنەلەتىن، مادەنيەتتى بىرگە گۇلدەندىرەتىن، حاۋىپسىزدىكتى تەڭ قالىپتاستىراتىن، جاراسىمدى قاتار ءومىر سۇرەتىن جۇڭگو - افريكا تاعدىرلاس ورتاق تۇلعاسىن جۇمىلا سومداۋدى، جۇڭگو مەن افريكا قاتىناسىنىڭ ساياسي نەگىزىن بەكەمدەۋدى، جۇڭگو مەن افريكا حالىقتارىنىڭ كوڭىلىن بارىنشا توعىستىرۋدى، جۇڭگو مەن افريكا سەلبەستىگىنىڭ داۋىرلىك ءمانىن بايىتۋدى ءبىر اۋىزدان ۇيعاردىق.شي جينپيڭ بىلاي دەدى: ءبىز ءبىر اۋىزدان ماقۇلداعان ءسامميتتىڭ تابىستى قۇجاتتارى جۇڭگو مەن افريكا قاتىناسىنا ايقىن باعدار كورسەتتى. «جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن سومداۋ جونىندەگى بەيجيڭ جارناماسى» جۇڭگو مەن افريكانىڭ قازىرگى دۇنيە جۇزىندەگى كەلەلى ماسەلەلەردەگى ورتاق تانىمىن جاپپاي بەينەلەدى، جۇڭگو مەن افريكانىڭ ىنتىماقتاسۋ، دوستاسۋ، ورايدان بىرگە يگىلىكتەنۋ، سايىستى بىرگە قارسى الۋ بەكىمىن كورسەتتى. «جۇڭگو - افريكا سەلبەستىك فورۋمى ــ بەيجيڭ ارەكەت جوسپارىندا (2019 – جىلدان 2021 – جىلعا دەيىن)» بولاشاق 3 جىلداعى جانە مۇنان كەيىنگى ءبىر مەزگىلدەگى جۇڭگو مەن افريكانىڭ ءارقايسى سالاداعى ناقتى سەلبەستىگىنە جوبا جاسالدى، مۇندا جۇڭگو مەن افريكانىڭ «سەگىز ءىرى ارەكەتتى» قول ۇستاسىپ اتقارۋىنداعى، جۇڭگو مەن افريكا سەلبەستىگىنىڭ ساپاسىن، ونىمدىلىگىن جوعارىلاتۋدى ىلگەرىلەتۋدەگى بەرىك جىگەر بەينەلەندى، جۇڭگو مەن افريكانىڭ سەلبەستىك جاساپ، بىرگە يگىلىكتەنىپ، بىرگە دامۋىنداعى جاڭا جوسپارى جاسالدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
