قازاقستان پارلامەنتى جوعارى پالاتاسىنىڭ باستىعى توقايەۆ شۇي چيلياڭمەن كەزدەستى
2018.09.05 14:57 كەلۋ قاينارى : حالىق تورابى
حالىق تورابى، 5 – قىركۇيەك، بەيجيڭ. قازاقستان پارلامەنتى جوعارى پالاتاسىنىڭ باستىعى توقايەۆ 4 – قىركۇيەك كۇنى استانا قالاسىندا ساپارلاي بارعان ورتالىق اسكەري ىستەر كوميتەتى ءتوراعاسىنىڭ ورىنباسارى شۇي چيلياڭمەن كەزدەستى.
توقايەۆ شۇي چيلياڭنىڭ استاناعا ساپارلاي كەلگەنىن قارسى الاتىنىن ءارى ءتوراعا شي جينپيڭعا، كوميتەت باستىعى لي جانشۋعا شىنايى سالەمىن جەتكىزۋدى ءوتىندى. ول بىلاي دەدى: قازاقستان – جۇڭگو ەكى ەل قاي – قاشاندا تاتۋ كورشى ءارى ماڭىزدى سەلبەستىك سەرىكتەس. قازاقستان جاق جۇڭگومەن بولعان ءداستۇرلى دوستىعىن ەرەكشە قاستەرلەيدى، جۇڭگونىڭ «ءبىر بەلدەۋ، ءبىر جول» دارىپتەمەسىن قولدايدى، جۇڭگو جاقپەن حالىقارالىق ىستەردە ءوزارا قولداۋعا تاباندى بولىپ، جۇڭگو جاقپەن ساياسي، ەكونوميكا، مادەني قارىم – قاتىناس، حاۋىپسىزدىك قاتارلى سالالارداعى سەلبەستىكتى تەرەڭدەتىپ، «ءۇش ءتۇرلى كۇشكە» بىرلىكتە سوققى بەرىپ، ەكى حالقىنا باقىت جاراتۋعا پەيىلدى.
شۇي چيلياڭ پارلامەنت ءتوراعاسى توقايۆدىڭ قارسى العانىنا العىس ءبىلدىردى ءارى ءتوراعا شي جينپيڭنىڭ، كوميتەت باستىعى لي جانشۋدىڭ شىنايى سالەمىن جەتكىزدى. ول بىلاي دەدى: جۇڭگو – قازاقستان ەكى ەل تاتۋ كورشى، ەكى ەل حالقى ەجەلدەن دوس. ەكى ەل باسشىسىنىڭ جەتەكشىلىگىندە، جۇڭگو – قازاقستان بەكەمدەلگەن جان – جاقتىلى ستراتەگيالىق سەرىكتەستىك قاتىناس ورناتىپ، ەكى ەل قاتىناسى ىشكەرىلەي دامىدى. قازىر، ەكى جاق «جىبەك جولى ەكونوميكا بەلدەۋى» دارىپتەمەسى مەن «نۇرلى جول» جاڭا ەكونوميكا ساياساتىن جان – جاقتىلى تۇتاستىرىپ، جۇڭگو ارمانى مەن «قازاقستان ارمانىن» ءبىر ارناعا ءتۇسىردى، بۇل ەكى ەل حالقىنا ءتىپتى دە كوپ باقىت جاراتادى. ەكى ەل ارمياسىنىڭ ناقتىلى سەلبەستىگى جاقىنعى جىلداردان بەرى ماڭىزدى جەتىستىكتەرگە قول جەتكىزدى، بولاشاقتاعى دامۋ ءورىسى كەڭ. جۇڭگو جاق قازاقستان جاقپەن ءبىر ارنادا بولىپ، ەكى ەل باسشىلارى بىرلىككە كەلگەن ماڭىزدى ورتاق تانىمدى تياناقتاندىرىپ، ەكى ەل ارمياسىنىڭ ناقتىلى سەلبەستىگىن تەرەڭدەتىپ، ستراتەگيالىق ءوزارا سەنىمدىلىكتى ونان ارى ارتتىرىپ، ەكى ەل ارمياسىنىڭ قارىم -قاتىناس دەڭگەيىن ءتىپتى دە جوعارىلاتىپ، وڭىرلەردىڭ بەيبىتشىلىگىن بىرلىكتە قورعاۋعا پەيىلدى.
ساپار كەزىندە شۇي چيلياڭ قازاقستان مەملەكەتتىك قورعانىس مينيسترى ەرمەكبايەۆپەن رەسمي كەزدەسۋدە بولادى ءارى قازاقستان ارمياسىنىڭ قۇرمەت قاراۋىلىن كوزدەن كەشىرەدى.
جۇڭگونىڭ قازاقستاندا تۇراتىن ەلشىسى جاڭ شياۋ قاتارلىلار كەزدەسۋگە قاتىناستى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
