جۇڭگو - افريكا دوستىعىنىڭ ۇتىلامالى تاياقشاسىن ۇرپاقتان - ۇرپاققا جالعايىق
− ءتوراعا شي جينپيڭنىڭ جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ اشىلۋ سالتىندا سويلەگەن ارقاۋ ءسوزى تۋرالى
حالىق گازەتىنىڭ شولۋشىسى
2018.09.10 14:15 كەلۋ قاينارى : شينجياڭ گازەتى
جاستار − مەملەكەتتىڭ كەلەشەگى، دۇنيەنىڭ كەلەشەگى ءارى جۇڭگو - افريكا دوستىق ىستەرىنىڭ كەلەشەگى.
«جۇڭگو - افريكا دوستىعىنىڭ ۇتىلامالى تاياقشاسى جاس بۋىننىڭ قولىندا ۇزدىكسىز جالعاستىرىلسا، جۇڭگو - افريكا تاعدىرلاس ورتاق تۇلعاسى، ءسوز جوق، اناعۇرلىم جالىندى ومىرشەڭدىككە يە بولادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى مەن افريكا حالقىنىڭ ىنتىماقتاسىپ افريكانى كوركەيتۋ ارمانى، ءسوز جوق، ەرتەرەك جۇزەگە اسادى». 2018 - جىلعى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ اشىلۋ سالتىندا ءتوراعا شي جينپيڭ جۇڭگو مەن افريكانىڭ دامۋ كەلەشەگىن كوزدە ۇستاپ، «جاستار − جۇڭگو - افريكا قارىم - قاتىناسىنىڭ ءۇمىتى» ەكەندىگىن تەرەڭ اتاپ كورسەتتى. ءتوراعا شي جينپيڭنىڭ ماڭىزدى ءسوزى جۇڭگو مەن افريكانىڭ جاستارى اراسىندا قىزۋ اڭىس قوزعاپ، جۇڭگو مەن افريكا جاستارىنىڭ دوستىق اۋىس - كۇيىسىن، جۇڭگو مەن افريكانىڭ دوستىق سەلبەستىگىن ماڭگى ىلگەرىلەتۋگە، ءبىلىم مەن ونەردى ۇرپاقتار بويى جالعاستىرۋعا قۇدىرەتتى قوزعاۋشى كۇش قوستى.
جۇڭگو مەن افريكانىڭ دوستىق قارىم - قاتىناسىنىڭ دامۋ ۇردىسىندە جاستار باستان - اياق ماڭىزدى رول اتقارۋدا. نەشە ونداعان جىلداردان بەرى قالىڭ افريكا جاستارى سوناۋ شالعايدان جۇڭگوعا كەلىپ وقۋ وقىپ، ەكسكۋرسيا جاساپ، افريكا مادەنيەتىن جۇڭگوعا جەتكىزدى ءارى جۇڭگونىڭ دوستىعىن افريكاعا الا قايتتى؛ توپ - توپ جۇڭگولىق جاستار افريكاعا بارىپ، افريكا ەلدەرىنىڭ قۇرىلىسىنا جانە دامۋ ىستەرىنە ات سالىستى. جۇڭگو كومەكتەسىپ سالعان تانزانيا - زامبيا تەمىر جولى، افريكا ەلدەرى وداعىنىڭ ءماجىلىس ورتالىعى جۇڭگو - افريكا دوستىعىنىڭ ەسكەرتكىشىنە اينالدى، جۇڭگو ۇكىمەتى مەن حالقى افريكاعا كومەكتەسىپ ەبولا اۋرۋىنا قارسى سوققى بەرۋ قيمىلىندا الدىمەن ارەكەتكە كەلىپ، حالىقارالىق قوعامنىڭ افريكاعا كومەكتەسىپ ىندەتكە قارسى تۇرۋىنا جەتەكشىلىك ەتىپ، جۇڭگو مەن افريكانىڭ تار جول، تايعاق كەشۋدەن بىرگە وتەتىن باۋىرلاستىق سۇيىسپەنشىلىگىن ايگىلەدى؛ افريكا ەلدەرى جۇڭگونىڭ ب م ۇ - عا قايتا ورالۋىن قالتقىسىز قولدادى، جۇڭگونىڭ ۋىنچۋان، يۇيشۋ سياقتى جەرلەرىندە اۋىر جەر سىلكىنىسى اپاتى تۋىلعاننان كەيىن جۇڭگو جاققا بەلسەندىلىكپەن جىلۋ اتادى... جۇڭگو - افريكا بارىس - كەلىسىندەگى بۇل اسەرلى اڭگىمەلەردى، ۇمىتىلعىسىز ساتتەردى جۇڭگو - افريكا جاستارىنىڭ بەلسەندىلىكپەن ءۇن قوسۋى مەن ىنتالى ات سالىسۋىنان بولە قاراۋعا بولمايدى. سانسىزداعان ۇرپاق جۇڭگو - افريكا جاستارى وزدەرىنىڭ ىستىق قانىمەن، تامشىلاعان تەرىمەن، جان قيار كۇرەسىمەن جانە قالتقىسىز ۇلەسىمەن جۇڭگو - افريكا اۋىس - كۇيىسىن، سەلبەستىگىن ىلگەرىلەتۋدە ۇزدىكسىز جاڭا داستاندار جازىپ، جۇڭگو مەن افريكانىڭ دوستىعىن ۇزاق ۋاقىت بويى بەكەمدەپ، جاڭعىرتا ءتۇستى.
«مەملەكەتتەردىڭ دوستىعى حالىقتاردىڭ بەرەكە - بىرلىگىنەن كەلەدى»، ال «حالىقتاردىڭ بەرەكە - بىرلىگى» جاستاردان باستاۋ الادى. بىلتىر 10 - ايدا ءتوراعا شي جينپيڭ وڭتۇستىك - وڭتۇستىك سەلبەستىگى جانە دامۋ شۋەيۋانىنداعى جۇڭگوعا كەلىپ وقىپ جاتقان وقۋشىلارمەن ءوزارا حات الىسقاندا ولاردى ۇيرەنگەندى قولدانىپ، ءبىلىمدى تەرەڭدەتىپ، دەڭگەيدى جوعارىلاتىپ، نەگىزدى بەكەمدەپ، دارىندى جەتىلدىرىپ، جۇڭگو - افريكا سەلبەستىگى مەن وڭتۇستىك - وڭتۇستىك سەلبەستىگىن ىلگەرىلەتۋدە جاڭا تاراۋلار جازۋعا ىنتالاندىردى، بۇل افريكا جاستارىن بارىنشا شابىتتاندىردى. جۇڭگو - افريكا سەلبەستىگى بارىسىندا جۇڭگو باستان - اياق جاستارعا وسكەلەڭ ءمان بەرىپ، كوڭىل ءبولىپ، افريكا جاستارىنا باعىتتالعان دوستىق قىزمەتتەردى ۇزدىكسىز ورىستەتتى. 2015 - جىلعى جۇڭگو - افريكا سەلبەستىك تالقى مىنبەرىنىڭ يوحاننەسبۋرگتەگى باسشىلار باس قوسۋىنان بەرى، جۇڭگو افريكاعا ءتۇرلى كاسىپتەر بويىنشا شامامەن 200 مىڭ تەحنيك تاربيەلەپ بەردى، جۇڭگوعا كەلىپ تاربيەلەنۋشىلەرگە شامامەن 40 مىڭ سان، ۇكىمەتتىك وقۋ سيلىق اقىسىن الاتىندارعا 20 مىڭنان استام سان جانە وقۋ ماعلۇماتى دارەجەسىن الۋشىلارعا 1700دەن استام سان بەردى. قازىر 3000نان استام جۇڭگو كاسىپورنى افريكادا سەلبەستىك ورىستەتىپ، افريكا جاستارىن ءتىپتى دە كوپ جۇمىس ورنىمەن قامداۋدا، «جۇڭگو - افريكا جاستارىنىڭ زور بىرلەسكەن ساۋىق كەشى»، «ازيا - افريكا جاستارىنىڭ بىرلەسكەن ساۋىق فەستيۆالى» سياقتى قيمىلدار تارتىپپەن ورىستەتىلىپ، جۇڭگو - افريكا جاستارىنا كەڭ اۋىس - كۇيىس ءورىسىن ازىرلەدى، جۇڭگو - افريكا جاستارىنىڭ اۋىس - كۇيىسى، بارىس - كەلىسى ۇزدىكسىز كۇشەيىپ، جۇڭگو - افريكا دوستىعىنىڭ، سەلبەستىگىنىڭ نەگىزى ۇزدىكسىز بەكەمدەلدى.
«كەلەشەك جاس ۇرپاقتارعا ءتان»، جۇڭگو - افريكا سەلبەستىگىنىڭ جەتىستىگى ارقىلى قالىڭ جۇڭگو - افريكا جاستارىن ءتىپتى دە كوپ تيىمدىلىككە كەنەلتۋ دە وسى رەتكى باسشىلار باس قوسۋىنىڭ ماڭىزدى مازمۇنى بولدى. ءتوراعا شي جينپيڭ باسشىلار باس قوسۋىنىڭ باستالۋ سالتىندا العا قويعان «سەگىز ءىرى ارەكەت» باستاماسىنداعى كوپتەگەن شارالار جاستارعا ءمان بەرۋدى، جاستاردى باۋلۋدى، جاستارعا كومەكتەسۋدى كوزدە ۇستاپ، ولارعا ءتىپتى دە كوپ جۇمىسقا ورنالاسۋ ورايىن، ءتىپتى دە جاقسى دامۋ كەڭىستىگىن ازىرلەۋگە كۇش سالدى. افريكاعا جوعارى دارەجەلى 500 اۋىل شارۋاشىلىق مامانىن جىبەرىپ، جاس اۋىل شارۋاشىلىق عىلمي زەرتتەۋ باستاماشى دارىندىلارى مەن شارۋالاردىڭ بايۋ سەركەلەرىن باۋلۋدان، افريكادا 10 لۋبان شەبەرحاناسىن قۇرىپ، افريكا جاستارىن كاسىپتىك - تەحنيكالىق جاقتان باۋلۋعا دەيىنگى؛ جاستاردىڭ جاڭالىق اشۋداعى، شارۋاشىلىق قۇرۋداعى سەلبەستىگىن ىلگەرىلەتۋ ماقساتىنداعى جۇڭگو - افريكا جاڭالىق اشۋ، سەلبەستىك جاساۋ ورتالىعىن قۇرۋعا قولداۋ كورسەتۋدەن افريكاعا جۇڭگونىڭ ۇكىمەتتىك وقۋ سيلىق اقىسىنان 50 مىڭ سان، افريكاعا ءبىلىم تولىقتىرۋعا باۋلۋدان 50 مىڭ سان بەرىپ، 2000 افريكالىق جاستى جۇڭگوعا اۋىس - كۇيىس جاساۋعا ۇسىنىس ەتۋگە دەيىنگى افريكا جاستارىنىڭ قابىلەت قۇرىلىسىنا كۇش سالعان ارەكەتتەر افريكانىڭ قازىرگى حالىق سانى قۇرىلىم ەرەكشەلىگىنە جانە ەكونوميكا دامۋىنىڭ قازىرگى جاعدايىنا ۇيلەسەدى، جۇڭگو - افريكا قاتىناسىنىڭ دامۋ قاجەتىنە ۇيلەسەدى، ول، ءسوزسىز، جۇڭگو - افريكا سەلبەستىگىنە سارقىلماس قوزعاۋشى كۇش ۇستەيدى.
«جاڭا شىققان كۇن جولىڭا شۇعىلا شاشادى». جاستار جالىندى، ارمانشىل كەلەدى، ولار كەلەشەكتىڭ كوشباسشىلارى جانە قۇرىلىسشىلارى. جۇڭگو - افريكا قارىم - قاتىناسى كەلەشەكتى بەتكە العان ءىس، ول سان ۇرپاق مۇراتتى جاستاردىڭ تىزە قوسا ۇزدىكسىز كۇرەس جاساۋىن قاجەت ەتەدى. جۇڭگو - افريكا جاستارى ءداۋىردىڭ ۇنىنە ءۇن قوسىپ، جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن قول ۇستاسا قۇراتىن بولسا، جۇڭگو - افريكا دوستىق ىستەرىنىڭ مۇراگەرى بولا الادى، جاستىق كوكتەمدەرىن جانە ومىرشەڭدىك كۇشتەرىن ماڭگى ساقتاي الادى.
(شينحۋا اگەنتتىگىنىڭ 9 - ايدىڭ 8 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
