جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسىنىڭ مازمۇنداماسى
(جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە 2019 - جىلى 1 - ايدىڭ 13 - كۇنى ماقۇلداندى)
2019.01.15 15:38 كەلۋ قاينارى : شينجياڭ گازەتى
جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسى 2019 - جىلى 1 - ايدىڭ 11 - كۇنىنەن 13 - كۇنىنە دەيىن بەيجيڭدە وتكىزىلدى. بۇل جولعى جالپى ماجىلىسكە ورتالىق ءتارتىپ تەكسەرۋ كوميتەتىنىڭ 132 مۇشەسى قاتىناستى، 221 ادام سىرتتاي قاتىناستى.
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جالپى ماجىلىسكە قاتىناستى ءارى ماڭىزدى ءسوز سويلەدى. پارتيا مەن مەملەكەت باسشىلارىنان لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ت.ب ماجىلىسكە قاتىناستى.
جالپى ءماجىلىستى ورتالىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى. جالپى ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، 2018 - جىلعى ءتارتىپ تەكسەرۋ، باقىلاۋ - تەكسەرۋ قىزمەتىنە قايىرىلا قاراپ، رەفورما جاساعان، ەسىك اشقان 40 جىلدان بەرگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ تاجىريبەلەرىن قورىتىندىلاپ، 2019 - جىلعى مىندەتتەردى ورنالاستىردى، جاۋ لىجي جولداستىڭ ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان جاساعان «پارتيا ۋستاۆى مەن نەگىزگى زاڭ جۇكتەگەن قىزمەت جاۋاپكەرشىلىگىن ادالدىقپەن وتەپ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن قۇلشىنا ىسكە اسىرايىق» دەگەن تاقىرىپتاعى قىزمەت بايانداماسىن قاراپ ماقۇلدادى.
جالپى ءماجىلىس باس شۋجي شي جينپيڭنىڭ ماڭىزدى ءسوزىن مۇقيات ۇيرەندى، تەرەڭ ۇعىندى. جالپى ءماجىلىس بىلاي دەپ قارادى: سوزدە جاڭا داۋىردەگى پارتيا مەن مەملەكەت ىستەرى دامۋىنىڭ جالپى جاعدايى تۇرعىسىنان، پارتيا 19 - قۇرىلتايىنان بەرگى پارتيانى جاپپاي قاتاڭ جونگە سالۋدا قول جەتكىزگەن ەلەۋلى ناتيجەلەر تولىق تۇراقتاندىرىلىپ، رەفورما جاساعان، ەسىك اشقان 40 جىلدان بەرى پارتيانىڭ وزىندىك توڭكەرىس جۇرگىزىپ، العاباسارلىق پەن كىرشىكسىزدىكتى ماڭگى ساقتاۋداعى قۇندى تاجىريبەلەرى تەرەڭ قورىتىندىلانىپ، باسشى كادرلاردىڭ، اسىرەسە، جوعارى دارەجەلى كادرلاردىڭ جاڭا جاعدايداعى پارتيانىڭ ىشكى ساياسي تۇرمىسى جونىندەگى ءبىرقانشا ولشەمدەردى دايەكتىلەندىرۋى تۋرالى ايقىن تالاپ قويىلىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەۋ جانە دامىتۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ ءۇشىن قۇدىرەتتى كەپىل ازىرلەۋ كەرەكتىگى باسا دارىپتەلدى. ءسوز پارتيامىزدىڭ ءوزىن كىرشىكسىزدەندىرەتىن، ءوزىن كەمەلدەندىرەتىن، ءوزىن جاڭارتاتىن، ءوزىن جوعارىلاتاتىن وسكەلەڭ سانالىلىعىن تولىق ايگىلەپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋ جونىندە ماڭىزدى جەتەكشى مانگە يە. باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ بۇكىل پارتيانىڭ ماڭىزدى ساياسي مىندەتى، يدەيالىق تانىمدى بىرلىككە كەلتىرىپ، ادالدىقپەن قىزمەت اتقارىپ، جاۋاپكەرشىلىكتى ادا ەتىپ، پارتيا ورتالىق كوميتەتىنىڭ ءتۇرلى شەشىمدەرىنىڭ، ورنالاستىرۋلارىنىڭ تياناقتانۋىنا كەپىلدىك ەتۋ كەرەك.
جالپى ءماجىلىس بىلاي دەپ اتاپ كورسەتتى: 2018 - جىلى پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى «ءتورت تانىمدى» بەرىك ورناتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايىنىڭ پارتيانى جاپپاي قاتاڭ جونگە سالۋ جونىندەگى ستراتەگيالىق ورنالاستىرۋىن دايەكتىلەندىرىپ، تياناقتاندىرىپ، پارتيانىڭ ساياسي قۇرىلىسىن ماڭداي الدى ورىنعا قويىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ لۋشيان، باعىت - ساياساتتارىنىڭ جانە پارتيا ورتالىق كوميتەتىنىڭ ماڭىزدى شەشىمدەرىنىڭ، ورنالاستىرۋلارىنىڭ دايەكتىلەنۋ، تياناقتانۋ جاعدايىن تەكسەرىپ، پارتيا ورتالىق كوميتەتىنىڭ بۇيرىق - جارلىقتارىنىڭ ىركىلىسسىزدىگىنە كەپىلدىك ەتتى. پارتيانىڭ ءتارتىپ تەكسەرۋ ءتۇزىلىسى رەفورماسىن، مەملەكەتتىڭ باقىلاۋ - تەكسەرۋ ءتۇزىلىسى رەفورماسىن جانە ءتارتىپ تەكسەرۋ، باقىلاۋ - تەكسەرۋ قۇرىلىمدارى رەفورماسىن ءبىر تۇلعالاندىرا ىلگەرىلەتىپ، وكىلەتتىك باقىلاۋ ءتۇزىلىس - مەحانيزمىندە جاڭالىق اشىپ، زاڭ ەرەجە، ءتۇزىم قۇرىلىسىن كۇشەيتتى. ساياسي شارلاۋدى تەرەڭدەتىپ، شارلاۋدا، شارلاپ تەكسەرۋدە جوعارى - تومەن بىرلەسىپ قيمىلداۋ تورىن ورناتۋ جونىندە ىزدەنىس جاسادى. پارتيا ورتالىق كوميتەتىنىڭ 8 ءتۇرلى بەلگىلەمەسىنىڭ رۋحىن جازباي تياناقتاندىرىپ، فورماشىلدىقتى، تورەشىلدىكتى شوعىرلى رەتتەپ، جونگە سالدى. ءتارتىپ قۇرىلىسىنىڭ ساياسي سيپاتىن، داۋىرلىك سيپاتىن، باعىتتامالىلىق سيپاتىن جوعارىلاتىپ، باقىلاۋدىڭ، ءتارتىپ اتقارۋدىڭ «ءتورت ءتۇرلى فورماتسياسىن» قولدانۋدى تەرەڭدەتىپ، كۇندەلىكتى باقىلاۋدى كۇشەيتتى. شىرىكتەسۋدى جازالاۋدىڭ تەگەۋرىندى كۇيىن ساقتاپ، تۇبىرىنەن وڭاۋ مەن ۇستىنەن وڭاۋدى قاتار يگەرۋدى ۇزدىكسىز تەرەڭدەتتى. كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارناۋلى جونگە سالىپ، حالىق تۇرمىسى سالاسىنداعى تارتىپكە، زاڭعا قايشى ءىس - ارەكەتتەردى قاتاڭ تەكسەرىپ، قارا - سۇرقيا كۇشتەردى «قورعاۋشى قالقانداردى» قاتاڭ جازالادى. ءتارتىپ تەكسەرۋ، باقىلاۋ - تەكسەرۋ ورگاندارىنداعى پارتيانىڭ ساياسي قۇرىلىسىن كۇشەيتىپ، توتەنشە مىعىم ستيلمەن جانە قابىلەتپەن ءتۇرلى قىزمەتتەردى ىلگەرىلەتتى.
جالپى ءماجىلىس رەفورما جاساعان، ەسىك اشقان 40 جىلدان بەرگى ءتارتىپ تەكسەرۋ، باقىلاۋ - تەكسەرۋ قىزمەتىن قورىتىندىلاپ، مىناداي تانىم جانە اسەر قالىپتاستىردى: ءبىرىنشى، پارتيانىڭ جاپپاي باسشىلىعىن كۇشەيتۋ سىندى ءتۇبىرلى پرينسيپكە قاشاندا تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ لۋشيان، باعىت - ساياساتتارىنىڭ جانە ورتالىقتىڭ ماڭىزدى شەشىمدەرىنىڭ، ورنالاستىرۋلارىنىڭ دايەكتىلەنۋىنە، تياناقتانۋىنا كەپىلدىك ەتۋ. ەكىنشى، پارتكومدارعا سايكەسىپ پارتيانى جاپپاي قاتاڭ جونگە سالۋدى ىلگەرىلەتۋ سىندى قىزمەت جاۋاپكەرشىلىگى ورنىن قاشاندا باتىل ساقتاپ، پارتيا قۇرىلىسىنداعى جاڭا ۇلى ينجەنەريانى تاباندىلىقپەن ىلگەرىلەتىپ، پارتيانىڭ وزىندىك توڭكەرىس جۇرگىزۋى ارقىلى پارتيانىڭ قوعامدىق توڭكەرىسكە باسشىلىعىن ۇزدىكسىز ىلگەرىلەتۋ. ءۇشىنشى، قاشاندا حالىقتى وزەك ەتۋ سىندى ساياسي تۇرعىدا تاباندى بولىپ، بۇقارانىڭ اڭىسى كۇشتى بولعان، بۇقارانىڭ مۇددەسىن زيانداعان كورنەكتى ماسەلەلەردى كۇش سالا شەشىپ، پارتيانىڭ بيلىك جۇرگىزۋدەگى ساياسي نەگىزى مەن بۇقارالىق نەگىزىن ۇزدىكسىز بەكەمدەۋ. ءتورتىنشى، قاشاندا شىرىكتەسۋگە قارسى تۇرۋ كۇرەسىندەگى ماڭىزدى مىندەتتەردى ارقالاپ، ۇستىنەن وڭاۋ مەن تۇبىرىنەن وڭاۋدى قاتار يگەرۋگە، نەگىزدى بەكەمدەۋگە، الۋەتتى جەتىلدىرۋگە تاباندى بولىپ، شىرىكتەسۋگە باتىلى بارمايتىن، شىرىكتەسۋگە مۇمكىندىگى بولمايتىن، شىرىكتەسۋدى ويىنا المايتىن ءونىمدى مەحانيزم ورناتۋ. بەسىنشى، «تەمىر سوقساڭ قۇرىش بول» سىندى ماڭىزدى تالاپتى قاشاندا ەستە بەرىك ساقتاپ، رەفورما جاساۋ، جاڭالىق اشۋ رۋحىمەن ءتارتىپ تەكسەرۋ، باقىلاۋ - تەكسەرۋ ورگاندارىنىڭ وزىندىك قۇرىلىسىن كۇشەيتىپ، پارتيا مەن حالىقتىڭ ادال جاۋىنگەرى بولۋ.
جالپى ءماجىلىس مىنالاردى اتاپ كورسەتتى: 2019 - جىل ءتارتىپ تەكسەرۋ، باقىلاۋ - تەكسەرۋ قىزمەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن جانە 19 - كەزەكتى ورتالىق كوميتەتتىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، قىزمەتتى ورنىقتىلىق بارىسىندا ىلگەرىلەتۋ سىندى جالپى ارناعا تاباندى بولىپ، پارتيا ۋستاۆى مەن نەگىزگى زاڭ جۇكتەگەن قىزمەت جاۋاپكەرشىلىگىن ادالدىقپەن وتەپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتكومنىڭ پارتيانى جاپپاي قاتاڭ جونگە سالۋىن ىلگەرىلەتۋىنە سايكەسىپ، ءتارتىپتىڭ زاڭنان قاتاڭ بولۋىنا، ءتارتىپتىڭ زاڭنىڭ الدىندا تۇرۋىنا تاباندى بولىپ، ءتارتىپتىڭ اتقارىلۋىن، زاڭنىڭ اتقارىلۋىن ادىليامەن ساباقتاستىرىپ، ءونىمدى ۇشتاستىرىپ، پارتيانى جاپپاي قاتاڭ جونگە سالۋدىڭ اناعۇرلىم ۇلكەن ستراتەگيالىق جەتىستىگىنە قول جەتكىزىپ، شىرىكتەسۋگە قارسى تۇرۋدىڭ ۇستەم جەڭىسىن بەكەمدەپ جانە دامىتىپ، شىرىكتەسۋگە باتىلى بارماۋدى، شىرىكتەسۋگە مۇمكىندىگى بولماۋدى، شىرىكتەسۋدى ويىنا الماۋدى ءبىر تۇلعالاندىرا ىلگەرىلەتىپ، پارتيا مەن مەملەكەتتىڭ باقىلاۋ جۇيەسىن اقاۋسىزداندىرىپ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن قۇلشىنا ىسكە اسىرىپ، پارتيا 19 - قۇرىلتايىنىڭ رۋحى مەن پارتيا ورتالىق كوميتەتىنىڭ ماڭىزدى شەشىمدەرىنىڭ، ورنالاستىرۋلارىنىڭ تىڭعىلىقتى دايەكتىلەنۋىنە، تياناقتانۋىنا كەپىلدىك ەتىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك تابىستارمەن قارسى الۋ كەرەك.
جالپى ءماجىلىس مىنالاردى تالاپ ەتتى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى مىزعىماستان ىلگەرىلەتىپ، «ەكىنى قورعاۋدى» مىزعىماستان امالياتتا ايگىلەپ، پارتيانى جاپپاي قاتاڭ جونگە سالۋ باعىتىن جانە تالابىن مىزعىماستان دايەكتىلەندىرۋ، تياناقتاندىرۋ كەرەك.
ءبىرىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن تاباندىلىقپەن ۇيرەنىپ، دايەكتىلەندىرىپ، «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيەسىن ىشكەرىلەي ورىستەتىپ، تەرەڭدەي ۇيرەنىپ، جەتە ۇعىنۋ، ناقتى جۇمىس ىستەپ، كوز بوياۋشىلىقتى تيۋ، رەتتەۋ - تۇزەتۋ، جوعارىلاتۋ جاعىنا ۇزدىكسىز كۇش سالۋ كەرەك.
ەكىنشى، پارتيانىڭ ساياسي قۇرىلىسىن ءبىر تۇتاس باسشىلىققا الىپ، فورماشىلدىقتى، تورەشىلدىكتى باتىل جويۋ. «ءتورت تانىمدى» امالياتتا ايگىلەۋ، پارتيا ۋستاۆىن جانە باسقا دا پارتيا ىشىندەگى زاڭ ەرەجەلەردى دايەكتىلەندىرۋ، پارتيانىڭ لۋشيان، باعىت - ساياساتتارى مەن قاۋلىلارىن اتقارۋ جاعدايىنا باقىلاۋ جۇرگىزۋدى كۇشەيتۋ كەرەك. ساياسي ءتارتىپ پەن ساياسي قاعيدانى قاتايتىپ، بوس، سىلدىر پوزيتسيا ءبىلدىرۋ، كورىنىسكە قاراي جاعداي جاساۋ، نەمقۇرايدى ىستەپ، جاۋاپكەرشىلىكتەن قاشقاقتاۋ، سۇلدەرىن كورسەتىپ، كۇش شىعارماۋ سياقتى ماسەلەلەردى قاتاڭ تەكسەرىپ ءبىر جاقتى ەتۋ كەرەك.
ءۇشىنشى، ءتارتىپ تەكسەرۋ، باقىلاۋ - تەكسەرۋ ءتۇزىلىس - مەحانيزمىندە جاڭالىق اشىپ، ءتۇزىم باسىمدىعىن جونگە سالۋ ونىمدىلىگىنە شىن مانىندە اينالدىرۋ كەرەك. جوعارى دارەجەلى ءتارتىپ تەكسەرۋ كوميتەتىنىڭ تومەن دارەجەلى ءتارتىپ تەكسەرۋ كوميتەتىنە باسشىلىعىن كۇشەيتىپ، پارتكومنىڭ پارتيانى جاپپاي قاتاڭ جونگە سالۋىنا سايكەسۋ جاۋاپكەرشىلىگىن ادا ەتىپ، وكىلەتتىك قۇرىلىمداردىڭ ءتۇزىلىس - مەحانيزمىندە جاڭالىق اشۋدى تۇرگە ايىرىپ، شارا قولدانىپ ىلگەرىلەتىپ، مەملەكەتتىڭ باقىلاۋ - تەكسەرۋ ءتۇزىلىس رەفورماسىن ۇزدىكسىز تەرەڭدەتىپ، باقىلاۋ جۇيەسىن اقاۋسىزداندىرۋ جانە كەمەلدەندىرۋ كەرەك.
ءتورتىنشى، باقىلاۋ جاۋاپكەرشىلىگىن ناقتاپ، جىنتىكتەي ورىنداپ، كۇندەلىكتى باقىلاۋدا، ۇزاق ۋاقىتتىق باقىلاۋدا جاڭالىق اشۋعا ىزدەنىس جاساۋ كەرەك. ورتالىقتىڭ 8 ءتۇرلى بەلگىلەمەسىن، سونداي - اق ونى اتقارۋ ەرەجەسىنىڭ رۋحىن تياناقتاندىرۋدى ءۇرتىس باقىلاپ، تەكسەرىپ، قاجىماي - تالماي مۇنى سالتقا اينالدىرۋ كەرەك. «ءتورت ءتۇرلى فورماتسيادان» جەتىك پايدالانىپ، ۇنەمى باقىلاۋ، مۇنى ۇدايىلاندىرۋ كەرەك.
بەسىنشى، ساياسي شارلاپ تەكسەرۋدى ۇزدىكسىز تەرەڭدەتىپ، ارالاپ تەكسەرۋدىڭ، شارلاپ تەكسەرۋدىڭ ستراتەگيالىق جاعدايىن كەمەلدەندىرۋ كەرەك. داعدىلى شارلاپ تەكسەرۋدى، ارناۋلى شارلاپ تەكسەرۋدى، يكەمدى شارلاپ تەكسەرۋدى ءبىر تۇتاس جوسپارلاپ ورنالاستىرىپ، رەتتەۋ، وڭاۋدىڭ تۇلعالىق جاۋاپكەرشىلىگىن بەكەمدەپ، رەتتەۋ، وڭاۋدى باقىلاۋ مەحانيزمىن كەمەلدەندىرىپ، ولكە، رايون، قالالاردىڭ ارالاپ تەكسەرۋ، شارلاپ تەكسەرۋ قىزمەتىنە باسشىلىق ەتۋدى جانە جەتەكشىلىك ەتۋدى، باقىلاۋ جۇرگىزۋدى كۇشەيتۋ كەرەك.
التىنشى، ساقتالعان ماسەلەلەردى پارمەندى تۇردە ازايتىپ، ماسەلەلەردىڭ كوبەيۋىن ءونىمدى تىزگىندەپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەۋ، دامىتۋ كەرەك. بيلىك شوعىرلانعان، قارجى توپتالعان، بايلىق مول تاراۋلاردى جانە كاسىپ سالالارىن باقىلاۋدى كۇشەيتىپ، فينانس سالاسىنداعى شىرىكتەسۋگە قارسى تۇرۋدىڭ سەرپىنىن ارتتىرىپ، قيانات جاساۋ، پارا بەرۋ، ۇقىعىنان بەتالدى پايدالانۋ، قىزمەتكە نەمقۇرايدى قاراۋ سياقتى قىزمەتتە زاڭعا قايشىلىق جاساۋدى جانە قىزمەتتىك قىلمىس وتكىزۋدى زاڭ بويىنشا تەكسەرىپ ءبىر جايلى ەتىپ، مۇددەلىك توپتاردىڭ باسشى كادرلاردى شىرعالاۋىنان، ازدىرۋىنان باتىل ساقتانۋ كەرەك. شىرىكتەسۋگە قارسى تۇرۋدى حالىقارالىق جونگە سالۋعا ىشكەرىلەي قاتىسىپ، قاشقىنداردى قۋعىنداۋ، قاشۋدىڭ الدىن الۋ، ارام ولجانى قايتارىپ اكەلۋ قىزمەتىن ءبىر تۇلعالاندىرىپ ىلگەرىلەتۋ كەرەك.
جەتىنشى، بۇقارانىڭ توڭىرەگىندەگى شىرىكتەسۋ جانە ستيل ماسەلەلەرىن ءۇرتىس وڭاپ، جونگە سالىپ، حالىق جۇرتشىلىعىن اناعۇرلىم كوپ، اناعۇرلىم تىكە، اناعۇرلىم ناقتى تابىس سەزىمىنە، باقىت سەزىمىنە، حاۋىپسىزدىك سەزىمىنە يە ەتۋ كەرەك. كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارناۋلى جونگە سالۋدى ىشكەرىلەي ىلگەرىلەتۋ كەرەك. حالىق تۇرمىسى سالاسىندا ارناۋلى وڭاۋ، جونگە سالۋدى ورىستەتىپ، وقۋ - اعارتۋ، ەمدەۋ، قورشاعان ورتانى قورعاۋ، ازىق - تۇلىك، ءدارى - دارمەك حاۋىپسىزدىگى سياقتى جاقتارداعى بۇقارانىڭ مۇددەسىنە زالال جەتكىزگەن ماسەلەلەردى ءبىر جايلى ەتۋ كەرەك. نەگىزگى ساتى كادرلارىنىڭ تارتىپكە، زاڭعا قايشىلىق جاساۋ ءىس - ارەكەتتەرىن قاتاڭ تەكسەرۋ، قارا، سۇرقيا كۇشتەردىڭ «قورعانىش قالقانىن» قاتاڭ تەكسەرۋ كەرەك.
سەگىزىنشى، ساياسيدا بەرىك، قابىلەتى ۇستەم بولۋ تالابى بويىنشا، ءتارتىپ تەكسەرۋ، باقىلاۋ - تەكسەرۋ قوسىنى قۇرىلىسىن قاتاڭ، شىنايى كۇشەيتۋ كەرەك. پارتيانىڭ ساياسي قۇرىلىسىن باستاماشىلدىقپەن كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە، باستاماشىلدىقپەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىن الاڭسىز ەتەتىن، حالىق جۇرتشىلىعىنىڭ قالاۋىنان شىعاتىن ۇلگىلى ورگاندى باستاماشىلدىقپەن قۇرۋ كەرەك. ستيل مەن ءتارتىپ قۇرىلىسىن كۇشەيتىپ، قاعيدا، ءتارتىپ، زاڭ بويىنشا جاۋاپكەرشىلىكتى اتقارىپ، وتباسىنداعىلاردى، پەرزەنتتەرىن جانە جانىنداعى قىزمەتكەرلەردى قاتاڭ تەجەپ، ءتارتىپ اتقارۋدا تارتىپكە قيعاشتىق جاساعاندارعا، زاڭ اتقارۋدا زاڭعا قيعاشتىق جاساعاندارعا «نولدىك توزىمدىلىكپەن» مامىلە جاساپ، ادال دا تاباندى، مىندەت ارقالاپ، جاۋاپكەرشىلىكتى ادا ەتەتىن، تارتىپكە بويسۇنىپ، زاڭنان اتتامايتىن، پاك، كىرشىكسىز ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇرۋ كەرەك.
جالپى ءماجىلىس پارتيا ۆستاۋىنىڭ بەلگىلەمەسى بوينشا لۋ شي جولداستى ج ك پ ورتالىق كوميتەتى ءتارتىپ تەكسەرۋ، باقىلاۋ - تەكسەرۋ كوميتەتى تۇراقتى كوميتەتىنىڭ مۇشەسى ەتىپ سايلادى.
جالپى ءماجىلىس بىلاي دەپ ۇندەۋ تاستادى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيانى جاپپاي قاتاڭ جونگە سالۋدى، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تىڭعىلىقتى ىلگەرىلەتىپ، پارتيا 19 - قۇرىلتايىنىڭ رۋحىن جانە پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك!
(شينحۋا اگەنتتىگىنىڭ 1 - ايدىڭ 13 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
