اۆتونوميالى رايون اتتانىسقا كەلتىرۋ، ورنالاستىرۋ ءماجىلىسىن اشىپ مىنالاردى تالاپ ەتتى
اشىق اسپاندى قورعاۋ شايقاسىنىڭ جەڭىسىنە جەتىپ، اتموسفەرانىڭ لاستانۋىنان ساقتانۋدان جانە ونى جونگە سالۋدان ناقتى ناتيجە شىعارۋعا كەپىلدىك ەتۋ كەرەك
2019.01.23 13:47 كەلۋ قاينارى : شينجياڭ گازەتى
ءتىلشىمىز لي ياڭ 1 - ايدىڭ 21 - كۇنى ۇرىمجىدەن حابارلايدى. 1 - ايدىڭ 20 - كۇنى تۇستەن بۇرىن، اۆتونوميالى رايون تۇتاس شينجياڭدا اشىق اسپاندى قورعاۋ شايقاسىنا جانە «ءۇرىمجى - سانجى - شىحىزى»، «كۇيتۇن - مايتاۋ - شيحۋ» الاپتارى اتموسفەراسىنىڭ لاستانۋىنان ساقتانۋدان جانە ونى جونگە سالۋدان قامال الۋ ارەكەتىنە اتتانىسقا كەلتىرۋ، ورنالاستىرۋ ءماجىلىسىن اشتى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن جانە شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ اشىق اسپاندى قورعاۋ شايقاسىنىڭ جەڭىسىنە جەتۋ جونىندەگى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، تۇتاس رايونداعى اتموسفەرانىڭ لاستانۋىن جونگە سالۋدا ءدوپ كەلگەن جاعدايعا تالداۋ جاساپ، «ءۇرىمجى - سانجى - شىحىزى»، «كۇيتۇن - مايتاۋ - شيحۋ» الاپتارى اتموسفەراسىنىڭ لاستانۋىنان ساقتانۋدان جانە ونى جونگە سالۋدان قامال الۋ ارەكەتىن ويداعىداي جۇرگىزۋگە، تۇتاس شينجياڭدا اشىق اسپاندى قورعاۋ شايقاسىنىڭ جەڭىسىنە جەتۋگە ورنالاستىرۋ جاسادى. اۆتونوميالى رايوندىق پارتكومنىڭ ورىنباسار شۋجيى، شينجياڭ قورشاعان ورتانى قورعاۋ كوميتەتىنىڭ ورىنباسار مەڭگەرۋشىسى لي پىڭشين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: اشىق اسپاندى قورعاۋ شايقاسىنىڭ جەڭىسىنە جەتۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ءىس جۇزىندىك ارەكەتى، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ قاجەتتى تالابى، جاپپاي دوڭگەلەك داۋلەتتى قوعام ورناتۋدا، جوعارى ساپالى دامۋدى ىلگەرىلەتۋدە ءسوزسىز باسىپ وتەتىن جول، حالىق بۇقاراسىنىڭ تاماشا تۇرمىسقا دەگەن تالپىنىسىنا ۇيلەسۋدىڭ رەال قاجەتى. ساياسي دەڭگەيدى شىن مانىندە جوعارىلاتىپ، «ءتورت تانىمدى» كۇشەيتىپ، اشىق اسپاندى قورعاۋ شايقاسىنىڭ جەڭىسىنە جەتۋدى ماڭىزدى ساياسي مىندەت رەتىندە مىقتاپ يگەرىپ، ناقتى يگەرىپ، تياناقتى يگەرىپ، جاراسىمدى، جاسىل، تازا، قونىستانۋعا جايلى كورىكتى شينجياڭ قۇرۋعا سەنىمدى اۋا ساپاسىمەن قامتاماسىز ەتۋ كەرەك.
ءماجىلىس مىنالاردى باسا دارىپتەدى: اۆتونوميالى رايوندىق پارتكوم ەكولوگيالىق وركەنيەت قۇرىلىسى مەن قورشاعان ورتانى قورعاۋدى باستان - اياق كورنەكتى ورىنعا قويىپ، قىزمەت تەبىنىن ۇزدىكسىز ارتتىرىپ، ەكولوگيالىق ورتا جاعدايىنىڭ كورنەكتى جاقسارۋىن ىلگەرىلەتتى. الايدا، كوپ جاقتاعى فاكتورلاردىڭ ىقپالىنان، تۇتاس رايونداعى اتموسفەرانىڭ لاستانۋىنان ساقتانۋ جانە ونى جونگە سالۋ مىندەتى ءالى دە جاپالى دا اۋىر. جاڭا دامۋ ۇستانىمىنان جازباي، جوعارى ساپالى دامۋدان جازباي، تۇتاس حالىقتىڭ بىرگە جونگە سالۋىنان، قاينارىنان ساقتانۋ مەن جونگە سالۋىنا، ۇستىنەن وڭاۋ مەن تۇبىرىنەن وڭاۋدى تەڭ جۇرگىزۋدەن جازباي، بەلگىلەنگەن نىسانا بويىنشا، كاسىپ قۇرىلىمىن جانە ەنەرگيا قۇرىلىمىن رەتتەۋدى بۇلجىماستان يگەرىپ، «بىتىراندى، جۇيەسىز، لاستاعىش» كاسىپورىنداردى رەتتەۋ - جونگە سالۋدى، موتورلى كولىكتەردىڭ لاستاۋىنان ساقتانۋدى جانە ونى جونگە سالۋدى، شاڭ - توزاڭنىڭ لاستاۋىن تىزگىندەۋدى جانە اۋىر لاستاعىش اۋا رايىنا توتەپ بەرۋدى جاقسى ۇستاپ، اتموسفەرانىڭ لاستانۋىنان ساقتانۋدىڭ جانە ونى جونگە سالۋدىڭ عىلىم - تەحنيكالىق تىرەگىن كۇشەيتىپ، اشىق اسپاندى قورعاۋ شايقاسىنىڭ جەڭىسىنە باتىل قول جەتكىزىپ، بۇقاراعا اشىق اسپان، اقشا بۇلت، سامسىعان جۇلدىز سيلاۋ كەرەك.
ءماجىلىس مىنالاردى تالاپ ەتتى: ۇيىمدىق باسشىلىقتى كۇشەيتىپ، جاۋاپكەرشىلىكتى تياناقتاندىرۋدى نىعايتىپ، «پارتيا مەن ۇكىمەت تەڭ جاۋاپتى بولۋعا»، «ءبىر قىزمەت ورنىندا ەكى جاۋاپكەرشىلىك ارقالاۋعا» تاباندى بولىپ، «بيڭتۋان مەن جەرگىلىكتى ورىن ءبىر تۇتاس جۇيە» يدەياسىن بەرىك ورناتىپ، بيڭتۋان مەن جەرگىلىكتى ورىننىڭ قوسىلا ارەكەت جاساۋىن كۇشەيتىپ، باعالاۋدى، جاۋاپقا تارتۋدى كۇشەيتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانۋىنا، ونىمدىلىك كورسەتۋىنە كەپىلدىك ەتۋ كەرەك.
ءماجىلىس شينجياڭنىڭ 2018 - جىلدىق قورشاعان ورتا، اۋا ساپاسىنىڭ جانە قورشاعان ورتانى قورعاۋداعى تەجەمدىك كورسەتكىشىنىڭ ورىندالۋ جاعدايىن حابارلاندىردى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ، بيڭتۋان دامۋ جانە رەفورما كوميتەتىنىڭ، ونەركاسىپ جانە ينفورماتسيالاندىرۋ كوميتەتىنىڭ، سانجى حۇيزۋ اۆتونوميالى وبلىستىق حالىق ۇكىمەتىنىڭ، بايىنعولين موڭعۇل اۆتونوميالى وبلىستىق حالىق ۇكىمەتىنىڭ، شىحىزى قالاسىنىڭ، كۇيتۇن - مايتاۋ ەكونوميكالىق - تەحنيكالىق اشۋ رايونىن باسقارۋ كوميتەتىنىڭ قاتىستى جاۋاپتى جولداستارى لەبىز ءبىلدىردى.
ءماجىلىس تەلەۆيزور - تەلەفون ءماجىلىسى فورماسىندا اشىلدى. اۆتونوميالى رايون مەن بيڭتۋاننىڭ باسشىلارىنان جاروللا يسامدين، جاڭ يۇڭ ماجىلىسكە قاتىناستى. شينجياڭ قورشاعان ورتانى قورعاۋ كوميتەتىنە مۇشە ورىنداردىڭ، سونداي - اق قاتىستى ورىنداردىڭ جاۋاپتى جولداستارى، ورتالىقتىڭ شينجياڭداعى كاسىپورىندارىنىڭ قاتىستى جاۋاپتىلارى نەگىزگى جيىن زالىندا ماجىلىسكە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
