- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بويىن ادىلەت كۇشى كەرنەگەن
− ءۇرىمجى قالاسى حۇڭمياۋزى ءمالىسى چۇنشي كوشەسى وڭتۇستىك الەۋمەتتىك اۋماعىنىڭ ورىنباسار مەڭگەرۋشىسى شياڭ حۇڭجى تۋرالى
2014.04.25 10:47 كەلۋ قاينارى : ءتاڭىرتاۋ تورابى
18 - ساۋىردە ءۇرىمجى قالاسى چۇنشي كوشەسى وڭتۇستىك الەۋمەتتىك اۋماعىنىڭ قىزمەتكەرلەرى مەن 88 - ورتا مەكتەپتىڭ وقۋشىلارى ادىلەت جولىندا باسىن ءباي تىككەن قاھارمان شياڭ حۇڭجىنىڭ تۋعان كۇنىن قۇتتىقتادى.
شياڭ حۇڭجى بۇزاقىلارمەن ايانباي ايقاسىپ جارالانعاننان بەرى 42 كۇن ءوتتى، ياعني 18 - ساۋىردە ول 28 جاسقا تولدى. ءۇرىمجى قالاسى سايباق رايونى حۇڭمياۋزى ءمالىسى چۇنشي كوشەسى وڭتۇستىك الەۋمەتتىك اۋماعى ونىڭ تۋعان كۇن وتكىزدى، جاراقاتىنىڭ ءالى دە تولىق ساقايماعاندىعىن كورگەن كاسىپتەستەرى مەن سول اۋماقتاعى ورتا مەكتەپتىڭ وقۋشىلارى اسەرلەنە كوزدەرىنە ىستىق جاس الدى. ادىلەت جولىندا ەرلىكپەن ايقاسقان وسى جىگىت 7 - ناۋرىزدان بەرى دەنەسىنە تۇسكەن جاراقاتتىڭ زاردابىمەن الىسىپ كەلەدى، قوعامنىڭ ءار سالاسى دا وعان نازار اۋدارىپ، قولداۋ كورسەتتى.
تاربيەنىڭ كۇشى
7 - ناۋرىز كۇنى كەشتە چۇنشي كوشەسى وڭتۇستىك الەۋمەتتىك اۋماعىنىڭ ورىنباسار مەڭگەرۋشىسى شياڭ حۇڭجى جەكەلەر وزدەرى سالىپ العان ۇيلەرگە بارىپ نوپوس تەكسەرىپ جۇرگەندە، ماس بولىپ، كورىنگەنگە سوقتىعىپ جۇرگەن ءبىر ادامعا جولىعىپ قالادى. باسقالاردى قورعاۋ ءۇشىن ۇمتىلىپ بارىپ ونى توسپاقشى بولعاندا، اراققا بوككەن سۇمپايى شياڭ حۇڭجىعا 6 جەردەن پىشاق سالادى...
شياڭ حۇڭجىنىڭ ەرلىك ءىسى قوعامدا كۇشتى اڭىس تۋدىردى. وعان امانداسا كەلىپ، حال سۇراۋشىلاردىڭ، گۇل ۇسىنىپ، جىلۋ اتاۋشىلاردىڭ اياعى ۇزىلمەدى. قىسىلتاياڭ ساتتە جەكە باسىنىڭ اماندىعىنا قاراماستان، باسقالاردى قورعاۋ جولىندا كەۋدە كەرىپ العا شىعۋىنا دەم بەرگەن قانداي رۋح؟
شياڭ حۇڭجىنىڭ شەشەسى ما يۇڭمەيدەن ۇعىسۋىمىزشا، شياڭ حۇڭجى باستاۋىشتان تارتىپ جوعارى مەكتەپكە دەيىن قۇلشىنا ۇيرەنىپ، كلاس كادرى بولىپتى. ۇيرەنۋ ناتيجەسى دە ايتارلىقتاي ەكەن، ساباقتاستارىمەن دە تاتۋ ءوتىپتى.
شياڭ حۇڭجىنى تىلگە العاندا الەۋمەتتىك اۋماقتىڭ شۋجيى، مەڭگەرۋشىسى دۇڭ يانپيڭ: ول جان اشىر، وپالى جان، ماڭىزدى قىزمەتتەردى اتقارىپ وتىرعان جاقسى سەرىگىمىز، - دەدى.
الەۋمەتتىك اۋماق كادرى تان يان بىلاي دەدى: «قيىنشىلىققا جولىقساق ونى ىزدەيمىز، ول كومەگىن ايامايدى. ءبىر جولى الەۋمەتتىك اۋماق لەي فىڭنان ۇيرەنىپ، اقىسىز شاش الۋ قيمىلىن وتكىزگەندە، ول مۇگەدەكتەردى الەۋمەتتىك اۋماققا الىپ كەلىپ، شاشتارىن الىپ، قايتا جەتكىزىپ قويدى».
شياڭ حۇڭجىنىڭ باتىل دا شوگەل، قايىرىمدىلىق قاسيەتى بالا كەزىنەن تارتىپ، وتباسى، مەكتەپ، قوعام سىندى ءار تاراپتىڭ تاربيەسى مەن ونەگە بولۋىندا بىرتىندەپ قالىپتاسقان.
شابىتتىڭ كۇشى
18 - ساۋىردە لانجوۋ اسكەري رايونى ءۇرىمجى باس شيپاحاناسىنا قايتالاي ەمدەلۋگە كەلگەن شياڭ حۇڭجىنى شيپاگەرلەر مەن سەسترالار قارسى الدى. 42 كۇننىڭ الدىندا وسى شيپاحاناعا شۇعىل جەتكىزىلگەن كەزدە، ونىڭ ادىلەت جولىندا ايانباي ەرلىك كورسەتكەن رۋحى شيپاگەرلەردى اسەرلەندىرىپ، شياڭ حۇڭجىنى قۇتقارۋعا بار كۇشىن سالعان ەدى.
ىشكى، سىرتقى اۋرۋلار ءبولىمىنىڭ مەڭگەرۋشىسى گاۋ جان شياڭ حۇڭجىنىڭ جاراقات ورنىن قايتا ءبىر تەكسەرىپ شىعىپ، قۋانا بىلاي دەدى: «ىشكى، سىرتقى جاراقاتتارىنىڭ ساقايۋى جاقسى ەكەن، ءپىشىن تۇزەتۋدىڭ قاجەتى جوق، قازىرگى ماسەلە بەت پەن مۇرىن قۋىسى ارالىعىنداعى جاراقات ورنىنىڭ ءبىتۋى باياۋ بولىپ وتىر». ول شياڭ حۇڭجىعا ساۋىقتىرۋ جاتتىعۋىن باستاۋدى تاپسىردى.
شياڭ حۇڭجى جارالانىپ جاتقان كۇندەردە چۇنشي كوشەسى وڭتۇستىك الەۋمەتتىك اۋماعىنداعى 21 قىزمەتكەر شياڭ حۇڭجىنىڭ كۇندەلىكتى قىزمەتىن ءبولىسىپ ۇستىنە الدى. جي جياڭجۇن الەۋمەتتىك اۋماقتاعى مەكەمە - ورىنداردىڭ حاۋىپسىزدىگىن تەكسەرۋدى ۋاقىتشا ۇستىنە العان ەدى. ول بىلاي دەدى: «ءار كۇنى تاڭەرتەڭ ساعات 10دا جۇمىسقا كەلگەن سوڭ، <حاۋىپسىزدىكتى تەكسەرۋ كەستەسىن> الىپ الەۋمەتتىك اۋماقتاعى 5 مەكەمە - ورىنعا، 7 قوناق ۇيگە، 4 قاباقحاناعا، 2 توراپحاناعا بارىپ تەكسەرۋ جۇرگىزەمىن. ونىڭ جۇمىسىن ۋاقىتشا ۇستىمە العان سوڭ بارىپ، بۇل جۇمىستىڭ قيىندىعىن ءبىلدىم».
شياڭ حۇڭجىنىڭ كۇن - ءتۇن دەمەي، شارشاۋدى دا ەلەمەي ىستەيتىن كاسىپتىك رۋحى جانىنداعى كاسىپتەستەرىن اسەرلەندىردى.
«شياڭ حۇڭجىنىڭ ادىلەت جولىندا ايانباي ەرلىك كورسەتكەن ءىسى قوعامدى اسەرلەندىردى. بۇقارا قيىنشىلىققا جانە حاۋىپ - قاتەرگە تاپ بولعاندا، الەۋمەتتىك اۋماقتاعى كادرلارىمىز ودان ۇيرەنۋى كەرەك، بۇلءبىزدىڭ قىزمەت مىندەتىمىز»، − دەدى الەۋمەتتىك اۋماق كادرى شۇي شىحۇي.
تەبىرەنۋدەن تۋعان كۇش
شياڭ حۇڭجى تۇسكە تاياپ چۇنشي كوشەسى وڭتۇستىك الەۋمەتتىك اۋماعىنا كەلدى. نارسەلەرىن جيناستىرىپ، توۋگۇڭ الەۋمەتتىك اۋماعىنا مەڭگەرۋشى بولىپ اۋىسىپ بارۋدىڭ دايىندىعىن ىستەمەكشى بولىپ جاتقاندا، دالىزدە ونى 88 - ورتا مەكتەپتىڭ وقۋشىلارى قاۋمالاپ الىپ قۇشاعىن گۇلگە تولتىرىپ، تۋعان كۇنىنە قۇتتى بولسىن ايتتى. ۇيدەگى ۇزىن ۇستەلدىڭ ۇستىنە تۋعان كۇن بالكۇلشەسى، جەمىستەر قويىلىپتى. بالالار وزدەرى دايىنداعان كونسەرتتەرىن ورىندادى. قاتتى تەبىرەنگەن شياڭ حۇڭجى تۋعان كۇندى قۇتتىقتاۋعا ارنالعان ءان اۋەنىمەن بىرگە بالاۋىز شامدى ۇرلەپ، ەرىكسىزدەن كوزىنە جاس الدى.
88 - ورتا مەكتەپ 1 - جىلدىق 4 - كلاستىڭ وقۋشىسى شيا چاڭ - ي 2 كۇن ۋاقىت جۇمساپ قاعازدان قىرۋار جۇلدىزشا جاساپتى. ول ادەمى جۇلدىزشالاردى كورسەتىپ: جۇلدىزشالار نۇر - شۇعىلانىڭ سيمۆولى، مۇنى اعاما سيلايمىن، ونىڭ تۋعان كۇنىنە قۇتتى بولسىن ايتامىن، −دەدى. 11 جاستاعى ابيدا: «اعامنىڭ ەرلىكپەن ادام قۇتقارعان ىستەرىنەن ۇيرەنىپ، ەسەيگەندە مەن دە سونداي ادام بولامىن، − دەدى.
وسى مەكتەپتىڭ مۇعالىمى تۇرسىنگۇل بىلاي دەدى: «ول − ءبىزدىڭ جانىمىزداعى قاھارمان، ول بالالاردىڭ ادام بولۋىنا، ۇيرەنۋىنە ۇلگى كورسەتتى». قوعامنىڭ قامقورلىعى مەن قولداۋىنان شياڭ حۇڭجى كۇش - جىگەر الدى. ول: بۇگىنگى كۇن باسقا كۇندەردەن وزگەشە، بۇل مەنىڭ ءومىر ساپارىمداعى جاڭا ءبىر بەلەس بولماق، − دەدى. «شينجياڭ گازەتى» ءتىلشى لۋ يان
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
