جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەر اڭگىمە ءماجىلىسىن اشتى

شينحۋا اگەنتتىگى، 7 ـ ايدىڭ 19 ـ كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى 5 ـ ايدىڭ 20 ـ كۇنى جۇڭنانحايدا پارتيا سىرتىنداعى قايراتكەرلەر اڭگىمە ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسى جونىندە دەموكراتيالىق پارتيا ـ توپتاردىڭ ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پىكىرلەرى مەن ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىسىن باسقاردى ءارى ماڭىزدى ءسوز سويلەپ بىلاي دەپ باسا دارىپتەدى: جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى 20 ـ كەزەكتى ورتالىق كوميتەتتىڭ ءۇشىنشى جالپى ءماجىلىسىن اشىپ، رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ماسەلەسىن ءتۇيىندى تۇردە اقىلداسۋدى، ورنالاستىرۋدى ءارى قاۋلى شىعارۋدى ۇيعاردى، مۇندا جاڭا جورىقتا پارتيا مەن مەملەكەت ءدوپ كەلگەن جاڭا جاعداي، جاڭا مىندەت شىعار ءتۇيىن ەتىپ ويلاستىرىلعان، ماقسات − جۇڭگو كوممۋنيستىك پارتياسى 20 ـ قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، رەفورمانى اناعۇرلىم جاپپاي تەرەڭدەتۋ جونىندە جۇيەلى جوسپار جانە ورنالاستىرۋ جاساپ، ەكىنشى 100 جىلدىق كۇرەس نىساناسىن جۇزەگە اسىرۋعا قۋاتتى قوزعاۋشى كۇش جانە ءتۇزىم قامتاماسىزدىعىن ازىرلەۋ.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى ۋاڭ حۋنيڭ، ساي چي، ديڭ شۋەشياڭ اڭگىمە ماجىلىسىنە قاتىناستى.

اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا ـ جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، ”3 ـ قىركۇيەك“ ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا ـ ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى پۋ شىلۇڭ ىلگەرىندى ـ كەيىندى لەبىز ءبىلدىردى. ولار جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلى نۇسقاسىن بۇكىلدەي قۇپتايتىندىقتارىن بىلدىرە كەلىپ، ءبىر اۋىزدان بۇل رەفورمانى اناعۇرلىم جاپپاي تەرەڭدەتۋدىڭ كەلەلى شارالارىن عىلمي جوسپارلاپ، جاڭا تاريحي باستاماداعى، جاڭا تاريحي باعىتتاعى رەفورمانىڭ جەتەكشى يدەياسى، نىسانا پرينسيبى جانە كەلەلى مىندەتتەرى سياقتىلاردى ايقىندادى، كەلەلى نازاريالىق مانگە، امالياتتىق مانگە جانە داۋىرلىك مانگە يە دەپ قارادى ءارى ەكونوميكانىڭ ومىرشەڭدىك كۇشىن تاسقىنداتۋ، وڭىرلەردىڭ سايكەستى دامۋ جاڭا ارناسىن قالىپتاستىرۋ، حالىق سانىنىڭ جوعارى ساپالى دامۋىن جەبەۋ، جاڭاشا وندىرگىش كۇشتى دامىتۋ، ەمدەۋ، ءدارى ـ دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ، دارىندىلاردى تاربيەلەۋدەگى مەحانيزمدىك بوگەتتەردى تالقانداۋ، عىلىم ـ تەحنيكادا جاڭالىق اشۋعا ۇيلەسەتىن عىلىم ـ تەحنيكا فينانسى جۇيەسىن قۇرۋ، مەملەكەت مەنشىگىندەگى كاسىپورىندار مەن حالىق باسقارۋىنداعى كاسىپورىنداردىڭ سايكەسە جاڭالىق اشۋىن ىلگەرىلەتۋ، جوعارى دەڭگەيدە سىرتقا ەسىك اشۋدى ىلگەرىلەتۋ، ەكى جاعالاۋدىڭ توعىسپالى دامۋىن جەبەۋ سياقتىلار جونىندە پىكىر جانە ۇسىنىس بەردى.

كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول الدىمەن جۇڭگو كوممۋنيستىك پارتياسى ورتالىق كوميتەتىنىڭ پارتيا 20 ـ كەزەكتى ورتالىق كوميتەتىنىڭ ءۇشىنشى جالپى ءماجىلىسىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى ويلارى مەن قۇجاتتاردى دايىنداۋعا قاتىستى جاعدايلاردى تانىستىردى. ول بىلاي دەپ اتاپ كورسەتتى: دەموكراتيانى اسقاقتاتۋ، كوپتىڭ پاراساتىن ساۋلەلەندىرۋ، ءار جاقتىڭ پىكىرىن كەڭ كولەمدە تىڭداۋ − جۇڭگو كوممۋنيستىك پارتياسى ورتالىق كوميتەتىنىڭ كەلەلى ماسەلەلەردى اقىلداسۋداعى، ماڭىزدى ءماجىلىس قۇجاتتارىن دايىنداۋداعى داعدىلى ءتاسىلى جانە تاڭداۋلى ءداستۇرى. بىلتىر 12 ـ ايدا جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن ورتالىق كوميتەت بىرلىكساپ ءبولىمى پارتيا سىرتىنداعى قايراتكەرلەردەن جۇڭگو كوممۋنيستىك پارتياسى 20 ـ كەزەكتى ورتالىق كوميتەتى ءۇشىنشى جالپى ءماجىلىسىنىڭ قاتىستى كەڭەستىك تاقىرىپتارى جونىندە ارناۋلى پىكىر جانە ۇسىنىس الدى، كوپشىلىك جاڭا داۋىردە رەفورمانى جاپپاي تەرەڭدەتۋدىڭ امالياتتىق تاجىريبەلەرىن، رەفورمانى اناعۇرلىم جاپپاي تەرەڭدەتۋدىڭ جالپى نىساناسىن، بويسۇنۋعا ءتيىستى ماڭىزدى پرينسيبىن، ءارقايسى سالانىڭ رەفورمانى اناعۇرلىم جاپپاي تەرەڭدەتۋدەگى نىسانا ـ مىندەتىن، كەلەلى شاراسىن، پارتيا سىرتىنداعى قايراتكەرلەردىڭ رەفورمانى جاپپاي تەرەڭدەتۋدەگى رولىن ساۋلەلەندىرۋ سياقتى ماسەلەلەردى ارقاۋ ەتە وتىرىپ كوپتەگەن قۇندى پىكىر جانە ۇسىنىس بەردى. كوپشىلىك الگىندە سوزدەرىندە جاقسى پىكىر ـ ۇسىنىستاردى ورتاعا قويدى، ءبىز مۇقيات اقىلداسىپ قابىلدايمىز. ول جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە العىس ايتتى.

شي جينپيڭ بىلاي دەپ باسا دارىپتەدى: رەفورمانى اناعۇرلىم جاپپاي تەرەڭدەتۋدە ماسەلەگە بەتپە ـ بەت كەلۋ كەرەك. ماسەلە تانىمىن كۇشەيتىپ، ماسەلەنى باعدار ەتۋدى كورنەكتىلەندىرىپ، دامۋ قاجەتىن ارقاۋ ەتىپ، حالىقتىڭ كوكسەگەن ارمانىنا قاراي بەيىمدەلىپ، جوعارى ساپالى دامۋعا تەجەۋ بولاتىن بوگەتتىك ماسەلەلەردى، قوعامدىق ادىلدىك پەن ادىلەتتىلىككە ىقپال جاسايتىن قولامتالى ماسەلەلەردى، حالىق تۇرمىسى جاعىنداعى قيىن ماسەلەلەردى، پارتيا قۇرىلىسىنداعى كورنەكتى ماسەلەلەردى، ءارقايسى سالاداعى حاۋىپ ـ قاتەر ماسەلەلەرىن كۇش سالا شەشىپ، رەفورمانىڭ باعىتتامالىلىعىن، ناقتى ونىمدىلىگىن كۇشەيتۋ كەرەك. ۇستىنەن وڭاۋ مەن تۇبىرىنەن وڭاۋعا، تۇبىرىنەن وڭاۋدى ماڭىزدى ورىنعا قويۋعا تاباندى بولىپ، ءارى جان ـ جاقتى بولۋ جاعىنا ۇزدىكسىز كۇش سالىپ، رەفورما شاراسىنىڭ جۇڭگو ۇلگىسىندەگى وسىزامانداندىرۋدى ىلگەرىلەتۋدە شەشۋ قاجەت بولعان كورنەكتى ماسەلەلەردى تۇتاس قامتۋىنا مۇمكىندىك جاساۋ؛ ءارى تەرەڭدەتۋ جاعىنا ۇزدىكسىز ناقتى كۇش جۇمساپ، ەكونوميكا ءتۇزىلىسى سىندى ماڭىزدى ءتۇيىندى كورنەكتىلەندىرىپ، تەرەڭ قاتپارلى ءتۇزىلىس، مەحانيزم كەدەرگىسىن جانە قۇرىلىمدىق قايشىلىقتى كۇش سالا تالقانداۋ كەرەك.

شي جينپيڭ بىلاي دەپ اتاپ كورسەتتى: رەفورمانى اناعۇرلىم جاپپاي تەرەڭدەتۋدە، ءسوز جوق، ورتاق تانىمدى كۇشەيتۋ كەرەك. بۇكىل پارتيانىڭ، بۇكىل ەل حالقىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساۋ كەرەك. تەكسەرۋ ـ زەرتتەۋدى جاپپاي جۇرگىزىپ، بۇقارالىق لۋشيانمەن ويداعىداي ءجۇرىپ، حالىقتىڭ قاجەتىن ءبىلىپ، حالىقتان اقىل ـ كەڭەس الىپ، نەگىزگى ساتىنىڭ جانە بۇقارانىڭ ءتول جاسامپازدىق رۋحىنا قۇرمەت ەتىپ، بۇقارانىڭ شۇعىل، قيىن، ۋايىمداعان، ءزارۋ ىستەرىنەن رەفورمانىڭ كۇش سالۋ ءتۇيىنى مەن قامال الۋ ءتۇيىنىن ءداپ باسىپ تابۋعا ءمان بەرىپ، بۇقارانىڭ تابىس سەزىمىن، شىنايى مويىنداۋ دەڭگەيىن كۇشەيتۋ كەرەك. دەموكراتيانى اسقاقتاتىپ، كوپتىڭ پاراساتىن ساۋلەلەندىرۋگە تاباندى بولىپ، رەفورما شەشىمىنىڭ عىلميلىعىن جانە رەفورمانى تياناقتاندىرۋداعى اتقارۋ قابىلەتىن كۇشەيتۋ كەرەك.

شي جينپيڭ بىلاي دەپ باسا دارىپتەدى: رەفورمانى جوسپارلاۋ مەن ىلگەرىلەتۋدە، ءسوز جوق، جۇيە كوزقاراسىنا، جالپى جاعداي كوزقاراسىنا تاباندى بولىپ، ستراتەگيالىق وي جۇگىرتۋدى، ديالەكتيكالىق وي جۇگىرتۋدى كۇشەيتىپ، جەڭىل، اۋىرىن، باياۋ، شۇعىلىن پارىقتاندىرىپ، جۇيەلى دە شوعىرلى بولۋعا اناعۇرلىم باسا ءمان بەرۋ كەرەك. رەفورما شاراسىنىڭ سايكەستى، تۇلعالى بولۋىن كۇشەيتىپ، ءارقايسى سالا، ءارقايسى جاقتاعى رەفورما شاراسىنىڭ ءبىر باعىتتا كۇش سالۋىن ىلگەرىلەتىپ، تۇلعالىق ونىمدىلىكتى كۇشەيتۋ كەرەك. قاتىستى جاقتار، قاتىستى تاراۋلار، قاتىستى سالالار رەفورمانى ىلگەرىلەتۋدىڭ بىرىككەن كۇشىن قالىپتاستىرىپ، اركىم ءوز بىلگەنىن ىستەۋدەن، ءبىر ـ بىرىنە ورالعى بولۋدان قاتاڭ ساقتانۋى جانە ونى جەڭۋى كەرەك.

شي جينپيڭ بىلاي دەپ اتاپ كورسەتتى: رەفورمادا جوسپارلاۋعا ءمان بەرۋ كەرەك، ونان دا ماڭىزدىسى، تياناقتاندىرۋدى ويداعىداي يگەرۋ كەرەك. شەگە قاعۋ رۋحىن ساۋلەلەندىرىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، ناقتى جاعدايعا تەكسەرۋ جۇرگىزىپ، ناقتى شارا اتقارىپ، ناقتى ونىمدىلىككە تالپىنىپ، فورماشىلدىقتان قاتاڭ ساقتانىپ جانە ونى جەڭىپ، سىرتى جىلتىر وبراز ينجەنەرياسىمەن، حالىقتى قالجىراتىپ، اقشانى بوسقا شاشاتىن ناتيجە ينجەنەرياسىمەن اينالىسۋدان قاتاڭ ساقتانۋ كەرەك. اتقارۋ جوباسىن ويداعىداي جاساپ، دالمە ـ ءدال شارا اتقارىپ، ءدال ۋاعىندا، ۇيلەسىمدى ىستەپ، بار كۇشتى سالىپ ءىس تىندىرىپ، شاماعا قاراي ءىس ىستەپ، ءىس جۇزىندىكتەن الشاقتاۋدان قاتاڭ ساقتانۋ كەرەك. ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، الدىمەن ورناتىپ، سوڭىنان كۇشىنەن قالدىرۋعا ءمان بەرۋ كەرەك، ورناتپاي جاتىپ كۇشىنەن قالدىرۋعا بولمايدى. ۇيىمدىق باسشىلىقتى كۇشەيتىپ، جاۋاپكەرشىلىكتى قاتايتىپ، ناقتىلاندىرىپ، ءار دارەجەلى باسشىلىق القاسى مەن باسشى كادرلاردىڭ رەفورمانى تياناقتاندىرۋ قابىلەتى مەن دەڭگەيىن جوعارىلاتىپ، پارتيا ورتالىق كوميتەتىنىڭ رەفورما شەشىمدەرىنىڭ، ورنالاستىرۋلارىنىڭ ناقتى ونىمدىلىك كورسەتۋىنە شىنايى كەپىلدىك ەتۋ كەرەك.

لي گانجيە، لي شۋلەي، لي حۇڭجۇڭ، حى ليفىڭ، جاڭ گوچيڭ، چىن ۋىنچيڭ، ۋاڭ شياۋحۇڭ، مۋ حۇڭ، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار اڭگىمە ماجىلىسىنە قاتىناستى.

اڭگىمە ماجىلىسىنە تاعى شاۋ حۇڭ، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن جانە جاڭ ىندي، جياڭ ليپيڭ، فاڭ گۋاڭحۋا، ياڭ حۋايۇڭ قاتارلى پارتيا سىرتىنداعى قايراتكەرلەر قاتىناستى.

كەلۋ قاينارى: حالىق تورابى