جاڭالىق اشۋ جونىندە بەلسەنە ىزدەنىس جاساپ، قوزعاۋشى كۇشكە، ومىرشەڭدىك كۇشكە دەم بەرىپ، رەفورمانى اناعۇرلىم جاپپاي تەرەڭدەتۋ بارىسىندا جوعارى ساپالى دامۋدى ىلگەرىلەتۋ كەرەك

شينحۋا اگەنتتىگى، 7 - ايدىڭ 22 – كۇنى، تيانجين (ءتىلشى زوۋ ۋەي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 7 - ايدىڭ 22 - كۇنى تيانجيندە تەكسەرۋ ـ زەرتتەۋ جۇرگىزدى. ول مىنالاردى باسا دارىپتەدى: باس شۋجي شي جينپيڭنىڭ پارتيا 20 ـ كەزەكتى ورتالىق كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى ءسوزى مەن جالپى ءماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، ءتۇرلى رەفورما مىندەتتەرىن جاپپاي تياناقتاندىرىپ، جوعارى دەڭگەيدەگى سىرتقا ەسىك اشۋدى كۇش سالا ىلگەرىلەتىپ، بەلسەنە ىزدەنىس جاساپ، جاڭالىق اشىپ، قوزعاۋشى كۇشكە، ومىرشەڭدىك كۇشكە دەم بەرىپ، رەفورمانى اناعۇرلىم جاپپاي تەرەڭدەتۋ بارىسىندا جوعارى ساپالى دامۋدى ىلگەرىلەتۋ كەرەك.

لي چياڭ الدىمەن تيانكاي جوعارى وقۋ ـ اعارتۋ عىلىم ـ تەحنيكالىق جاڭالىق اشۋ باقشاسى وزەكتى رايونىنا كەلىپ، عىلىم ـ تەحنيكالىق جاڭالىق اشۋ باقشاسى قۇرىلىسىنىڭ جۇمىس جۇرگىزۋى جونىندەگى تانىستىرۋدى تىڭداپ، عىلمي زەرتتەۋ قىزمەتكەرلەرىمەن، عىلىم ـ تەحنيكا، فينانس قۇرىلىمدارىمەن جانە شارۋاشىلىق قۇرۋ سەرىكتەستىكتەرىنىڭ جاۋاپتىلارىمەن پىكىر اۋىستىرىپ، عىلىم ـ تەحنيكالىق جاڭالىق اشۋعا قىزمەت وتەۋ ەكولوگياسىن قالىپتاستىرۋ، جەتىستىكتەردى زەرتتەپ اشۋ، كادەگە جاراتۋ سياقتى جاعدايلاردى ۇعىستى. لي چياڭ مىناداي دەدى : ەكونوميكانىڭ جاڭا قوزعاۋشى كۇشىن جەتىلدىرىپ، جاڭاشا وندىرگىش كۇشتەردى دامىتۋدىڭ تەتىگى رەفورما نەگىزىندە جاڭالىق جاراتۋدا. عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسپالى دامۋىن ىلگەرىلەتۋدى كوزدە ۇستاپ، وقۋ ـ اعارتۋ، عىلىم ـ تەحنيكا، دارىندىلار ءتۇزىلىس، مەحانيزمىن ءبىر تۇلعالاندىرۋ رەفورماسىن ءبىر تۇتاس ىلگەرىلەتىپ، اناعۇرلىم ءونىمدى، اناعۇرلىم باۋراۋ قۋاتىنا يە عىلىم ـ تەحنيكادا جاڭالىق اشۋ تۇعىرىن قالىپتاستىرۋ كەرەك. ساياسات، قارجى، عىلمي زەرتتەۋ بايلىعى سياقتى جاقتاردا عىلىم - تەحنيكالىق ورتاشا، شاعىن كاسىپورىنداردى قولداۋ مەن عىلمي زەرتتەۋ قىزمەتكەرلەرىن شابىتتاندىرۋدى ونان ارى كۇشەيتىپ، ءتىپتى دە كوپ عىلىم - تەحنيكا جەتىستىكتەرىن وندىرگىش كۇشكە اينالدىرۋدى، قولدانۋدى جەبەپ، جاڭاشا وندىرگىش كۇشتەردى جەدەل دامىتۋ كەرەك.

لي چياڭ بينحاي جاڭا رايونىنا كەلىپ، وتيس ليفتى (جۇڭگو) شەكتى سەرىكتەستىگىندە كاسىپورىننىڭ زەرتتەۋ احۋالىن ۇعىسىپ، زەيىندىك جاساۋ ءوندىرىس لەنياسىن ەكسكۋرسيالاپ، ءونىمنىڭ حاۋىپسىزدىك ولشەمىن جانە پايدالانىلۋ شەكتى مەرزىمىن ناقتى سۇرادى. لي چياڭ تيانجين حۇڭشين قۇرىلىس مايعا بەرۋ شەكتى سەرىكتەستىگىندە سەرىكتىكتىڭ كاسىپ، تيجارات جانە دامۋ، قارجى قۇراۋ سياقتى جاعدايلارى جونىندەگى تانىستىرۋدى تىڭدادى. لي چياڭ بىلاي دەپ اتاپ كورسەتتى: رەفورما ورايىن مىقتى يگەرىپ، زور كولەمدى جابدىق جاڭالاۋ سياقتى قولداۋ ساياساتتارىنان ويداعىداي پايدالانىپ، زەيىندىك جاساۋدى نەگىزگى باعىت، كورىنىستىك قولدانىستى جەتەكشى ەتىپ، كاسىپورىنداردىڭ جاساندى زەردەدە جاڭالىق جاراتۋىن جانە قولدانۋدى كەڭەيتۋىن زور كۇشپەن قولداپ، وزەكتى باسەكەلىك قۋاتقا يە ءتىپتى دە كوپ كاسىپورىن جانە ونىمدەردىڭ بارلىققا كەلۋىنە مۇمكىندىك جاراتۋ كەرەك. قارجى قۇراۋ، مايعا بەرۋ سياقتى فينانس قۇرالدارىنان جاڭالىق اشىپ پايدالانىپ، ناقتى ەكونوميكاعا اناعۇرلىم ويداعىداي قىزمەت وتەپ، كاسىپ سالاسىندا تيپىن وزگەرتىپ، دارەجەسىن جوعارىلاتۋدى جەبەۋ كەرەك.

تەكسەرۋ ـ زەرتتەۋ بارىسىندا لي چياڭ بينحاي جاڭا رايونىنىڭ رەفورمانى، ەسىك اشۋدى تەرەڭدەتۋ، جوعارى ساپالى دامۋدى ىلگەرىلەتۋ قىزمەتى جونىندەگى مالىمەتتى تىڭدادى. ول مىنالاردى باسا دارىپتەدى: بينحاي جاڭا رايونى − تيانجين ەكونوميكاسىن دامىتۋدىڭ سەركەسى، سونداي ـ اق بەيجيڭ ـ تيانجين ـ حىبەيدىڭ سايكەستى دامۋىنا قىزمەت وتەۋدىڭ ماڭىزدى تىرەگى. باتىلدىقپەن ىزدەنىس جاساپ، باتىلدىقپەن الدا ءجۇرىپ، رەفورمانى تەرەڭدەتۋ بارىسىندا قوزعاۋشى كۇش پەن ومىرشەڭدىك كۇشتى اناعۇرلىم ويداعىداي تاسقىنداتۋ، اسىرەسە، ەركىن ساۋدا سىناق رايونى رەفورماسى، فينانستا جاڭالىق اشا دامۋ، جاڭاشا قالا ـ قالاشىقتاندىرۋ، جوعارى دەڭگەيدە سىرتقا ەسىك اشۋ سياقتى جاقتاردا ءتۇزىلىس، مەحانيزمدە جاڭالىق اشىپ، كەدەرگىلەردى بۇزۋ كەرەك. ابزالدىقتى ساۋلەلەندىرىپ، ەرەكشەلىكتى ايگىلەپ، پورت كاسىپ سالاسى مەن قالانىڭ توعىسپالى دامۋىن جەدەل ىلگەرىلەتىپ، پورت تەڭىز تاسىمالىنىڭ ىقپال قۋاتىن ونان ارى ارتتىرىپ، كاسىپ سالاسى دارەجەسىن جوعارىلاتۋدىڭ وراسان زور كومەسكى كۇشىن ونان ارى تاسقىنداتىپ، ەكولوگيالىق قالانىڭ قونىستانۋعا قولايلى قۇدىرەتىن ونان ارى ايگىلەۋ كەرەك. ىقپالداستىقتى كۇشەيتىپ، بايلىقتى بىرىكتىرىپ، بەيجيڭ، حىبەي سياقتى جەرلەرمەن ساياساتتاردى ۇشتاستىرۋدى، نىسانداردى بىرگە قۇرۋدى كۇشەيتىپ، عىلىم ـ تەحنيكا جەتىستىكتەرىن كادەگە جاراتۋدى بەلسەنە قابىلداپ، وسىزاماندانعان كاسىپ جۇيەسىن جەدەل ورناتىپ، بەيجيڭ ـ تيانجين ـ حىبەيدىڭ سايكەستى دامۋىن ىلگەرىلەتۋدە اناعۇرلىم زور رول اتقارۋ كەرەك.

لي چياڭ تيانجيننىڭ ەكونوميكالىق، قوعامدىق دامۋ ناتيجەلەرىن تولىق تۇراقتاندىردى، تيانجيننىڭ باس شۋجي شي جينپيڭنىڭ تيانجين قىزمەتى تۋراسىنداعى ماڭىزدى نۇسقاۋىنىڭ رۋحىن جالپى بەتتىك دايەكتىلەندىرىپ، قيىنشىلىقتاردى جەڭىپ، جىگەرلەنە العا ۇمتىلىپ، جوعارى ساپالى دامۋدى ىلگەرىلەتۋ جولىندا ۇزدىكسىز جاڭا ناتيجەلەردى قولعا كەلتىرۋىن ءۇمىت ەتتى.

چىن مين ـ ىر، ۋ جىڭلۇڭ تەكسەرۋ ـ زەرتتەۋدە بىرگە بولدى.

كەلۋ قاينارى: حالىق تورابى